السلام عليكم اعضاء المنتدى الراقي
اول مشاركه لي و اتمنى تساعدوني و الله اني في محنه لا يعلم بها الا رب العباد
اتمنى ان تتقبلوني بصدر رحب و تصبرو على قراءة موضوعي ..
انا متزوجه من سنه و نص من قريب لي من جهة الوالد عمري 25 و زوجي عمره 29
انا متخرجه بكالوريوس و لكني غير موظفه و زوجي طبيب وحيد امه و امه طبيبه ايضا
ما عمره شاف والده و لا يعترف فيه و انا ال4 من 5 بنات و اخ صغير
انا من يوم اتزوجت وانا في دوامة مشاكل من خامس يوم زواجي زوجي ضربني عشان سحت جواله من يده و حسيت بالاهانه و سكت لاني انا الغلطانه بس هوا كان طول وقته ع الجوال و شكيت فيه و شكي كان في محله لقيت له علاقه مع طبيبه معاه ولكن كانت صداقة لاني كلمت البنت وقالت انا ما اعرف انه متزوج و هوا صديق لا اكثر ولا حصلت شي غير انهم اصدقاء و زوجي اعتذر و صدقته و سامحته و مشيتها لانه طبيعة عمله تتطلب انه يتواصل مع البنات
انا مو مقصره الحمدلله معاه و لي قدر من الجمال ولله الحمد العيب الوحيد اللي فيا عصبيتي لكن غير كدا الله عالم اني ما اقصر معاه
سارت اي مشكله بينه و بيني يضربني وكل مره اقول انا الغلطانه و اسكت الين مره قلت لوالدي و هوا جا ضرب زوجي بعصا خفيفه على كتفه ..بابا اول كان يوقف معاه لانه مايعرف انه يضربني ولمن عرف كرهه و يتمنى طلاقي منه اليوم قبل بكره ..على فكره والدي يسير خال ام زوجي و خاله بالرضاعه و رباه كمان
بعدها اهلي مانو يبو ياخدوني وما رضيت و جلست مع زوجي قام هوا حطني بيت اهلي و ما يبا يرجعني وجلست شهرين في بيت اهلي يزورني و ياخد حاجته و يروح
الين بابا حط حد وقاله يطلق قام رجعني
زوجي مطلقني خمسة مرات اثنين منها وقعت و الباقي كنت في دورة خلال سنه و نص بس !!
انا يا جماعه اعشق زوجي رغم الضرب رغم كل شي ما عمري بخلت عليه بحبي له و حناني
رجعت و ضربني و ماكنت اقول لاهلي الين اكتشفت انه يكلم بنت خالته مطلقه مرتين و عندها اولاد كبار و كان يكلمها في الحمام بالدس و عرفت و واجهته رمى الطلاق عليا و بعدين قالي انه هيا جايبه عريس وتباه يقابله قلتله ابوها و اخوها ماماتوا قال هيا طلبت مني وانا ابغا اروح معاكي ورحت معاه ماقدرت امسك نفسي لمن هوا جلس يكلمها قدامي لانه لنت خالته دي ما حضرت اي حفله ليا معاه ولا تسلم عليا ونظراتها هيا وصحبتها ليا بطريقة غريبه
طبعا سرت ابكي قدامه قام قفل منها وعصب وطلع وجلست اجر رجولي عشان اوصل للسياره قام سابني و راح وانا وقفت في الشارع الين جا وسار يصرخ فيا وانا ما رديت عليه
بعدها قلتله رجعني البيت و نحنا في الطريق وقف وسار يقولي اتكلمي لا تسكتي
اتكلمت و سرت اشهق و اعاتبه و قلتله ابا اكلمها الا امسك جوالي وهوا يسحب الجوال مني كسر لي اصباع يدي ..
ما دعيت عليه وقتها و لا اشتكيت احد وقلت لاهلي طاح عليا القدر وماثدقوني لانه يعرفو انه هوا دايما بيضربني
وعنده حاجه انه يعضني و يقولي والله عشان نفسي ابلعك و اكلك
المهم يوميتها كان عنده اختبار وجلست اذاكر له و لا خليته يحس بالذنب انه كسر اصباعي كان يبكي قدامي و انا اسكته ما اقدر اخليه في موقف يبكي او اجرحه
بعدها باسبوع ضربني في الشارع كان يبا يرميني بيت اهلي وانا كنت ما ابا اروح لاني حاسه اهلي مضايقين من جلسته ومباته طول الاسبوع


