اختي كنافة ...

هل سبق ان طرحتِ المشكلةَ لزوجك ساعة الهدوءِ و السكينة ؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لما توجهين عواطفك وإعجابك لناس تعتقدين إنهم مثاليين وتقارنينهم بزوجك شي طبيعي بتكبرين أخطائه وبتركزين على عيوبه وصدقيني هو حاس بمشاعرك السلبيه هذا الي يخليه يثور بالشكل هذا ما ألومه ، ولا مره ذكرتي ميزه وحده فيه ولا مره ذكرتي موقف طيب منه ، دايم تتباهين بجمالك وبثقافتك وبمثاليتك وهو صورتيه بأبشع الصور بالله عليك أنتي مافيك عيوب ؟ !!
ترى مو الجمال ولا المال ولا الثقافه الي تشفع لك عند الزوج ما سألتي نفسك ليه فيه نساء غير جميلات وغير مثقفات وماعندهم ذاك الترتيب والسنع وحاطه الزوج خاتم بيدها ؟!!
لأنها عرفت شلون تحتويه عاطفيا عرفت إحتياجاته من تقدير وحب وإعجاب ، مشكلتك الغرووور والتعالي ونظرتك الدونيه له فهو يحاول يحطم هالغرور بالسب والشتم واللعن .
هذي نظرتي بصراحه .

__________________
الحمدلله حمدا جزيلا ...

أختي أسمحي لي أن اتجاوز كل الاحداث الدراميه المستجده لأعود بك الى المربع الاول!
لي رأي وتحليل بسيط أعتقد أنه اساس كل المشاكل الحاليه
هو يردد (أريد أنثى)
وهو ينفي احساسه بكونك كذلك باستثناء شهرين كنتي تبادرين خلالها
واقعيا أرى أن زوجك يهمه كثيرا موضوع العلاقه .. الدليل انه لم يرك انثى الا بعد مبادرتك وجرئتك
ثم بعد تلك الشهرين مرضتي وهو لم يتفاعل بشكل جيد ولكنه لم يكن بذالك السوء الا بعد شفائك وذهابك لأهلك ونومك عندهم ليومين وأظن انه كان ينتظر عودة تلك الملكه بعد شفائها وليس ذهابها لاهلها!
أعتقد انك لو بادرتي بعد شفائك بموضوع العلاقه وأجلتي فكرة الذهاب لأهلك ليوم واحد فقط ربما كانت الامور الان مختلفه تماما
لاحظت ان اكثر الرجال المتزوجين يتوترون من عدم الممارسة لفتره طويله بل وتزداد حدة التوتر كلما اقترب موعد (الدورة الشهريه اكرمكم الله) لأنها ضمنيا ستزيد فتره عدم الممارسة

بناء على ما سبق اقترح الاتي:
1- تجاهلي كل مايقول ويفعل
2- تناسي ما حدث منه خلال الفتره الماضيه قدر الامكان
3- بادري مرة اخرى كما فعلت سابقا ولاحظي التغيير في كلامه وفعله

وفقك الله

كنافه هو يرمي الكلام ببرود وانتي تاخذيه وكأنه كلامه صحيح 100/100
وتتأثري بقوه كأنه ضربك
وأتوقع إنك ماتبغي تكون نظرته لك بهذا الشكل

وهو لما قاعد يشوف تأثير كلامه عليك ينبسط ويزيد والله زوجي كان كذا قبل حتى كرهني في مادة English
كنت ادرسها ايام الجامعه ويخربط قراءتي ويضحك ماتعرفي تقرئي English مااخفيك إنه بالفعل حطمني وماعاد احكيها بين كلامي
انا ثقتي في نفسي عاليه وعشان يحطمني لما يشوف طفله تتكلم يقول تتكلم احسن منك 😂😂
لما نكون في جمعه واتكلم بلباقه والكل يسمع لي لما نرجع البيت يقول ضحكت عليك لما قلتي كذا وكذا 😳
انا كنت في اسره يرفعو من شأننا حتى لو مانعرف
مرررره كنت استغرب هو ليه يسوي كذا لانه لما نكون في لقاء خاص كل الي حطمني فيه يجيب مناقض له وانه يعشقني ومن ذا الكلام

كنت اهرب لاهلي كثييييير كان اكره يوم عندي لما تنتهي الاجازه اروح له وانا ابكي في السياره ابكيييي لما اودع اهلي

لما تشبعت تماماً من كلامه سار عندي برود فضضضضيع يقول الكلام اضحك واعطيه اقوى منه ببرود داخلي ومااعصب أبداً لدرجة اني اجرحه بأشياء قووووويه مره
مره قام باس بننت في جوالي وقال أجمل منك
ضحكت وجبت صورة رجال جميل ويكرره اعلامي.........

