امك حكيمه ماشاءالله عليها اسمعي كلامها،،
الله يلهمك الطريقه الصحيحه للتحدث معه ويصلح شأنكم ويكتب لكم الخير

__________________

ماشاء الله حلوه ردود الوالده طبعا توقعي ان زوجك يمكن يماطل اشوي لانه فهم انتي ايش تبين تتناقشين معاه فيه فلا تحبطين اذا تاخر بالمجيء او جاء ولا قال ابي اناقش منفردة ايضا لاتتوقعين ان زوجك بيعتذر لك عن الموضوع الثاني اعتذار مباشر لا بل سوف يلف ويدور فصدقيه ظاهريا في اي كلام يقوله حتى لو بينك وبين نفسك مكذبته ولا تشدين كثير تغافلي

مو موضوع الضرب انتهى ... مو اعتذرتي منه وخلاص
ماله داعي الاستمرار بهالموضوع

حاسه انه بجلسة النقاش بيحور الموضوع وبيلف ويدور ويرجعك لموضوع الضرب ..
خلك فطينة وامتنعي تماما عن مناقشة الموضوع الاول

يا اختي ،،
لو فتحتي معه الموضوع الثاني منتي ماخذه منه لا حق ولا باطل و راح يطلع من بيتكم من غيرك لانه موضوع زي هذا مايحل بنقاش
اللي فهمته منك انك تبغين الرجعة لبيتك ولزوجك خلاص لاتكلميه ف الموضوع ماعتقد راح توصلين لنتيجة تفاهمي معه عالموضوع الاول وانو زي ما اخطات انا انت بعد اخطات وووو ولمي الموضوع
انا اقول هالكلام بناء ع رغبتك بالرجوع ولو فتحتي سالفة البنت راح تجلسي في بيت اهلك فترة اطول حاولي لما ترجعي بيتك تحليه والله يصلح الامور ان شالله

منفردة
الحمد لله مستجداتك طيبة
بالنسبة للكلام مع زوجك قبل عودتك
لمنزلك .. سواء تحدثتي في المشكلة
الاولى او الثانية يجب عليك ان تراعي
عدة امور :

1_ اشعري زوجك انك متقبلته شخصيا
بمعنى انك تفصلين بينه كانسان
و بين التصرف السيء الذي قام به .

مثلا : قولي له :
انا احترمك و اقدرك لكن يؤلمني
كذا و كذا و كذا .

2_ ضعي في حسبانك انه ربما
يكون بريء من الخيانة فإن برر لك سبب التصرفات
الخاطئة المنسوبة له فلا تجادليه كثيرا
و حاولي ان تصدقيه و تتوقفي عن الكلام
في الموضوع ..

واذا فتحتي الموضوع ابدئيه
بقولك : وحدة تقول انها بنت خالك
ارسلت لي رسائل و تسجيل
و تقول ان هذا صوتك و انك على
علاقة بها ...الخ

ابدا لا تقولي : انا متأكدة ان هذا صوتك
او عندي ادلة ان كلامها صحيح ابدا .

3_ لا تنتظري اعتذارا من زوجك ابدا
فالرجال من النادر جدا ان يعتذروا
اعتذار لفظي .. و اعتذارهم دائما
يكون بالافعال ..
و بما ان زوجك حضر لبيتكم و طلب
ذهابك معه و عودتك لمنزلك
فهذا اكبر اعتذار يقدمه لك .

4_ زوجك الان محتاج لك
و من شدة احراجه منك و من امك
قال ان امه هي التي طلبت منه ان يرجعك

هو الان في حالة ضعف وحاجة اليك
كما كنت يوما ما في حالة ضعف وحاجة له

هو الان يعتذر بطريقته كما اعتذرت انت
في السابق بطريقتك ..

في ذلك اليوم عندما اعتذرت هو قابل
اعتذارك بالتأجيل ..
و اليوم هو اعتذر و امك اخبرته انك مشغولة
و اجلت موضوعك ..

اذا انتما الان متساويان ..

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

كلام جميل.

الله يوفق بينكما ويصلح قلبيكما
ويحفظ زهرة حياتكما الصغيرة

بشرينا عنك منفرده،،
لاتتركين الاستغفار والدعااء بأن يلهمك الله الصواب

زوجك يعتمد المماطلة حتى تتم العودة وفقاً لوقته
من دون لا عتب ولا نقاش

تحيتي

قبل امس قابلته
رفض انه يتناقش .. قال انا جاي اسلم عليك ماني مستعد للعتب
طلبت منه يديني موعد.. لاني لازم اتكلم .. لازم نحط حد للي يصير لانه لو ما اتكلمنا واتفاهمنا. . راح يتكرر اللي صار بيننا بشكل او ب اخر ..
اليوم موعدنا .. انه ياخذني نروح البحر او اي مكان .. هو يقول البيت بس اما رفضت . . لكن شكله مُصِر انه يكون النقاش بالبيت وبنتي بسيبها عند اهلي ..
كان طول الوقت مشدود ومنقبض ويحاول بنفس الوقت يخفف دمه .. بس لما قلت له
يكون بعلمك انا الأهم عندي نتكلم بمشكلتنا الاولى .. ولا الثانيه صدقني لو انا شاكه واحد بالميه انه اللي وصلني صح كان ماشفت وجهي الان قدامك ..
( ملاحظه : الكلام اللي وصلني صح بس انا قلت كذا مدري ليش .. يمكن علشان ما احرجه ويمكن علشان ابغاه يأخذ حذره ويكون حذر انه مايوصلني اي شي من الجانب هذا منه )
قلت له ربي يحاسبك اذا كان في شي زي كذا صار وذنبك محد بيشيله غيرك .. رغم اني راح اعرف منك اكثر عن هذا الموضوع لما نتقابل .. لكن مو انا اللي اكذب تصرفاتك كإنسان تخاف الله وعايش معايا هالفتره واصدق وحده ما تخاف ربها وما اعرفها ..



هذا كلامي له وطبعا بعد هذا الكلام حسيت انه اتغير 180 درجه .. حسيت نشوة الفرحه بتطلع منه علشان انا مو مصدقه فيه ..
قال هذا الكلام .. هذا كلام العقل .. الان اصدق انك انسانه عاقله وبتحافظ ع زوجها وبيتها
وقال :
انا والله احبك وعارف انك تحبيني ..
وشكرا انك وافقتي تستقبليني اليوم ..
قلت له:
تحبني بدليل غيابك عني !
تحبني .. بدليل انه ينغلط علي واجي لعندك وأبوس يدك نتسامح وترفض وتردني !!
قال: وقتها كنت مشحون عليك وقلبي مليان .. ماهان علي لكن لمصلحتنا اننا نبعد وقتها .. انا بعدتك عني لاني بعيش معاك العمر كله .. بعدتك لمصلحتك .. بس صدقيني لو سمعت منك كلمة طلقني ثاني .. راح اطلقك واتركك مو شهرين .. ثلاثه شهور عند اهلك ..
قلت له :
طلقني يعني حبني.. يعني اعتذر لي .. يعني احتويني
قال: بحثت عن معناها بالقاموس مالقيته كذا .

اتكلمنا كثير بس كلام سطحي ما تعمقنا بالمشكلة ..
لكن قال متى ترجعي بيتك وتطبخي بقدر الضغط .. رميت عليه المخده ..