لا احد يرد ..اكتفي بهذا القدر و راح اكمل الباقي بعد ساعه

لكن هو طلقك خمسة مرات خلاص ماتحلين لها حتى لو كنت حايض يقع الطلاق

برضو سارت مشاكل خلال الفتره و اضاربنا و طردني من البيت و رحت بيت اهلي مع امي جات اخذتني و جلست 4شهور ابا يرجعني لاني طلعت غلطانه و حاولت اصلح و اقابله و مرات ارسله ورد في العمل ومرات نتقابل في مطعم الين رجعت و شرط عليا
انا ليا دور و حماتي الدور اللي تحت طلب مني انه يكون جلوسي مع امه و طبخي تحت بحجة انتبه على الشغالات لمن الام و زوجي مايكونو موجودين و قبلت و عاملت حماتي و زوجي من احسن مايكون ليا الحمدلله نفس في الطبخ و اي شي تطلبه حماتي اعمله ..لكن هيا كانت تتكلم على والدي و والدتي قدامي ولا كنت ارد عليا و تسالني اساله خاصه بالعلاقه الجنسيه مع زوجي اي مشكله تبا تعرفها و تدخل ياليت تصلح لا بس تبا تعرف و تحط الغلط عليا بحجة انه لساني طريل مع انه ولدها ماشاء الله كل الفاظ ابشوارع يقولها ليا ولا تقدر تكلمه تقول هوا رجال ما اقدر اقولو شي انتي اسكتي ..سمعت ملامها و سكت .. وكنت اقضي وقتي معاه وانا بداخلي كاره لانها كانت طول وقتها تبا تعرف ايش يسير وتدخل و يوميا تتصل بال10 مرات و اي مضاربه تطلع شقتنا وتتصل على اخوها يجي و تقلب بيتي مسخره لاي احد و لمن تطلع ماتهديه لا ترمي نفسها و تسوي اشياء زوجي ضربني اكتر قدمها مع اني قلتلها انتي امي بس ما الغاكي تدخلي وتطلعي عندي لمن نضارب لانه هوا يضربني ولا كاني اتكلم

رحت للشيخ و سألت و قال ماوقع لانه مرتين كانت كتابيه وقالي الشيخ ما وقعت

طيب لاحظت انك دايما تغلطي نفسك
ايش الا يخلي زوجك عنيف بهذي الدرجة
ايش كنت تسويله
انا ما ابرئ زوجك بس علشان تكون المشكلة مفهومة عندي

اخر مشكله حصلت اول يوم في رمضان اخد جوالي و لقى محدثات مع اختي وانا بامانه اتكلمت عنه و عن امه بس ربي يشهد اني كنت افضض و لا كنت اسوي اللي يقولو لي عليه وهوا يعرف ..انا مو ابو وجهين بس اتخنق مرات و ما ابا اضارب معاه اروح افضفص لاختي وهيا تقولي الافضل الطلاق وزجك و امه ماينطاقو ..
حتى مره كنت اتكلم عن مغنيه مشهورة بجيمها قاتله شوفحملت تاني قالي يحقلها زوجها يخليها تحمل .. الكلمه كانت جارحه لكن كتمتها و فضفض لاختي
انا طولي 164 وزني 50 .. وزوجي طوله 175 و وزنه 190 ..لكن عمري ما اتكلمت عن جسمه و يمنته المرطه او ريحته قدامه عشان اكره اني احرجه او اجرحه
المهم شاف الجوال و بعدها جا و عصب وقالي امي مالك شغل بيها وانا ندمان اتزوجتك وياليتني ابكي عند رجول امي عشان تسامحني اني اتزوجتك
اعتذرت وبكيت و ضربني حتى تاني يوم لاني قلتله انا فضفضت لاختي مو لولد خالتي
لانه اول فترة زواجنا زوجي كان يفضفض لامي و يشتكيها عليا و يقولها كلام ماينقال بعدين كان يقول لبنت خالته انه يبا يطلقني وهيا قالتلي لمن واجهتها وطلبت منها ماتكلم زوجي

وزنه 190 معقولة احسك تبالغي ماشاء الله
انت تعرف ان يمكن يطلقك علشان كذا ما تقدري تروحي عند اهلك
هو اخذ منك موقف وواضح ان مو متعلق فيكي

