أتمنى أن أكون قد أصبت.. وفقك الله أنت أيضا أخي جذيلها المحكك

__________________

اختلافي عنك لا يعني اختلافي معك

يا اختي ليش الطلاق؟؟؟
ليش الهروب
إنتي مفكرة انه في رجال غير الثاني
كلهم طينة وحدة بس في حريم يخافون منها الرجال
وفي حريم يستضعفونها
يعني وشوله بالله الرسالة والصور
هو اللي كافخكي يعني عارف
تشحذين منه الاعتذار ؟؟
وليش ماتصلتي عليه يوديكي المستشفى
وينطق بالسيارة مثل...
الحياة صعبة وهذي لا اول ولا اخر مشكلة بتواجهينها
بكرة أطفالك يكبرون يحتاجون ام قوية يفتخرون فيها
لا تتكلمين معاه خلي سلاحك الصمت
فاهمة كلامي ولا كلمة
بيحاول بستدرجكي بالسيارة
عشان يعرف وش ناوية عليه
بس ولا كلمة اجلسي استغفري
واذا ضغط عليكي
حسك عينك تطلع منك كلمة
وبعدها خلي اخوك او الوالد يتصل علية
الله يكتب لك الخيرة

أختي اعانك الله ..
موضوعك ان شااء الله بينحل وبأذن الله راح يعتذر منك ...
لكن ودي أنك فقط تحاولين تأخذين تقرير طبيب من المستشفى وتبقينه عندك فقط ..
خليه عندك على جنب على قولتهم ..أحتياط ...وان شاء الله نقول الامور طيبه ..
لكن لو وصلت لاسمح الله للطلاق ..ف هنا يكون التقرير موجود وحقك محفوظ ..
والافضل انه ما يدري بموضوع التقرير ...
..
والله ييسر امرك ويهدي زوجك ..

__________________
كن ثرياً بأخلاقك , غنياً بقناعتك , كبيراً بتواضعك ..

جزاكم الله خيرا .. ويعلم الله مافيني لكن اسألكم بالله لاتتهاوشون بموضوعي لان هذا يزديني قهر وتعب انا كتبت ابي حل او دعوه مابي الاخوان والاخوات يتمشكلون بسبة موضوعي .. اما قرار الطلاق انا اخترت ردا لكرامتي مو عشانه هو لااا عشان نفسي عشان نفسي ترضا باني انسحب من حياه كلها اهمال وتهتم وتهميش وتطنيش فعلا انا احتاج ارتب اموري وادرس موضوع طلاقي قبل اطلبه لكن الان ماببالي الا الطلاق رد اعتبار لذاتي .... اما اختي اللي تقول كيف بتروحين لغرض العيد لاهلك وتبين الطلاق .. افهمك قصدي انا قصدي بسكت هاليومين ولا راح اناقشه بشي ووقت يوديني لاهلي عشان اعيد عندهم راح اطلب الطلاق وينتهي كل شي ولاراح اتواصل معاه لين يجيب ورقتي ... وفعلا انا الان متعبه نفسيا ولازالت معاي نوبات البكاء لاني مو قادره انسى كيف كان الضرب وخصوصا انو امك وابوك واصغر اخوانك عمرهم مارفعو يدهم عليك ..نسيت اقولكم نقطه والاعتراف بالحق فضيله انا دايم اذا جيت اتناقش معاه كذا يرفع صوت ويتهزا فيني وبكلامي ويحرك يداه بستهزاء فيني ويطير عيونه علي كاني طفله عنده حتى اذا كان سبب تافه متخيلين يطير عيونه مثل ما الكبير يطير عيونه على الصغير،... دايم كنت اقول العتاب صابون القلوب لكن بعد اليوم مع هالشخص مافيه عتاب او حتى صابون ... غلطة الشاطر بألف .. كنت اسامح اسامح اسامح ابسط شي سامتحه عليه الخيانه ادري بتقولون الخيانه شي عظيم وغلطتي وسامحتي لكن لاتسألوني ليش سامحت لاني لا اعلم .. كنت اخاف اخسره كنت اخاف يخليني عند اهلي بالاشهر وفعلا سواها كثير وكنت انا المبادره مع ان والله العظيم ان اهلي ناس مدلعيني ومعيشيني اجمل عيشه لكن ليش انا متمسكه بهالزوج مدري ... اليوم مايهمني تمسكي فيه من اليوم راح التفت لنفسي وماراح اعطي اي شخص كان اكبر من حجمه .. عطاني صاع سوف ارجع له الصاع صاعين ... وبخني على وجهي والتوبيخ على الوجه اكبر اهانه بحق اي شخص فما بالكم بزوج يضرب زوجته كفوف وشد شعر ولف يد .. انا ماراح ادخل اهلي ليس خوف منه ولاضعف مني لاني انا تعلمت من الدروس السابقه دخلت ابوي بالموضوع وانتهت بتفرقة عايلتين بسبب طلاق شخص ما .... الحين هو اتصل فيني وانا اكتب ردي هذا ولم ارد على اتصاله وارسل لي رساله نصيه انا بداوم اذا بغيتي شي ارسلي واتس ( هو مرسل رساله نصيه لكن يطلب مني اذا بغيت شي ارسل واتس) والحمدلله على كل حال فكرة الطلاق موجوده فيني لكن قبل اطلبها بستخير ربي بطلاقي ... دعواتكم لي لعل احدكم اقرب مني إلى الله ...

اختي مرام انا ماشحذته ويعلم الله حتى اعتذاره مابيه الاعتذار ماراح يفيدني بشي بالعكس بيزرعها بقلبي اكثر ... انا ارسلت عشان يعرف اني مو مساحته وتحسبت عليه وخليت ربي بيني وبينه وبلغته ان احنا انتهينا لان فعلا انا انتهيت معاد فيني طاقه ابد ... امرض كم شهر وادوس على قلبي وبالنهايه اكيد بنساه وبعيش طبيعيه والحمدلله على كل حال

والله ما أدري أيش أقول

فكري بأطفالك وبحياتهم بعد الانفصال عن والدهم

لا تستعجلين

جزاك الله خيرا ريف ...

وياك يا قلبي

الله يصلح الحال ، ومافي بيت يخلو من المشاكل

وحياتنا ما راح تكون فيها راحه وسعاده أبديه مستمره هذا في الجنه

( خلق الانسان في كبد )

لم افهم اختي احد الان وجهة نظرك في عدم اخبار اهلك حالا!
يعني الا ترين ان هناك فرق بين اخبارهم قبل اتخاذ القرار اي الطلاق
و اخبارهم قبل للصلح بينكما؟؟

__________________

الله يبرد قلبك ويفرج همك اخبري اهلك بما حصل لك وبعد ذلك قرري ما تشائين لكن الان خذي موقف ولا تكلمينه وروحي المستشفى شوفي عينك لا تكون تأثرت