عندي موضوع عن اخوي واتمنا من المتزوجات والمتزوجين اخي عقد عليها وتفق العرس بعد سنه طبعن هو في بلد وهي في بلد طبعني كان في البدايه يسولفون مع بعض بشكل يوم بداية الشهرين كان يسولف معها عبر الجوال عن طريق الكام وبعد كل ما يطلب اخي ان تشغل الكميره تعذر بأن ازعاج وطلب مره ثانيه قالت انا موكاشخه المهم الحين صارلهم ست شهور وكل ما يقولها ابي اشوفيك ترفض مجرديشوفها وهي تشوفه وش رايكم على كلام اخي البنت عنيده ابي اسؤلكم هل حق اخي ان يشوفها بالكام مجرد وجها فقط وهل يجوز ان يحكم عليها ولا لا الله يجزاكم خير


تم تعديل العنوان ليتناسب مع المضمون

زواج كل واحد من بلد زواج فاشل فاشل ولم ينجح ابدا

مالومها
يستعجل ويتزوجها
ويترك كام وغيره

معها حق ما تفتح الكاميرا ...
استغرب من اللي يستخدمون الكاميرا بكل طمأنينة !!!
الدنيا مافيها أمان ولا أحد يجي يقول برامج حماية وما أحد يقدر يتجسس ويسرق الصور والمقاطع ..

الله يقدم كل الخير لاخيك ولخطيبته
الافضل انو يزورها بالاجازة وهيك بشوفها مباشرة
ومن بعدها بالجوال محادثات
بس سؤالي هل اتغيرت خطيبته معو بس بقصة الكام
او حتى اسلوبها كلو اتغير

واذا من منطقتكن واخوكي مسافر
اتعرفي عليها عن قرب وشوفي سبب تغيرها

اسأل الله التوفيق
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

والله شنسوي اخوي غلط غلطه وندم عليه ياما نصحناه

المشكله اختي البنت اتكمل دراستها وشرطهم الوحيد العرس بعد ما اتخلص دارستها الحين اخوي له الحق يجبرها ولا ماله حق بحكم انهم عاقدين مو الفروضالبنت تسمع كلامه ولا اش قوليج

المشكله مو اهني انه رفضت اتشغل الكميره قالت لاخوي انا مو مجبوره اشغل الكميره سؤالي هل اخوي بحكم انهم عاقدين ان تسمع كلامه لانه اخوي طيب وبعد مو مقصر معاها يعطيها مصروف وش قولي هل له الحق وبعد ايها طبعها عنيده وكل ترفض اي شي يقوله من نصايح انا قتله طلقها احسلك عشان ماتعور راسك بالمستقبل المره الي ماتحترم ريلها وما تسمع كلامه الافضل الكل يروح بطريقه وانتي اش رايج

الصراحه تغيرت اميه وثمانين درجه ما قامت تحترمه ولا قامت تسمع كلامه كان من بدايتهم سمن على العسل بس بعدها بشهر تغيرت تصرفاتها ولا بعد زادت عن قبل الحين هم صارلها ست اشهور ودايما المشاكل وياها ولا تحترمه ولين تزعل منه يروح يراضيها تقريبن طلبت منه اكثر من اربع مرات الطلاق واخر مره اعتذرلها وقالت البنت ها اخر فرصه بيني وبينك البنت اشوف على كلام اخوي معقده كل ما يتغزل فيها اتقوله مو وقت خلها بعد الزوج وكل ما يطلب منها شغله ترفضه ولا تطيب خاطره بخصوص انه يسافر طبعن حكم شغله صعب يعطونه اجازه لانها هي في بلد وهو في بلد وهي عارفه هشي

أنصحك تبعدين عنهم مو زينه التدخلات
هو وياها يحلون مشاكلهم بأنفسهم
بعدين معاها حق هالأجهزه تخوف و الإنسان مايضمنها
أخوك لا يصير حساس و يدقق على كل شي
ترى الحياة بسيطه بعد الزواج و العشره تخف مشاكلهم
الآن كل مشاكلهم بسبب البعد فقط
الله يوفقهم و يتمم لهم على خير

__________________

اللهم أكفني ما أهمني بما شئت و كيفما شئت إنك على كل شيء قدير