اخر مشكله كانت ثالث يوم في رمضان طلب مني اني اروح مع امه الحرم يوميا و قبلت ورحت وكنت يوميتها تعبانه لاني باسوي سحور و مابنام لانه ورايا اسوي الفطور فكنت ابا انام وجيت على نفسي ورحت مع امه وسارت هناك مشكله الباصات عشان نرجع وهيا مستني من الحرم لجرول تقريبا 800 متر وهيا عندها علم و زوجي اني مصابه بمرض الجُنف و عندي انحراف في العامود الفقري و لا اتحمل المشي او النوم او الجلوس المتواصل مشيت معاها وانا امسك اعصابي و جلست ابكي وكانت هيا الغلطانه لانها ماسمعت كلام الشرطي انه تنتظر الين اخذنا تاكسي ورجعنا البيت بعد معناه من 8 الين 2 الفجر انا بره و زوجي اتصل على امه مره وحده وبعدها ولا اتصل
وصلتا البيت وابغا اطلع شقتي قالتلي ماتبي تتسحري ؟
قلتلها لا يا ماما حنام انا تعبانه قالت طيب
طلعت فوق لقيت زوجي مسدوح ع السرير و المكيف شغال و مروق وهوا ولا راح مع امه يرسلني انا
ما طالعت فيه دخلت سلمت من بعيد و جيت انام قام صحاني قالي اطلعي برا الغرفه قلتله بكل ادب انا تعبانه ابا انام
وفجاءه القى حوالي ينور كانت اربعه اتصالات من امه رديت عليها قالت تعالي اتسحري قلتلها يا ماما انا مسدوحه وابغا ارتاح وتعبانه قامت قالت اعطيني ولدي و اعطيته وجلست تحكيه ايش سار معانا
الا شويه يجي و يقولي والله لاموتك والله لا اطلع روحك ما رديت عليه الا يكسر الجوال
طبعا جوالي انا بعت بعض من ذهبي عشان اشتري ليا واحد و له
قام طلع فوق السرير و ضربني ضرب قوي ماقدرت امسك نفسي الين سرت اصرخ و ابكي
امه طلعت زادت الطين بله وبكل هدوء تساله انتا ضربتها ؟
قلتلها لو سمحتي ما ابا منك شي روحي انا ابا انام
قامت هيا تهدي عليه الين رمت نفسها من السرير قام ضربني اكثر و انا شوفت جوالي مكسور قمت رميت له جواله القديم
ولا حصل فيه شي ..اتصلت على خالي قدامهم وقلت له اللي حصل و قلتله مح اطله الين تجيب الشرطه..سارت حماتي تهدي وانا قلتلها انا ما اسامحك لا انتي لا ولدك واليوم مح ارتاح الا لمن اشوفه في السجن
سارت تترجاني و طلبت مني تكلم خالي ..هالي وقتها منفعل و سارت تقوله انه انا غلطانه وانه انا رديت عليه حسبي الله وكفى
المهم خالي كلم زوجي و هدده و طلعت شقتي قام زوجي حضني و سار يقولي احبك لا تروحي قلتله لا ما ابغاك وفي قلبي اقول احبك بس ما بقي شي بيننا ما خرب
جلسني جمبه و سار يبكي يقولي لا تروحي وكلمي خالك لا يجي ..سمعت كلامه ومنعت خالي يجي بس خوفت زوجي انه الموضوع خرج من يدي ..اهلي عرفو بالموضوع و طلبو مني ارجع بورقة طلاقي
ثلاثه الايام الاولى زوجي كان يبكي و انا اسكته الين راح المحكمه وقالي الشيخ يجي بعد يومين و بعدها سار يبكي يقولي ما اقدر ابعد عن نصفي الثاني قمت قلتله ليش الضرب وجلسنا نتفاهم و فتحت قلبي وقلتله كل اللي مضايقني منه ومن امه في لحظة ضعف قلتله لا تطلقني يوم قلتها بعدها سار يقولي ماتنزلي لامي ولا اكسر رجلك سكت وقات افضل شي
وسرت جالسه طول الرمضان في شقتي من غير تلفزيون حتى ولا نت وشقة امه مركبلها كل شي مع انها هيا ماتحتاج ولا تعرفله بس الشغالات مبسوطين عليه
كل فتره يسمعني كلمه انه لمن نتطلق وتتزوجي او انا اتزوج لازم نتواصل و شويه يحب فيا وشويه يقلب و اهلي رفضو جيتي عندهم وكرهوني بعد ما رفضت اروحلهم و اتطلق منه
اخر رمضان اتصلحت مع اهلي و ليلة العيد حطني في بيت اهلي وراح ولا طلع سلم عليهم و قالي بعد اللي جا من اهلك ما ادخل عندهم
قلت افضل لانه هما مو غلطانين انتا ضاربني
دحين صار لي اسبوع وهوا يماطل في ترجيعي و يلعب باعصابي مره يقولي انا فكرت ننفصل و مره يقولي احبك ووحشتيني ومره يقولي انا مسافر وخطر تكوني في البيت من فيري

ايش الخل والله اعرف طولت بس ضروري تعرفو وضعي كله معاه ..خايفه اخد قرار و اندم عليه ...ارجوكم ساعدوني

اغلط نفسي لاني مرات ارد عليه و يقولي صوتك عالي وانا والله صوتي كدا و بعد ما نهدأ يجي يبوس راسي و نرجع عادي ومرات من كتر مايصربني اضربه مو شي بس ادافع عن نفسي اباه يبعد عني
ما فهمت كلامك ؟؟
بس ما ابالغ زوجي عنده سمنه

عرفت نوع زوجك
اذا شافك شديتي رخى واذا رخيتي شد اول حاجة خلي علاقتك مع امه سطحية مالك في روحاتها وجياتها