كان الله في عونك انتي في ابتلاء كبير
ابتليتي بزوج لايعرف كيف يتصرف
عصبي واكبر مشكله هم المحيط الذي حوله من الذين يحرضونه على المرأه ويقللون من قيمة الرجل الذي يقدر زوجته وهو في صراع بين نظرة اصدقائه له وبين حياته معك الله يشفيه ويكون في عونك ويختار لك الخير وينور بصيرتك
وجهي امرك لله واكثري من الاستخاره
وانسي وجوده تماماً

اصبرررري لا تستعجلي وتطلبي الطلاق
وممكن سفرته هذي تخليه يشتاق لكم و يعرف مفداركم انتي واولاده
بتطلقي وبعدها وش بيصير راح تتزوجي رجل اخر وله عيوب وتظطري تعالجي من اول وجديد
زوجك عنده عيوب وسلبيات بس ممكن تتصلح
والدك مع احترامي غلطان المفروض بعد يومين او ثلاث من جلوسك يسألك عن السبب ويكلم زوجك مايترك كذا بس سبحان الله ممكن ف الامر خيره
ارجع واقولك خلي ابوك يكلمه وياخذه ع قد عقله ويعزمه عندكم يشوف اولاده ويكلمه ف موضوعكم

جزاكم الله خير
امس منزل صوره وهو بدبي مع اصحابه
سهر وفله ومطاعم

وانا لي 5 سنوات اشحذه سفره لمكه
وهو رافض : )


لي الحين شهر و 18 يوم ببيت اهلي
ولا رفع سماعه على احد منهم

ابستخير الليله بالطلاق
الله يكتب لي الخيره ويعوضني

زوجك عجيب و غريب يا كنافة ؟

لا أبدا ياروح .. بس هذا تصرف الرجال اللي وراه أحد يحرض ويوجه .. وللأسف لقى في زوجها قابلية ويطبق بدون تفكير .. الله يعينك ياكنافة

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كنافه انتبهي لا تقرري وقت الغضب

زوجك خايف اكثر منك
زوجك صور نفسه ليخفي توتره من الي يحصل
زوجك قاعد يمني نفسه انك بترجعي زي المرات الي قبل
ويتباهى وهو محترق

لما تاخذي ورقة طلاقك كل الغضب والتشنج الي عايشته بيختفي تماماً

وتبدأي مرحلة اللوم وتأنيب الضمير هذا شيئ مستحيل ماتمر فيه أي أمرأه تفقد مملكتها

فنصيحتي لك حطي قلبك في ثلج ولا تتابعيه وقلنالك تونسي مع اهلك وطنشيه

واخيراً مع التأني السلامه هذا عش أولادك كافحي من أجله حتى هو يطلق بنفسه

زوجك طلبك ترجعين للبيت ورفضتي. وتبغينه الحين يتصل عليكم ويتطمن ويجي يكلم اهلك؟

معليش ياكنافه يمكن انا اكون غلطان لكن احس انك انتي فيك اشياء كثيره مقصره فيها.

زوجك يعرفك اكثر منا ولما قالك انك انتي تتصنعين الطيبه يمكن هو يكون صادق. هذا انتي بكل مواضيعك تحطين نفسك انك انتي ملاك وماتغلطين وهو الي يغلط.

انا متابع مواضيعك وفيه كذا موقف صار خلاه يتنرفز.

لما حكى لك عن صاحبه الي يسمع لزوجته، ليش قلتي او نعم فيه؟ كان بامكانك تقولين شي ثاني او اقلها تقولين لا تعليق لكن يبدو انك حبيتي تطعنين فيه

لما سافر وخلاكم ليش ما استقبلتيه زين؟

وانا اخوك، اكتب لك هالكلام وادري انه ممكن يكون جارح لكن اكتبه لك علشان انتي تنظرين لنفسك وتشوفين وش هي الاشياء الي انتي مقصره فيه.

ترى حنا يالرجال اذا لقينا زوجه تهتم فينا ونحس انها تشتاق لنا والله مانطالع بغيرها. تقولين انه تعرف على شله جديده، متاكده ان هذا هو السبب الي خلاه يتغير؟ ماصار شي بحياتكم وقتها واثرت عليك وصرتي ماتهتمين فيه مثل اول؟


حنا هنا علشان نساعدك مو علشان نلومك. نصيحتي لك، طالعي بنفسك وشوفي وش ممكن الاشياء الي انتي سويتيها غلط.

نصيحه اخرى، زوجك طلبك ترجعين للبيت ارجعي وبعدين تفاهمو اذا تبون الطلاق او لا.

الله يوفقك

انا اقول مثلك انسان غريب ومستفز
واستغرب رجال يفكر كذا!

والدي عنده رأي غريب
انه يحاول يلفت انتباهي ويشاغلني
حتى اخرج من صمتي
لاني ساكته زي الجدار

اكسري البرج العاجي الي انتي راكبته ...!
وروحي تصالحي مع زوجك...!
الطلاق ماهو من صالحك هو يطلقك منيه ويتزوج منيه ....!
اما انتي بتقعدين تربين له عياله واذا كبروا اخذهم عنده الخسرانه انتي ....!
شوفي مصلحتك وحافظي على بيتك ....!
عمر التكبر مايجيب نتيجه ...!
ولاتنسين انها الطلقه الثالثه والاخيره وماراح تحلين له ابداً الا بعد زواج من رجل غيره ....!
الله يصلح الحال والله المستعان ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

هو لو يتعامل بشخصيته وتفكيره
بيكون ارقى وافضل من كذا
لكنه مرخي اذانه للناس بزياده