هو عادي بس يخافون يقول وش فيهم هذولا
كانهم ماصدقو ^^

الرجال ماينتفوت على معرفة الاهل فيه
يعرفونه جيداً

احترامه للمرأه فكره العالي مستوى عقله مع الدين والخلق كل بنت تتمناها

طبعا اكيد القريب افضل من الغريب لا المعدد ولا غيره
يكفي انه يعرف منذ طفولته مو مثل الغريب قد تظهر اشياء بعد الزوج وتتورط البنت بعدين




ـ

ما راح يقول ما صدقوا على الله
راح يقول يعرفوني رجال والنعم فيني فما فرطوا فيني...
صدقيني حبيبتي اذا رجال زين .. لا تفوتينه
ترى على قولتنا الرجال الزينيين ما يتحصلون الا " بالتفق "

__________________

حاجة الناس إليكم من نعم الله عليكم ، فـ لا تملوا النِعم ☁✨

اهلا فاضلتي
على كلام الاخوان يقولون مافيه كلمه ماقلناها له ^^
يقولون من صدمتنا كل شيء قلنا له خصوصا انهم يمنون عليه
قالو له مافكرت قبل تجي تخطب
ماقلت وش بيقولون عنا الناس
ليش اصلا تفكر بالزواج
مافكرت بزوجتك ...الخ الكلام
مايسكت واحد من الاخوان إلا الثاني تكلم ^ـــ^
هو زعل وانصدم من ردة فعلهم
وكان زعله بعد كل هالمعرفه والصداقه والقرابه مااشرفكم
يعني استغرب هالرد عليه وكيف يرفض بسرعه هذي
وقال لهم وش فيني وليش كل هالرفض وانا وش ناقصني
انتم تعرفوني زين وتعرفون اخلاقي وديني ...الخ
وطلع وهو زعلان
والاخوان مازالوا منصدمين وقتها لانهم مو مستوعبيين اللي صار
كل شيء صار بسرعه

استغرابهم
ماعمره قال لهم انه وده يتزوج او لمح لهم علشان كذا استغربو ونصدمو بنفس الوقت

وردهم عليه بهذا الجفاء
لانهم يمونون عليه مثل ماقلت لكم ياما سافر معهم يسافرون احيانا على سيارته
او هو يسافر معهم على سيارة واحد من الاخوان يعني بينهم ضحك وسوالف
وسفرات وروحات وجيات يعني مو بس قريب ,, قريب وصديق لهم يعرفونه معرفه تامه

ويعرفون انه رجال والنعم فيه لهيك تندمو من سرعة ردة فعلهم
قالو مايستاهل كل هالرفض المفروض صبرنا وتكلمنا بهدوء
مو كذا بسرعه تنرفزنا



ـ

ايه الله يجزاك خير ارجعي
اكيد بستفيد منك انا بنتظارك

على كلام الاخوان عنه يمدحونه وجداً
لافكره ولاعقله ولاتعامله واخلاقه ودينه كامل والكمال لله عزوجل
عيبه او سلبيته انه متزوج وعنده ابناء وبعيد عن منطقتنا
وهالشيء لا يعتبر عيب
اهم شيء عندنا الدين والخلق ,,
وعلى قولتك الحين بالزمان مافيه رجال صدق بمعنى الرجوله
ومتى يجينا رجال كفؤ ويستاهل


هو زعل منهم لانه ماتوقع يتم رده بهالطريقه
كان متوقع انهم يرحبون فيه وبقوه كمان لانهم يعرفونه
لهيك زعل الرجال وطلع زعلان ...

وبصراحه كل الخطاب غير كفؤ لزواج من عمري 19 الى الآن عمري 30
وانا انتظر رجال يكون مشهود له بالخير
مانبي صحابه بس نبي محافظ على صلاته ومايشرب والى اليوم ماجاء احد غير هذا


كيف الحين راح يكون التصرف


ـ

طبعا الوالد بنفس اليوم كلمه
واعتذر عن التصرف اللي صار واستعجالهم وتفهم هو الموضوع
ايضا هو قال انا استعجلت وكذا
بس ماقاله الوالد عن الخطبه ابد



ـ

ما انصح

قريب يعني تعرف زوجته وزوجته تعرفها..

