المشاركة الأصلية كتبت بواسطة Badr917

السلام عليكم ورحمة الله وبركاته وبعد

احب اكتب لكم ما حصل معي هذا الصباح من مستجدات

في الليلة الماضية طبعا زوجتي ما تكلمني وزعلانه وانا ساكت ماعلي منها تعشيت وصليت الوتر

وحطيت المنبه على صلاة الفجر

فعلا صحيت وقالت لي وين ؟

قلت بصلي بالمسجد

وانا راجع من المسجد شفت ابوي وفرح بي فرح شديد ودعا لي

لما دخلت البيت قالت زوجتي وش عندك بالصلاة بالمسجد ؟؟

قلت راح اصلي كل فرض بالمسجد ان شاء الله

صار بيننا الحوار التالي قبل ماروح للدوام

هي : ماراح تستمر بالصلاة بالمسجد انت بس متحمس ( قالتها بابتسامة شماتة )

انا : ان شاء الله راح استمر على كذا ( وقتها تذكرت دعوات ابوي الفجر وكلامها الحين هل هذه زوجة تعين زوجها على الخير والمعروف او هي شيطان رجيم همها بس تنتقدني حتى على فعل الخير )

هي : ترى الزواج مو تحدي وعناد وانك تحاول تفرض رأيك وتطلع متى ماتبي وتجي مثل ماتبي ؟

انا : انا لما اصلي بالمسجد وازور اهلي هذا مو تحدي هذا فعل خير ومن حقي اني اسوي كذا

لا هو عيب ولا حرام

هي : وعادي عندك امس ازعل ويضيق صدري ولا حتى تفكر تراضيني ؟

انا : انا ما غلطت حتى اراضيك

هي : الا غلطت !! انت اصلا تصلي بالمسجد مو عشان ربك ودينك انت تصلي لسببين اولا عشان تبعد عن وجهي وعن كلامي صح ؟ والسبب الثاني عشان تشوف وتزور اهلك مثل ماسويت امس؟


انا : انتي حكمتي على نيتي وهذا طبعك من تزوجتك تحكمين على نيتي وتحكمين عليها وتخليني اخاف من احكامك وقاعدة تصورين لي انه انتي تعرفين نيتي .

هي : ايه اعرف نيتك واعرف كيف تفكر !!! انت تبي اي فرصة عشان تطلع من البيت وتشوف اهلك ( جابت المصحف) وقالت احلف على المصحف انه نيتك بالصلاة بالمسجد عشان ربك ودينك
مو عشان تستغلها بزيارة اهلك مثل ما صار امس المغرب

انا : ماراح احلف ولا شي بس بقولك شي لاني تأخرت على دوامي ( طلعت عقد النكاح من الدرج ) وقلت لها هذا عقد نكاح مو نقل كفالة .

هي : حسبي الله على من لعب براسك وغيرك علي ، انا اعرف ان اهلك يبون يفرقون بيني وبينك ويضغطون عليك عشان تجي عندهم وودهم حتى تنام عندهم لانهم يكرهوني


انا : عن اذنك تأخرت على دوامي ولو سمحتي مابي مكالمات غير ضرورية لأني مشغول فلا تحرجيني في عملي

هي : تصارخ وتشيل وتحط

انا طلعت وشغلت سيارتي وعلى الدوام

هذا ماحصل اليوم

طبعا اتصلت وما رديت عليها

المشاركة الأصلية كتبت بواسطة Badr917

انا اخاف تستخدم الأسلوب الثاني وهو تقول تعال بقولك شي

وتتكلم معي بهدوء لكن كل كلامها انتقادات وتحسسني اني فعلا ظالمها وتتكلم بكلام استفزازي وهجومي بس بصوت هادي

انا مشكلتي اني اسكت وحتى لو حاولت اتكلم ما تسمح لي حتى تنهي كل كلامها

وانا والله كل الجلسة بس ادافع عن نفسي وانقهر وهي طبعا ما تقتنع بأي كلمة اقولها

احس اسلوبها مو تعال نتفاهم عشان نوصل لحل لا

اسلوبها تعال ابي احطمك واجرحك واهينك

اللهم ارحم ضعفي وقلت حيلتي وهواني على زوجتي

المشاركة الأصلية كتبت بواسطة unlimited

سوْال منطقي:
ما مصدر هذه الصفه؟ انك تكره ان يزعل عليك الآخرين وان لم تكن مخطئا
هل من الفطره؟
فقد قال تعالى: (( وَلا يَخَافُونَ لَوْمَةَ لائِمٍ ))[المائدة
وقال: (( الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل ( 173 ) )

يعني أكيد ليس من الفطره يعني هذه الصفه عدوتك
وليست صفه جميله
وليست من المروءه ان نضع مبادئنا ورقة شراء لرضا من ( نخشاهم)
ويسال الله:
أَتَخْشَوْنَهُمْ ۚ فَاللَّهُ أَحَقُّ أَن تَخْشَوْهُ إِن كُنتُم مُّؤْمِنِينَ

إذن هل ما زلت تعتقد ان هذه الصفه جميله وايجابية
هل من الانصاف ان نقرر ونتصرف بناء على قراراتنا ونترك التصرف السليم
فالناس يريدون ما يصلح لذواتهم وكان نفوسهم اله يُعبد
ايعقل ان تنساق لهذه الأصنام البشرية وانت بشر مثلهم و خلقك الله حرا وعميقا وخليفه ؟

المشاركة الأصلية كتبت بواسطة زهرة الجاردينيا

برااااافووووو طبيعي بتتشنج بالبدايه لانها مو متعوده ع الوضع الجديد..وانت شوي شوي تستعيد شخصيتك امامها...عادي اطلع مع زملاءك واستعد حياتك الطبيعيه انت حر ومو عبد عند احد..حتى لو كانت ردة فعلها انها تكسر الدنيا طنشهاااا...وبالمناسبه بعد ماتستقر اوضاعكم حاول تصطحبها لطبيبه نفسيه لان سيطرتها حاله مرضيه تستلزم العلاج...واحس ينقصها ثقافه التعامل مع الزوج اتمنى انك تقترح عليها تحضر دورات او تقرى كتب اومواقع عن كيفية التعامل المثلى مع الرجل..