منفردة أدري هذا الكلام يمكن ماتبي تسمعيه بس هذا درس لك لاتخرجي من بيتك مرة ثانيه لأن مو كل مره زوجك بيعترف بخطأه وبيرجعك بسهوله...حاسه فيك انك تعبتي من وضعك واشتقتي لبيتك ....اذا رجعتي ان شاء الله مشاكلك خليها بينك وبين زوجك فقطط حتى أمك لاتخبريها بأي مشكله وخليها ترتاح ....

زينب كلامك صح

__________________

لا اختي منفردة
القصد ان اخوك يضيفه
ويسكت عن امر الصلح
خليها تجي منه

حتى امك لو غلبت الروم
و ما اقتنعت انها (ما)تجلس معه
لا تدقها سوالف و مكسرات
تجلس شوي و تنشغل
او تكون جادة
ولا تفتح سيرتك ابدا

__________________

منفردة
1_معك حق هذا الوضع لا يرضي الله

2_ اقنعي امك بهدوء و اكسبي رضاها
حتى تتوفقي في حياتك و تبرك بنتك مستقبلا

3_ احيانا نظن ان خطوة معينة هي الحل و الطريقة
الصحيحة التي تنهي المشكلة
لكن نحن بشر علمنا و تفكيرنا محدود
و الله وحده الذي يعلم ما ينفعنا فعلا و ما يضرنا
و احيانا يقدر لنا امورا و احداث لم تكن في خططنا

اريدك ان تستخيري في كل خطوة قادمة تخطينها
و تفوضي امرك لله بأن يدبر امورك كلها .

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

الكلام المحذوف ما كان لك انت ، بل لاحد المشاركين بموضوعك!!!!
امج فديت قلبها ما احنها حرام تنكرين فضلهم عليج روحي قسم المطلقات وشوفي معاملة الاهل لبناتهم وانت امج تقلج مونسيني والبيت مليان بيكم و ردك يكون بهل طريقه ؟؟؟؟ والله امج عاقله وتبي مصلحتج وتنظر للامور بطريقه عقلانيه جدا والله يرحم الوالد ويجعل البركة بالوالدة ،،، احس نفس اغلاطك مع زوجك تعيديها مع الوالدة ،،،، التسرع و التذمر وردات الفعل الغير محسوبه ،،،،

المشكله بزوجك
لا امك ولا اخوك لهم ذنب

تصدقين كل ماقرا موضوعك اقول ماشاء الله في نعمة ومرتاحة عند اهلك و امك انتي وهي كأنكم خوات
مو معناته تطلقي طبعا

قبل شويا جلسنا انا وامي اكثر من ساعتين نتكلم ..
قلت لها انا وضع التعليق مايريحني انا بتطلق منه خلاص تعبت من تصرفاته .. المفروض غلطان يجي يطلب الرضا مو يكابر وانتِ اللي المفروض زعلك من زعلي .. تسولفي معاه عادي والخ ..
كثّرت عليا بالكلام ... فسمعتها التسجيل
انصتت له وتغير لون وجهها .. بعدين قالت يابنت كذب هذا الكلام جالس يقوله لزوجته
قلت امي قال اسم البنت بالبدايه..
قالت يمكن غلط بإسم بنته
يا امي اسم بنت خاله ماعنده بنت بهذا الاسم

وتسكت بعدين تقول ما اصدق .. زوجك كلامه قال الله وقال الرسول صلى الله عليه وسلم .. كيف هذا!!!!


طبعا انا فرحت وقلت ان الامور بتسير بصالحي
قلت طيب انا خلاص ما سمعتك التسجيل الا اني ما ابغاه..
خليني ادخل اكلمه واواجهه
قالت اذا قال لك انا حر الذنب علي ؟
قلت ماعليا انا بتطلق خليني اقول اللي بقلبي لان بركان يغلي داخلي ومحد حاس فيني ..

