الله يسخره لك يابياضه

__________________
سبحان الله وبحمده..سبحان الله العظيم

اول مره اشوف خوف زوجي وحنانه .. جاتني حاله بكاء هستيريه يمكن من 10 سنوات ما بكيت مثلها نفس شهقات الأطفال .. جلس يرقيني ويقرأ علي وشال الصغار من عندي .. كنت أحس برحمته لي اشكره بيني وبين نفسي .

رحت للشيخ وانا الحمدلله الحين بخير .. وحسبي الله ونعم الوكيل على من اذاني.

__________________

سلامات بياضه ألف لابأس عليك
شكلو من الكبت اللي كابته وطلع..
بياضه اغلب صفات ...... كذا عشت معهم فتره طويله
نفس التشدد سبحان الله اول مااختلطت فيهم وشفت الحريم ماشالله وشلون بالحجاب ماتشوفي منها ظفر ع بالي زيادة تدين وألتزام وطلع هم ازواجهم يبغونهم كيذا عبايه ع الرأس قفاز وشراب وغيورررين جداا لدرجه وحده زوجها ينزلها سوق جده ولا ينزلها السوق اللي بنفس المنطقه عشان لايشوفونها جماعته و كريمين جدا عند الضيوف بس الكماليات والملابس ماسكين شوي
جافين بالعواطف اغلبهم كذا مااعمم
زوجك بيئته كذا وتربى على كذا والمجتمع اللي حوله كذا وعشان تغيرينه يبغالك وقت وجهد ونفس طوييل وتعرفي مفتاحه شوفي من اي الأنماط هوا وابدي معاه شوي شوي
حبه حبه يابياضه ماراح يتغير بسرعه اصبري عليه واعرفي كيف تتعاملي معاه وبأذن لله حيتغير...
وحده منهم زوجها يشبه لزوجك وتقولي الحمدلله بذلت جهد وحاليا تغير كثير عن قبل 10 سنوات لاحضي 10 سنوات
تقول مااستسلمت مرا بالطيبه مرا بالمسيايسه مرا بتهديد
الين الحمدلله تغير
ربي يوفقك ي قلبي والحمدلله زوجك فيه خير ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

خلونا بعيد عن لغة التعميم ، زوجي من قبيله غير قبيلتي وكل مكان فيه الزين والشين .

__________________

نفسي أعرف ليش الصورة الغلط عن الملتزمين
يكفي حبيبتي الصلاه فالمسجد
يكفي خوفه من الله
المطوع ...... مايشوف حرمه غيرك
لايتابع أفلام ولا مسلسلات
المطوع تكفي ريحة المسواك من فمو
المطوع ..... يغض البصر
المطوع يعاملك بما يرضي الله ورسوله
الله لا يحرمنا من المطوعين
...................
أحب الصالحين ولست منهم لعلي أن أنال بهم شفاعه
وأكره من تجارته المعاصي ولو كنا سواءً في البضاعه

بموضوع بياضه ماجبنا سيرة المطوعين مانزكيهم ع الله الله يجزاهم خير ليتنا مثلهم ...
بالنسبه لي اتكلم عن نمط بيئي عاشوا عليه وتربوا عليه مااذمهم ولا اقلل من شأنهم حاشا لله فيهم صفات حلوه والصفات الثانيه من تشدد وغيره وجفاف هالشي تربوا عليه
زي اهل الحجاز
زي اهل القصيم
زي اهل الشمال
زي اهل نجد لكل منا عادات تعودنا عليها من اهالينا واكتسبناها منهم
هذا هو قصدي...

__________________
(سيدة الموقف)
لم ننساك ونسأل الله ان تكوني أنتي وأولادك بخير

ماكنت أقصدك عزيزتي
في رد لوحده بس إنحذف
أساءت للملتزمين
الله يهدي الجميع

مستجداتي أن لنا 3 أسابيع ما نكلم بعض ولا بيننا أي موضوع نتكلم فيه ، نظراتي له كره شديد وأحس بقلبي حقد لأنه خسيس ونذل متخيلين لا عيد مثل الناس ولا طلعه ولا رحنا لأحد وداني لأهلي ثالث العيد ورفض يتركني انام عندهم أخذنا البيت فكرت بيعوضني طلبته نطلع قال ماني فاضي لكم طلع الأخ مرابط في العمل بدل صديقه المسافر فيه شي مضحك أن اخوي طلبني يأخذ ولدي الالعاب مع عياله بما أن زوجي مداوم يقول اخوي ولدك عجيب الأطفال يلعبون كلهم وولدك يصيح ويرفض ومنهار جدا شكله أول مره يشوف العاب ويضحك قلت لااا أبوه يلعبه وما يخلي عليه خلاف غريبه خاف من الالعاب 😓 والحقيقه أن ولدي عمره ما شاف ملاهي العاب محرمه عليه .. ولدي كاسر خاااااااطري حسبي الله ونعم الوكيل 😢
زوجي يطلبني للعلاقة ورفضته لنا شهر الآن يخلص نفسه من بعيد لبعيد بدون ما أتركه يقرب مني وحتى عيوني ما افتحها ما ابغى اشوفه لأن وجهه يجيب لي اكتئاب😧

انا اليوم طلبته يوديني المستشفى ابي اركب لولب قلت لاني تعبت من الحبوب وانا في الأصل
مستحيل أجيب منه عيال وضحايا قال اقلبي وجهك وخليني انام .. 😩

أفكر بالطلاق بس بشكل جدي شوي لكن انتظر الفرصه ..

__________________

بياضه انتي كيف علاقتك مع اهلك ؟

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

زهره علاقتي مع أهلي ررررووعه مره وهم حاسين فيني مره بس ما يبغون يتدخلون لين اتكلم انا لهم .
اخواني يجوني يوميا يطلبوني اطلع معاهم وارفض لأن استحي من زوجاتهم وأبي ياخذون راحتهم ، اليوم متصلين علي مقررين نطلع نتعشا برا غصبا عني .. حاسسسسين فيني بقووة 💔
لكن انا ما راح ادخلهم في حياتي حتى احسم قراري بالطلاق لأن ابوي ما عنده كلمة زوج وزوجه بينهم خلاف تجي ونكلمه وننصحه بعدين ترجع له ابوي قانونه يا أما حياة زينه يا ام طلاق ..

__________________