عادةً لما يطلع ويبات برا .. يكاد يختفي تماماً من الواتس آب .. ويظهر ربما كل أربع أو خمس ساعات مثلاً .. ولا يتكلم إلا إذا في شي ضروري جداً.

اليوم من الصبح إلى المغرب يتكلم في قروب العائلة مع أخواته وإخوانه .. سوالف ومزح! .. ما سكت إلا وقت صلاة الجمعة!

وحتى أمس كان يتكلم كثير في القروب إلى ما يقارب نص الليل!



من شوي أرسلت له شي بخصوص ترتيب الحفلة .. وأعطيته علم بالمبلغ المطلوب .... ورد على طول بالموافقة!

__________________


اللهم طِيبَ الأثر .. وحُسْنَ الرحيل.

اسلوبك الجديد حيجذب زوجك لك

أو بالاصح جذبه ،

لين متى؟
رغم اني لو كنت مكانها بسوي مثلها لكن (ليس لهدف سوى راحتي وليس لاعيده لي فمن خرج بمزاجه يعود بمزاجه)

طبيعي اي اسلوب جديد يجذب في البداية (ولاهداف مختلفه) ربما استغراب فقط. او اضطرار .او مداراة. او ربما حتى هو مرتاح هكذا او او او

لكن بعد مدة تطول او تقصر يتعود على هذا الاسلوب ويتاقلم عليه بل ربما ينقلب وينفر شوي شوي لين يتعود ويعيش حياته عادي وفق هذا الاسلوب الذي تعود عليه من مده

فكل شيء في البداية ملفت ونهتم به مده تطول او تقصر حتى تتعود عليه النفس ويصبح عادي وروتيني

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

ماشاء الله ياطول بالك
لو كنت مكانك خربتها من اول التفاته منه لي
اول مرة احس نفسي فعلا مطفوقة😁

مهره .. حبيبتي انا فاهمتنج والله

مش مهم هو .. المهم قلبج يا بعدي

أرتحتي ؟
ترا بيستوي الاهتمام المفاجئ و السحبة القوية و الاستفزازات لاحقا
كوني قويه من الداخل قبل الخارج ... ؛)



احبج جدا 😘

__________________

الله يعلم ما في نفسي .. ليس هذا هدفي ولا أسعى له.

__________________


اللهم طِيبَ الأثر .. وحُسْنَ الرحيل.

........

__________________


اللهم طِيبَ الأثر .. وحُسْنَ الرحيل.

حبيبتي يا ريم.

نعم مرتاحة الحمدلله.



بس ما فهمت قصدج! .. الاستفزازات مب شي جديد .. لكن كيف اهتمام مفاجئ وسحبة قوية؟

__________________


اللهم طِيبَ الأثر .. وحُسْنَ الرحيل.

غيرت صورة العرض في الواتس آب.

والحقيقة الصورة لكم عليها شوي .. بيتا ومريم وشوك لو شافوها يمكن يقدرون يفهمون قصدي.


من حوالي ساعة ونص أرسل لي: تعتقدين الصورة مناسبة؟

عندي خاصية أقدر أشوف نهاية حوارات الواتس في الشاشة الخارجية قبل ما أفتحها .. فشفت كلامه وما فتحت الواتس إلا بعد حوالي نص ساعة.

حطيت علامة تعجب .. وقلت: شو بلاها الصورة؟

قال: إنتي في قروب (قروب خواته وإخوانه) .. تعتقدين هالصورة مناسبة لج؟

قلت: مب أول مرة أحطها! (وأنا صادقة)

قال: أول مرة أشوفها (مب صحيح بس احتمال ناسي) .. إذا قروب بنات مب مشكلة .. بس القروب مختلط.

قلت: طيب.

وطلعت من الواتس.





بعدني ما غيرت الصورة .. لكن باغيرها عقب شوي.

__________________


اللهم طِيبَ الأثر .. وحُسْنَ الرحيل.

رحت جري أشوف الصورة الي بالواتس مهووووورة