تتوقعوا وقفت معايا بعد ماسمعت التسجيل ؟

امي قالت كلام كثير اديكم المختصر

لانزر وازرة وَزر اخرى
هو اللي ربي بيحاسبه مو انتِ
انتِ تزوجتيه وعنده زوجه .. وهو قالك لي 15 سنه أفكر اتزوج يمكن بهذاك الوقت الشيطان أغواه وربي الان هداه
تقول يمكن لما قال لي إفك نفسي منها الاول انه علاقه قديمه
قالت وان كان صح ربنا يستر يوم القيامه على من ستر مسلم .. هذا ابو بنتك مالك حق تسمعيني وووو

قلت لها توقعتك توقفي معايا .. نفسي يوم تقولي لي انتِ يامنفرده صح
قالت اي صح وانتِ ماتفقهين..
الان لو دخلتي عليه اما يقول ما ابغى اتكلم ويطلع او يقول كيفي اسوي اللي اسويه محد له حق يحاسبني
ولا الموضوع منتكس ونرجع نرقع
قلت بالطقاق خلاص انا عفته خليه يتركني
قالت ايوا بكرا يقول طلقتها لانها ضربتني
وان كبرت بنتك والله غير ياخذها
وبعدين انا ايش ابغى فيك تقابليني .. انا بزوجكم وارتاح من الهم .. وانتِ اكثر وحده من اخواتك كل يوم جايه بمشكله
لا وطالت وتشمخت تضربي الرجال .. انتِ قليلة ادب ووووو وتعالوا خذوا من الكلام الحلو ..

لما شافتني ابكي
قالت طيب انا عارفه انه زودها وانه طبعه غريب لكن ايش بيدي اسوي له ؟
قالت مو انتِ اللي اخترتيه حتى طبع قبيلتهم يختلف عن قبيلتنا ..
قالت يا بنتي احفظي كرامتك ترى والله كل يومين وهو جاي يبغاني اكلمه عنك لكن انا بالعاني ما اجيب سيرتك ..
خليك سته شهور بعدها بتكلم لكن لسا الازواج يتزاعلوا ويفترقوا شهور

تقول انا مستغربه تقولي ماصرت احبه وطاح من قلبي ومن عيني وانتِ كل مرا يجي فيها تعيدي فيني ...

قالت وقالت وقالت بالاخير قالت عندك كلام عن هذا الموضوع قوليه الان لاني تعبت منك ..

طيب الفلوجه
سألتيني اذا احبه اكثر من نفسي ؟!
وجاوبتي قلتي طبعا لا .. وانا ااكد على لا حقتك .. لاني الان وبعد معرفتي بهذي الكارثه بداية انهرت وكنت بندفع وأواجه واعاتب وووو وبعدها بتركه واروح ..
لكن لاني أحب نفسي ولان ربي اداني وقت طويل قبل مواجهته .. فكرت بمصلحتي
صح اوقات أفكر بعقل وأوقات القلب يحن
لكن حزمت امري وقررت اعيش لنفسي ولبنتي
بدليل اني قررت ما اتطلق لان هذا الشي لصالحي انا بالدرجه الاولى .. وهو ع قول امي ذنبه عليه ..
احسن انه طاح من قلبي علشان ما اشتاق له
بس خساره خساره خساره انه طاح من عيني ..

ادري كثير كلامي ما يكون مرتب لاني ما ارجع اقرأه ثاني ولاني أوقات اقرأ الرد وارد بعدقرآءتي بوقت ..



يالله قد ايش شعور انه زوجك منافق .. يظهر عكس مايبطن.. شعور صعب

مين خانها زوجها وتجاوزت الازمه ،؟ يا ترى في مشاعر ترجع زي اول بعد الخيانه ؟؟


هند ... تنصحيني انتظر الين يبادر ؟


احس موضوعي هلوسه وكلام يفشل ...

__________________

نسبت اقول انه امي اخذت مني وعد ما أكلمها بموضوعي ثاني
واني انبسط واعيش حياتي واطنشه الين ربي يكتب مايكتب بموضوعي

__________________

منفردة

اسمعي كلام امك
لأنها ما شاء الله باين عليها حكيمة
و تحبك و تبغى مصلحتك

صحيح انت ما عندك من اهلك رجل تعتمدين عليه
لكن امك ما شاء الله بمية رجل .

امك فاهمة الوضع اكثر مننا لأنها متواصلة مع جميع
اطراف المشكلة
تجلس معك و تجلس مع زوجك و تلاحظ ردات فعلك
و ردات فعل زوجك ..

ارضيها يا منفردة
لأن رضا الله من رضا الوالدين
و توفيقك في حياتك كلها يعتمد على رضاها
و دعائها لك مستجاب .

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .