ما شاء الله تبارك الرحمان ....

احسني الظن يا أم دان ....
و أقبليها بكل محبة ....
لا تقابلي الحسنة بالسيئة ....
و أشكريه شكرا جميلا ...

وفقك الله

أعطيه في الخد الثاني ممكن تكبرالارض هههه امزح دعابه
لايلعب الشيطان في عقلك ويبدأ يوسوس لك ممكن ماانتبه السنوات هذي كلها انك مساعدته وواقفه مكانه الا بعد ماوضحتيله وقت خصامكم
وحب يكافئك الان
هذا تفسيري !! والله اعلم
أشوفها هديه حلوه وللزمن أفضل من هديه مؤقته
ومثل ماقلتي قبل زوجك ماله من الرومانسيه فغالب الشخصيهً اللي كذا تحب تهدي هدايا واقعيه ولها فائده
يعني مثلا بدل السفره وهي مؤقته< يكون ارض
او عطر ، ورد، ليله بفندق <يكون فلوس
يعني الهديه تكون فايدتها لك وللزمن

يعني زوجك مثل ماقلتي شمالي 😂مع اني مااحب البوصلة لكن هديته الان أكدت ..ذَا الشي ويمكن اقتنع بها 😶😑

__________________

لا الشيطان قاعد ومتربع فوق راسك وانت فاتحة له قلبك لوساويسه...

احلفي بس.. اجل يبي يكبر قدره عند عياله ؟!..

اجل كلام زوجك صحيح يوم يقولك بتحكرين العيال لك واللحين حسيتي بالقهر يوم اهدى الهديه بمرأى اولادك ..

وش دعوى ماتبغينه يكبر بعينهم؟

الحمدلله اولاً واخيراً ومبروك الصلح ، فرحت لك يسعد قلبك
انت تستحقين أكثر من كذا لا شك ، قدمتّي الكثير ومستمرة ان شاء الله
بس كأن بعدم فرحتك بالهدية فيها مساومة للي قدمتيه وهالشي خطأ
انت عطيتيه من نفسك وساعدتيه ، وكأن تبين تطلعّين منه كل ريال عطيتيه بمساحة هالارض.
هو قدّم هالهدية لسبب الخلاف اللي طرأ والقادم ان شاءالله أفضل. انبسطي
اهم شي ما وضحت له ضيقتك منها ، بالعكس شي طيب جداً ، فكري ببناءها واستثمارها
ابسطي نفسك يا أم دان ولا تخلين المادة تعيق فرحتك او تقلل منها

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

أم الدان ..

تعرفي حطيت نفسي مكان زوجك ؟
لو زوجتي فكرت نفس تفكيرك .. راح تهتز مكانتها بقلبي ..

.
.

زوجك إذا انت اعطيتيه ( فلوسك ) طوال سنوات حياتكم ..

هو أعطاك ..

الإستقرار ، الحياة الزوجية المستقرة ، الإحترام ، الحب ، الإخلاص ..
العمر الي عشتووووووه مع بعضكم .. أبناء و نفسيات مستقرة لهم ..

صح انتي تعبتي في حياتك و تحملتي ..
لكن النتيجة كانت أبناء ماشاء الله تفتخري بهم ، يعني تعبك ما راح عالفاضي ..

.
.

زوجك أعطاكي الأرض مو علشان يبين للي حوالينه انه متفضل عليك ..
يبغى يبين للكل إنه ( إنت عزيزة و غالية عنده ) ..

.
.

تعرفي لما قرأت العنوان ، توقعت اني أقرأ إنه الهدية عقد زواجه ؟
و تفاجأت لما قلتي أرض و ما فرحتي بها ؟

.
.

بصراحة ، لو مكانك ..

أطير من الفرحة ، مو عشان القيمة المادية ..
بس لإنه فعلا تعب عشاني .. و لإنه جلس أيام يخطط و يفكر كيف يفاجئني و يفرحني بهديته ..

تعوذي من ابليس و بعدي عن السلبية

أولاً أنا ماحسست أحد بأي شي لا هو ولا العيال، بالعكس شكرته بعمق وحضنته وسلمت على راسه ويدينه..