فنصيحه عالجي نفستك الاول وتأكدي انه يشوفك أميره ومايستغني عنك حتى لو حلف بس هم عندهم مشكله نفسيه زوجي تعالج منها قريب بعد عشر سنوات توه تغير من هذي الناحيه
ومو مره متغير لما نجحت الترم الي راح بنسبه عاليه قال توقعت بعد تقطيعك للكتب انك بتاخذي 5 ع 5 قلت غلطانه المفروض اول من ابشر اهلي واخواني شوف القروبات كيف والاتصالات وانت الي عايشه معاك تقول كذا تحسف وبعد كم يوم سوالي حفله

وبرضه التربيه لها دور ممكن تعود ع التحطيم عكسنا

من اول متردده اكتب لك نبذه عن حياتي وكتبتها لانه التغير لا تطلبيه من زوجك انتي لازم تتغيري
عواطفك وجههيها لصديقاتك اخواتك اطلعي مع اهلك كثيييير

وصحيح لا تشتكيه لكن غيري من نفسيتك وتجنبي الاشياء الي ممكن توصلك للخيانه احياناً لما تفقدي العاطفه مع زوجك اي كلمه يوجهها لك اي احد حتى لو مدح عام تأثر فيك بشكل كبير وهو مايقصد مجرد كلام عادي
حتى لو طلبتي استشارة واحد اعجبتي فيه اي نصيحه منه فيها لين وشفقه تأثر في نفسيتك
فلا تفتحي عليك هذا الباب مارح يتقفل

كنافة هو من اول كذا اخلاقة اوبعد السفر تغير عليك
الله يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

دامك قررتي تحلينها معاه
طبقي اللي يبغاه
كنتو رايقين اسحبيه ع الغرفه
طفشانه سوي كوفي لك وله من دون ماتساليه واجلسي جنبه واتسلي على شيء تحبينه
استفزك اعطيه النظره الحزينه
قهرك ابكي وخلي دموعك تتقاطر
رجع صرخ اكثر تمتمي بطيب طيب اللي تشوفه

اي شيء يقوله قولي تم وحاضر
سألك ذَا الشيء حلو قولي يهبل يكفي انت مختاره
المكان الفلاني ايش رأيك قولي مايهمني اهم شيء اني معك
يؤكد على الصغار برضعه بملابس ، قولي الله يخليك لي انبسط لا شفت الرجال يهتم بصغاره
أعطيه الولد دواه ، أبشر بس بقي له ساعه طبعا كلمه بقي ساعه ع الموعد ( عشان يعرف انك احرص منه)وهكذا

انسي كلامه واعتبريه طلع من دون قصد

لما نقولك كلمي اهلك القصد انه يحس بغلطته
انه فعلا يجرحك بكلامه وامرض نفسيتك
هو نازل عليك بالتجريح لانه متوقع انه باقي كلامه مااثر فيك ويثقل العيار لانه يشوفك تردين يبي يهدك
وهو مايدري انك كل شهرين كاتبه موضوع تشتكين منه لو يدري يمكن من الصدمه يغمى عليه
عموما العلاقه الخاصه من كثر كبت الرجال تصدر منه عصبية وصراخ
لاحظي النفاس دايم تكثر مشاكلها مع زوجها لانها بتقعد أربعين يوم وهي كثيره على الشخص الطبيعي والبعض يخون او يتزوج او يلهي نفسه ويسافر مع أصحابه ..
الله يصبرك جهاد والله

__________________

1+
كلامك من ذهب بارك الله فيك يا سكر2
يا صاحبة الموضوع طبقي هالكلاام وراح تكون اخر الاحزان
ان شاء الله

__________________
سبحان الله وبحمده سبحان الله العظيم

.. ولسا فيها دلع!!
طيب لو عصب او رفع صوته ممكن لكن ..!

يعني اتخيل لو وحده سوتها وتدلعت بعد ما ... زوجها فزاد في سوء خلقه
وجت تشتكي هنا اتوقع الجميع
بتقولوا تستاهلي ... وتدلعيلوا!!
اكيد ب... لانك ما عزيتي نفسك ووووو من الفلسفه اللي تتغير حسب المزاج

الله ينور عليك

مشكورين اخواني
انا وزوجي مانكلم بعض
الا للضروره.. مقاضي بيت احوال العيال بس

بعض الاخوه تكلموا عن العلاقه الخاصه
انا مستحيل امارسها مع واحد اهاني
لاني بنت ناس..

مره احس نفسي متضايقه
ومره اقول ماهمني
لكن للامانه ماهو مقصر ماديا
امس ماطبخت
وقلت له يجيب اكل قال ابشري
اليوم طلعت السوق ودخلت محل غالي
وقلت ابي هالشنطه.. قال طيب
رجعنا من السوق نزل الاغراض وطلع
بدون مانتكلم ولا حرف

انا الوضع الحالي اخف على نفسي من الحروب
كل واحد منا متحاشي الثاني