حسب كلامه .. لا.


سألتج سؤال سابق .. كيف شايفة إني متكلة عليه؟

__________________


اللهم طِيبَ الأثر .. وحُسْنَ الرحيل.

في انجاز اعمال البيت
واتخاذ القرارت
الا اذا كنتي بعد الطلاق تتعاملي معاه بالرسائل زي وضعك الحالي
وهل الحاله تعتمد عليه محد بيجبره يتعامل مع طليقته
اعرف حريم تدبر نفسها بنفسها
بس انتي مو من هالنوع
يمكن نوع من الاستئذان بس بتكوني تعودتي

.............

__________________


اللهم طِيبَ الأثر .. وحُسْنَ الرحيل.

أنا مب من هالنوع؟!


تزوجت وأنا في الثلاثين يا مبتعثة.

توظفت وأنا بنت تسعة عشر سنة .. ومن يومها وأنا أعتمد على نفسي تماماً .. حتى سيارتي أنا اللي كنت أوديها للوكالة للتشييك .. وأنا اللي كنت أوديها للمرور للفحص والتجديد.

وأمور بيتنا كذلك كنت متحملة جزء منها.



أنا ما أعتمد على زوجي بالكلية .. واعتمادي عليه ليس بسبب عدم مقدرتي على اتخاذ القرارات وإنجاز أمور البيت .... لكن ببساطة هو الممول الله يسلمج .. فما ينفع أعمل شي بدون ما أكون ضامنة إنه موافق وبيدفع.

بالإضافة إلى أنه شخص مسؤول ويحب يشرف على إنجاز الأمور .. وبالتالي ما يعطيني مجال أتصرف بنفسي براحتي .. حتى لو كان هو نفسه مب عارف يتصرف بالطريقة الصحيحة.



تعرفين .. اتفقنا من كم شهر نعمل تنجيد طقم المجلس الصغير في البيت.

رحنا مع بعض عشان نختار قطعة القماش الجديدة .. وبالفعل اخترتها على ذوقي .. وللأمانة زوجي دائماً يترك لي الخيار في مثل هالأمور.

بعدها اتفق مع العامل يجي البيت عشان ياخذ القياسات .. وييب الكتالوج معاه عشان نحدد له طريقة توزيع القطعة الرئيسية والقطع الثانوية في الكراسي.

لما وصل العامل ـ اللي شافني وشفته وتكلمنا مع بعض في محل الأثاث ـ زوجي طلب مني أدخل الغرفة (!)

وعقب شوي ياب لي الكتالوج عشان أحدد له وين أبا القطعة الرئيسية ووين أبا القطع الثانوية (!)

قلت له: طيب أبا أشوف الكراسي عشان أعرف أوزع القطع (في مثل هالأمور لازم أشوف الشي بعيني حتى لو كان عندي من فترة طويلة .. إذا ما كان جدامي ممكن أتخربط أو أنسى بعض التفاصيل .. وزوجي يعرف هالشي.)

لكنه رفض .. وأصر إني أقول له طريقة التوزيع وهو يوصلها للعامل. (!)

وسمعت الكلام.

طلع وتفاهم مع العامل واتفق معاه على موعد الاستلام بعد أسبوعين .. ودفع العربون نص المبلغ .. وباقي المبلغ خلاه عندي في حال وصل الطقم وهو في الدوام.

مروا الأسبوعين وزوجي شايف إنه مب لازم يتصل بالعامل عشان يشوف الشغل وين وصل .. واقتنع يتصل لما بدأ الأسبوع الرابع والعامل ما رد له خبر.

في النهاية العامل وصّل الطقم الجديد .. وزوجي كان في الدوام .. وأنا اللي استلمت الطقم .. الكراسي كانت مضبوطة وما فيها شي .. لكن الكوشنز كان فيهم عيوب جسيمة وطلعوا أصغر من حجم الكوشنز الأساسيات .. فما رضيت أستلمهم .. ولما سألت العامل: ليش هالخربطة؟ .. قال: بابا في معلوم (!)

اتصلنا في بابا عشان نفهم منه شو هو المعلوم .. لأنه ببساطة ما قال لي أي شي يخص الاتفاق اللي صار بينه وبين العامل .. فاكتفى بأن قال: خلاص أنا باكلمه وأشوف شو السالفة.

كلمه ومر أكثر من شهر ـ لأن زوجي غير حريص على المتابعة ـ لين وصلت المخاد .. وهالمرة زوجي كان موجود وأنا طبعاً تميت في الغرفة (!) .. واكتشف إن العيوب لا تزال موجودة والعامل مب عارف يتصرف .. وطبعاً ما استلم شي.

يومها رجع الغرفة زعلان ومتضايق .. واتهمني إني أنا السبب (!!!!!!!) : يعني ما لقيتي تختارين إلا هالقطعة .. كيف يسوونها لج بالله!!

تعوذت من الشيطان واحتويت الموقف .. وانتظرته لين هدا عشان أفهم ليش أنا السبب؟ .. واكتشفت إن القطعة حجمها الأساسي صغير وبالتالي ما طلعت المخاد بنفس القياس مال المخاد الأولى.

قلت له: طيب أنا شو دراني بالحجم الأساسي للقطعة عشان أقدّر هل تحتاج طريقة معينة للتفصيل أو إضافات أو لا .... أنا شفت القطعة في الكتالوج والقطعة أصلاً مب كاملة عشان أعرف قياسها النهائي .. والعامل لما خذ القياس كان المفروض ينبهك إلى أن الحجم بيختلف عن الحجم الأساسي ويقترح عليك الطريقة المناسبة عشان يحل الإشكال .. هذا شغله أساساً ترا.

في النهاية اكتشفت إن العامل فعلاً بلّغه بالمشكلة ونبّهه إلى أن حجم الكوشنز بيختلف .. وزوجي وافق .. وما خبّرني (!) .. وتم ساكت حتى لما قلت له إن السبب الرئيسي لرفضي الاستلام هو إن الحجم اختلف!! .. مع إني تميت أسأل: أنا أبا أفهم العامل ليش غيّر المقاس؟!!

بعدها زوجي قال لي: خلاص أنا باشوف كيف ممكن نحل هالسالفة .. والأحسن نشوف محل ثاني.

هالكلام وهو كان قريب بيرجع الدوام .. فقلت له: طيب أنا بروح أشوف المحلات اللي ممكن ألاقي عندهم نفس القطعة وأتفق مع حد فيهم (باقي الفلوس موجودة عندي من الأول) .. لكنه رفض وقال: لما أرجع من الدوام بنروح مع بعض.

راح دوامه ورجع .. وراح دوامه ورجع .. وسافرنا ورجعنا .. ورجع دوامه .. والموضوع واقف!


الثرثرة اللي فوق خذت حوالي أربع أو خمس شهور تقريباً .. ثلثينها فقط عشان نحل إشكالية الكوشنز!



قمت الشهر اللي طاف ـ بعد حدوث المشكلة الحالية وعدم كلامنا مع بعض ـ ورحت أدوّر في المحلات وأنا ساكتة .. ولقيت القطعة نفسها اللي أباها في ثاني محل أدخله .. وتفاهمنا على طريقة تفصيل المخاد بالحجم اللي أباه .. وطرشوا لي عامل عشان يشوف الكرسي ويحدد العدد المناسب من المخاد والمساند .... وبعد عشرة أيام كانوا عندي في البيت .. ومثل ما بغيت بالضبط.


ليش قدرت أخلص هالشغلة في هذا الوقت القياسي؟

لأني ما أكلمه .. ولأن الفلوس عندي.

__________________


اللهم طِيبَ الأثر .. وحُسْنَ الرحيل.

قدعة


والرياييل غالبيتهم يومهم عن سنة

__________________
لا اله الا انت سبحانك اني كنت من الظالمين

مهره كانك توصفين واحد من اخواني
لما يجي عامل يقفل علينا
مايخلينا نتفاهم معاه
والنتيجه الشغل مو الي نبغاه ويعصب علينا
كان من اول خليتنا نتفاهم معاه

لو هذا أسلوبه وطبعه بشكل دائم بيكون الأمر مفهوم.

لكن مب منطقي أروح محل الأثاث معاه .. وأكلم العامل جدامه .. ولما يي العامل للبيت يخشني في الغرفة!!!

__________________


اللهم طِيبَ الأثر .. وحُسْنَ الرحيل.

طيب ماهو اقرب تفسير محتمل عندك لفعلته هذه؟

__________________

ما أدري .. هالموقف مب أول مرة يصير .. دائماً يخشني في الغرفة لما يكون في عمال في البيت .. مع إني غير منقبة .. وأطلع بروحي .. وأكلم رجال خارج البيت حسب مقتضى الحال .. وطبعاً أكون متسترة ولابسة جلابية واسعة وحاطة شيلتي ومغطية شعري لما يكون في عمال في البيت.

مرات كنت أقول لنفسي يمكن هو يتصرف باعتباره هو رب الأسرة وصاحب البيت .. هو المسؤول يعني وطبيعي يبغي هو اللي يتولى دفة الحديث والتفاهم مع العامل.

ومرات أقول يمكن هو مفكر إني ما عندي قدرة على التصرف أو إفهام العامل المطلوب بالضبط .. مع إني أدق منه في تناول التفاصيل وتوضيح المطلوب بشكل مفصّل لدرجة إنه مرة انتقدني باعتباري أتكلم كثير .. في حين إني كنت أبغي أشرح المطلوب بالضبط عشان الأمور تكون واضحة تماماً وما يصير خطأ ناجم عن سوء فهم.


لكن في الحقيقة أنا مب فاهمة بالضبط هو ليش يتصرف جذي.

مع إنه سبق وصارت تجربة سابقة تخص أثاث البيت .. تصرف فيها بنفس الأسلوب .. واكتشفت أيضاً إنه فيه مشكلة وسوو شي غير اللي أنا طلبته .. والأخ استلم ودفع باقي المبلغ وأنا مخشوشة داخل غرفتي .. ولما اتصلت بالمحل عشان أبلغهم بالخطأ ما عبروني لأنهم استلموا كامل فلوسهم خلاص!

ويومها عاتبته وقلت له: لو مخليني معاك وإنت تستلم كان نبهتك للخطأ قبل ما تدفع الفلوس وأجبرناهم يصلحونه!

لكن ولا كأني قلت شي.




بالمناسبة .. أمي حالياً تعمل صيانة في بيتها .. ولما زوجي يكون في دوامه وما في حد من عيالها الشباب موجود تناديني أنا ـ دوناً عن بناتها ـ عشان أعطيها رايي في بعض الأمور وأفهّمها للعمال وأقول لهم شو المطلوب بالضبط.

وفي واحد من هالأمور زوجي علّق عليه في قروب العايلة في الواتس أب .. وقال لأخوانه وخواته إن أم سلطان توّلت الموضوع مع الوالدة وما قصرت.

__________________


اللهم طِيبَ الأثر .. وحُسْنَ الرحيل.

غريبة مهرة
يعني ما جى على بالك انه يغار

ترى البيت غير برى البيت
برى البيت ذهن الرجل الغريب مشتت. اكثر من حرمة. فيه رسمية. رجال اكثر حوله. نساء اكثر حوله
في بيتك الخاص و حرمة وحدة. يشتغل خيال اللي بقلبه مرض
طبعا زوجك يبدأ بالحرص و الاحتراز و لا يبغى ان العامل يركز على وجهك و جسدك و انت تتحدثي

__________________