قلت له ترى انت مقنع الناس اني غلطانه وانت عارف انك انت اللي بدأت واستفزيتني ..
قال ليش ترفعي صوتك ..
قلت وارفع صوتي فين المشكله ؟ الانسان ما يعبر عن زعله ؟ ما افضفض .. ما تبغاني أعارضك ولا اقولك لا ! ليش فين عايشين علشان تصادر حريتي بالتعبير عن زعلي .؟
قال : عمري غلط عليك بالكلام زيك ؟
قلت له أغلط بالكلام .. رد عليا الكلمه بكلمه ... خليني احس انك مستعد تصفي قلبي من اي مشكله تصير بيننا .. مو اسكتي اسكتي الين خلاص امتلا قلبي وفلتت أعصابي ؟
قال: لو ارد عليك الكلمه بكلمه ما خلصنا ووقت المشاكل ما أحب اتكلم .
قلت: غير طريقتك ب كل اختلاف يصير بيننا .. مرا رد كلمه بكلمه . .مرا احضني... مرا قول اسكتي ..

ودار الكلام بنفس هذي الطريقه ..
قال تركتك تأديب عن مدة يدك وعن كلمة طلقني ..
قلت كلمة طلقني معناها احضني
وإذا بتأدبني علشان مديت يدي .. انا قبل اعرف انه يدك طويله على الحريم ايش كنت اقولك ؟ كنت اقولك مو رجال اللي يتقاوى ع حرمه ويمد يده عليها .. لكن هذا انا اقولك .. لاعاد تكررها وتمد يدك عليا .. لاني وقتها بنفذ قانوني ..
قال ايش قانونك؟
قلت : اللي يضربني اضربه.
قام يستهبل ويديني كفوف ع وجهي خفيفه يقول يلا هذا انا أضربك اتحداك تردينها ليا ...


انا الان اكذب عليه وعليكم وعلى إحساسي واقول انه المشكله الاولى اهم .. وانا والله قلبي بيتفطر من المشكله الثانيه ..

نفسي أواجهه بمشاعري الطبيعيه وابكي واصرخ واقول ليش وكيف وما تخاف ربك وايش هذا النفاق ومالقيت الا عرضك وطفله وبنت خالك فين أخلاقك العاليه فين ممنوع العريان ممنوع القصير .. حتى لبسي تنازلت عنه علشان اخلاقه الرفيعة انا ما قصرت معاك.. انا كل همي رضاك..فين اللي كان يقول ماعرفت الحب الا معاك .. فين اللي كان يحلف بإحتوائي له .. فين اللي كان يقول محروم اللي ماعنده زي أنثاي .. فين اللي كان يبكي بحضني ويقول انتِ ربي رزقني فيك نتيجة استغفاري ولا ماكنت احلم اتزوج وحده زيك .. فين اللي كان بعيني فووووق .. فين اللي لما أخرت صلاة العشا وخرجت معا رجعني البيت اصلي وأخذ مني تعهد ماعاد تتكرر ... ااااااااه ..
بس اخاف اخسر احترامه لنفسه قدامي .. ما ابغى احرجه ... كل ما تخيلت اني أصارحه اتخيل انكساره وما ارضاه... او اتخيل تاخذه العزة بالاثم ويقول هذا انا وهذي حياتي لا تتدخلي ..
ولا اخاف ان اعتذر لي .. يرجع ويسوي هالشي جهارا نهارا قدامي .. ويقول بباله دامها عرفت خلاص ..


تعبني التفكير ..
امس .. مدري قبل امس .. حلف لي انه ما يحب غيري ومافي بقلبه غيري ..

هذا اللي صار بإختصار
نسيت اقولكم لما دخلت وجلست
قال كيفك ؟
قلت مبسوطه الحمدلله
وسكتنا دقايق بعدها
انا قلت
ماراح أسألك كيفك لاني عارفه انك مبسوط ببعدي
قال وربي ماني مبسوط .. وربي انك غلطانه اني زعلان اكثر منك .. بس لمصلحتنا البعد ..

وقال انا اول لما طلبتي الطلاق تركتك شهر وهذي المره حلفت شهرين ما تدخلي بيتك علشان كذا اخذت المفاتيح

وكلااااام كثير يقرقع بقلبي

__________________