ثانياً أنا هنا بينكم كأني بكلم نفسي،مافيها شي لو فكرت معكم بصوت عالي،،وأتحدث معكم بما يدور في نفسي..أنا ماجيت شكيت لكم زوجي أكل فلوسي وأبي حل.. ولا أبي حلول لهالموضوع..

ثالثاً
في طرحي للمشكلة ماتطرقت للمادة ولم تخطر ببالي اطلاقاً..كل همي كان نتصالح ويرضى عني زوجي،، ماقلت لكم عطيته وفعلت له وسويت له ووو........الخ
مع ذلك ضربني وماأثمر فيه..
مافي في كلامي شي يدل إني منيت عليه..
مافي شي في كلامي يوحي أو يُشير للمساومة..

رابعاً
أحتكر بعيالي لي منطق غريب ماخطر ببالي..
العيال مايدرون بحقيقة الأمور المالية بيننا،، وهالموقف يثبت لهم أبوهم معي كريم جداً،، بينما العكس هو الصحيح..
لو كنت من الحريم اللي يحتكرون أولادهم كان عيالي اتربوا وهم شايلين بقلبهم عليه وما يحبونه من اهماله وتقصيره.. الحاصل ولله الحمد هو العكس يموتون عليه..لأني كنت ومازلت مهما فقدوه أقول لهم معذور ومشغول ومضغوط وووو.....الخ ولا عمري انتقدته عند عياله..


على أي حال
هي نزغات ابليس لكي يُفسد ويخرّب وولن أعطيه هذا المجال..وأعوذ بالله من جميع الشياطين.

كوكتيل هل أنت موظفة؟؟
حسيتك تبين تاكليني بقشوري
على أي أساس حكمتي وبنيتي إني أعطيته فلوس من غير ضغوط وبكامل اختياري؟



أخ هادي
لاتنسَ زوجي هو البادي بالغلط..والحمد لله ماكابر ولا عاند ولا اتمادى في الغلط..أتمنى تصحح أفكارك ونظرتك للحياة الزوجية والمرأة عموماً وخاصةً الزوجة.

مع روح
خفت يكون تزوج عليك
قلت معقوله بيكون بهالنذاله
اقبلي الهديه وافرحي وخذي الارض واستفيدي منها
رزق و جاك
والظرف حطه خاص لك ماسلمه عيالك
اما الشهود طبيعي ماراح يجيب شهود من الشارع
بيكونون من عيالك

انتي كان بخاطرك سفر
عشانه سافر
فكرتي بيعوضك
بس يا ما بتسافري وتنبسطي ان شاءالله

خالتي الفاضلة ام احمد

لا تدعي للشيطان مدخلا في حياتك مع زوجك
فهديته دليل على عظم مكانتك عنده


همسة :
هناك ترسبات مازالت عالقة في فكرك من الحادثة
تقيد بعض تصرفاتك ولو بشكل غير محسوس
يجب أن تتخلصي منها باسرع وقت لتتمكني من
وضع مجريات حياتك الزوجية في مكانها الصحيح بعيدا
عن المؤثرات السلبية التي تخدش بعض الجماليات
بينكما و من المؤكد أنك قادرة على فعل ذلك بإذن الله
قياسا بمدة الزواج والعشرة الطويلة بينكما

نسال الله لك راحة البال واستقامة الحال

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

نسيت أقول لكم

سألت زوجي وش الكلمتين اللي كنت تبي تقولهم بعدما ترجع من السفر ..؟

قال
يوم طحتِ بغيبوبة وجبنا لك الإسعاف،،لما بدأتِ تفوقين كنت تِـتَـمتـِمِيـن بكلام مو مفهوم ،، ولما قربت إذني منك وركّزت معك سمعتك تقولين ياعيال انتبهوا لأبوكم،،ودموعك مغرٌقة المخدّة..
هالكلمتين منك مسحت كل شي بقلبي.. أكيد نابعة من قلبك وإنتِ مو في كامل وعيك.

أم دان ..
أعتذر منك فهمت الموضوع خطأ بس بعد تحديثك أتضح لي العكس وفي كلا الحالتين انت رائعة
لا يضيق صدرك هو ما فكّر انه يرد لك شي بس من زود تقديره لك وحب يقدم لك اياها.
الله يخليكم لبعض.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.