السلام عليكم ورحمة الله
انا متزوج من سنة تقريبا وبدات الاحظ ان زوجتي غيرتها شديدة مره لدرجة اني اتضايق من غيرتها..انا عارف ان سبب الغيره حب بس مو لدرجه اني مااشوف تلفزيون او جوال او اطلع سوق او شارع ومجرد نظره عابرة تزعل وتتحسس بصراحه انا اتضايق كثير واسكت واتحمل كل هذا عشان مشاعرها بنفس الوقت ماحب اكون تحت المراقبه في كل وقت مع اني مقتنع تماما وراضي فيها افيدوني كيف اتعامل معها واخفف من حدة التوتر في كل مره تغار

مو بيدها ، فيه نساء تغار بدرجة كبيرة وفي زوجات مايغارون نهائي
وفيه اللي غيرتها وسط
انت تشتكي منها بشي مو بيدها ترى الغيرة حرقتها قبل ماتحرقك
وع قولتهم جرب نار الغيرة وقول لي ايه رأيك
فعلاً هي نار 😩

عليك بالمدح بس لاتزودها عاد ويسير بكش

رحت لاهلك امدحها طالعت تلفزيون وامبير الغيره بدا يولع احمر امدحها

حتلاقيها خفت تدريجيا لما تشوف زوجها يحبها ويمدحها ومو شايف غيرها

وبعدين الزوجه تحب الزوج يجلس معاها يسولف المغربيه مع فنجان قهوه مو طوول ماهواا موجود بالبيت يا يطالع تلفزيون

يا دافن راسه بذا الجوالات
فعليا سرت اكره الجوالات وربي قطعت التواصل بين افراد الاسره نفسها وبين الرجال وحرمته

وربي يساعدك

__________________
ان لم تستطع التفاؤل ،،
فلا تخبر أحدآ أنك متشائم .

كلام سحاب صح مية بالمية

ورح اضيف عليه ان زوجتك لما تحس انها مالية عينك وانها اجممل انسانة بنظرك رح تخف غيرتها كثييير

ولما تطلعون لأماكن عامة حاول ان كل انتباهك يكون معها

حاول تداريها وتثبت فكرة انك تشوفها ملكة جمال الكون بعينك وانك محظوظ مرره فيها براسها وازرع فيها الثقة من ناحيتك وصدقني الغيرة بتخف

من وجهت نظري. الحوار ثم الحوار ثم الحوار
نصف المشاكل الزوجيه كمن في قلت. الحوار والانانيه


اجلس معها وافهمها تأثير. غيرتها عليك وانعكاسها سلباً علي علاقتكم

__________________
يارب أحفظ لي طفلتي ولا تبتليني بفقدها

الله يعينك فعلا الغيرة الزائدة تتعب
وضح لها عن طريق الحوار ان هذا الموضوع يزعجك وقل لها ان الغيرة لها حدود وحاول تشغلها عنك بأي شيء دراسة أو وظيفة وبالتوفيق

ياااازين الغيره بين الازواج
تدل على الحب
بس بحدود وماتوصل للشك او عدم الاحترام

الحوار في الغيرة بالذات مو حل ابدا

زي ما قالوا الأخوات أشبعها بالمدح و الإهتمام
و من حالها راح تخف

ههههههه

عندنا وعندك خير لا بغيت اطلع قالت وش عندك كاشخ
مافية داعي كل هالكشخة قلت يعني اطلع بسروال وفنيلة
اذا صرنا بسوق عيونها على عيوني من اطالع وش ردات فعلي
واذا جت رسالة بجوالي تقولي من الي مرسل اوريها الرسالة لانها تطلع
بالاشعارات على الشاشة تطمئن . بصراحة انا لاشفت الوضع كذا اضحك غصب عني
تقول انت تقهرني ليش تضحك برغم والله الحمد الله ماني راعي سوالف ردية ابدا
والرقم السري حق الجوال تعرفة هههه ..بس معقول كل هذا بدافع الحب يضرب الحب كلة
اذا لقيت علاج علمني لاني من ضحايا الغير

__________________
سبحان الله وبحمده سبحان الله العظيم

مانفع الحوار تقول غصب عني مو بكيفي
قلت انتي تضيقين على كذا قالت تحملني
قلت الي متى قالت لين تخف غيرتي
انا كان لي نية بتعداد بس يوم شفت الوضع
كذا والله خفت عليها من جلطة او مرض السكر والضغط
بس اتوقع انة مرض وليس كلة بدافع الحب

__________________
سبحان الله وبحمده سبحان الله العظيم