لا افضل اي معرفة بين الزوجات

ويعني حتى لو طلبت مايتقابلون بمناسبات..غصبا عليها بتشوفها لانها ماتقدر تعتزل اهلها وتسكر على نفسها الباب 😊

ولو مواصفاته فظيعة وخارقة لهالدرجة كان اسهل بهالسنتين يحصل زوجة ثانية

عموما 30 لاتعتبر كبيرة

ثم

هو لجا للاقارب لانه ماحصل وحدة بعيدة.. دققي انه على هالوتر

وحزازيات ومشاكل بين الناس اللي حولها

وماله حق يزعل اخوكم بالله

هذا رايي

__________________

اختلافي عنك لا يعني اختلافي معك

هلا اخوي
هو قريب لنا زوجته لو ماتزوجته كان ماصارت قريبه لنا
يعني قرابتها بسببه هو

اما مالقى لا لو خطب من اقاربي كان وافقو عليه
ومادري يمكن خاطب منهم وبسبب القرابه رفضوه كمان
هو معدد ويبي بنت وتعرف بعض الاسر تشرط قبل توافق على المعدد مثل المهر قدره كذا
ويكون مبالغ فيه والزواج كذا ...الخ

ايضا هو ملتزم مايبي الا من اسره ملتزمه اعتقد

:
مااخذو الاهل واعطو معاه ليش له سنتين يبحث وماصار شيء
لو تكلمو كان صارحهم مثل ماقلت هو صديق لهم قبل لايكون قريب ويعرفونه منذ الصغر
هو اكبر من احد الاخوان بشوي

ـ
اما من ناحيه المشاكل مادري مااعتقد تكون اكبر من المتوقع الله اعلم


ـ
عمر 30 مو كبيره الا والله كبيره
او فرصتها لزواج من عزاب ملتزمين نادر اتوقع والعلم عند الله
سعدت بردك اخي



ـ

مدري بس احس القريب وله عيال وحب ياخذ الزوجه الثانيه من العائله ما ينفع لو الزوجه الاولى من العائله عادي بس الثانيه فيها شوي صعوبه
وحصلت لناس اعرفهم واللي الان مو متقبلين الوضع ابد وحصل فيه تفرقه في المعامله بين الزوجات في محيط العائله من حيث العزائم وغيرها
ايضا دامه راح وانرفض اتركوه الا اذا جاء مره ثانيه بنفسه
ويمكن نسبه شر وربي صرفه عنكم برغم حسن اخلاقه
بعضهم حتى لو هم قمه في الاخلاق والدين بس مع الزوجات صعب لابد ان يكون في القلوب حزازة والم
تقبلي ردي بصدر رحب

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

اثارتي لنقطة القرابة هي التواصل الاجباري مش ان زوجته قريبة او غريبة

العالم تخاف من المعدد عشان كذا تتشرط.. بتضمن جديته لان في كثير احتياجات مسدودة عنده وهذا الواقع واشوفه من حقهم

مافي اسر ملتزمة.. شدعوة لهالدرجة نادرة؟

لا ليست كبيرة.. نسبة كبيرة من الابكار اللي اشوفهم بهالزمن يتزوجون اعمارهم 27 وفوق

ولا تضغطون عليها من باب العمر وان ماعندها فرص اذا كانت ماتبي.. هي ترتب اولوياتها وهي تحدد بدون ضغوطات

نقطة ثانية مهمة جدا

بغض النظر عن كونه صاحبهم

لازم يجي باهله يخطب حسب الاصول.. طريقته ماكانت صح

غير ذلك قلة تقدير.. دققوا بكل شي عادي من حقكم

قد يكون سبب رفض اللي قبل شيء من هذا القبيل

واتفق مع عيوشة

__________________

اختلافي عنك لا يعني اختلافي معك