الله يهديها شلون تتكلم عنك بهذه الطريقه امام زميلاتها في العمل
وانت كنت قاسي جدا يوم انك تطلقها بهذه الطريقه
الحين الناس تبي تقول انه فعلا ما كان يستاهلك لانه غير متزن بردود افعاله
وراح تبقى هذه الصفه ملازمتك لي فكرت تتزوج مره ثانيه

هلا الشيخ
ردة فعلك ممتازه لان الموضوع مس كرامتك مباشرة. صدقني لو كنت ساكت وكاتم لا يطلع عليك و ما تنام الليل. انا كنت نفسك وكنت اسكت و اطوف لغاية ما بلغ التمادي اقصاه وطليقتي حطت في بالها ان ضعيف وزاد التمادي لغاية ما خلت زوجها اليديد ( الي خانتني معاه ) يتصل ويهددني بعدها فتحت عليها وعلى زوجها واهلها باب والحين يبون يسكرونه ما قادرين.

مرأه ........ مثل هذي تستاهل الي جاها وأكثر لان هالاشكال بايعه ونصيحه ......ولا تعطي مجال خلاص و الحمدلله ان ما عندك أطفال منها.

عزيزتي احنا مو في غابه لو كل شخص بيعمل مثله ما راح نحل شي
و طريقته للأسف كانت غير عقلانية ..

كان بالامكان يحل الموضوع بطريقة اهدأ من كذا . او ممكن كان يطلقها بدون شوشرة .

أخي الفاضل،، ممكن أسألك سؤال ؟
يوم زميلة زوجتك تعنت وسجلت صوت زوجتك وهي تتكلم بالسوء عنك تتوقع انها فعلت كل هذا لأجل من؟
لا تقول عشان تنصحني، أو تبغى مصلحتي، أو تبي تفيقني من غفلتي،،،
لا هي سوت كل هذا لأجل شيء واحد هو خراب بيت زوجتك يعني هي لو هي صديقتها صدق كان نصحتها مره وثنين وثلاث مو تروح ترسل لزوجها وتسعى في خراب بيتها!!!!! وتسجل صوتها بعد كدليل!!!

أكاد أجزم لك 100% أن الكلام اللي طلع من زوجتك بخصوص الطلاق ما كان صادق وكله مجرد كلام فاضي لأنها ما فاتحتك بالموضوع أصلاً وإلا ما كان أبوها جاء وكلمك



تصرفك بالموضوع من أوله لآخره أشوف انه غلط،،
المخلوقه عشت معها سنتين وما لاحظت عليها شي إلا من تالي يوم هالزميله راسلتك
وصرت تأول كل شي تقوله زوجتك على انه تقصد انك ما تفهم أو استحقار لك طيب مو يمكن انها موب قاصده شي،،
على الأقل يوم جت الزميلة من حق زوجتك عليك مو بس تتحرى إذا الأمر صح او لا
كان المفروض تصارحها وتتفاهم معها مو تصدمها صدمة حياتها وتتسبب لها بامراض نفسية
ومو معنى انك ما جبت منها عيال ان خلاص ب ترميها يعني هي شنو جرمها!!!
اغتابتك؟
طيب ما كنت تقدر ترمم هالصدع أو على الأقل تطلقها بدون ---
أو على الأقل كان حطيتها عند باب بيت أهلها مو ترميها بالقاعه وما تدري مين بيردها بهالليل!!
وين الغيره!!! وين المسؤوليه!!!

وفي الأخير الغيبه حرام والفتنه حرام والتجسس أيضاً حرام،
عني كلكم غلطتوا بس انت سمعت--- وسمحت لنفسك تتجسس على زوجتك
لكن بالمقابل ما خليت لزوجتك فرصه انها تتكلم أو تبرر او حتى تعتذر

زميلتها مهما كانت نواياها فقد افادتني و اخرجتني من وضع المغفل و هذا ما يهمني فقط
اواجها عشان تبرر! تبرر ايش و هل مثل هذا الشيء قابل للتبرير
التجسس حرام فنعم حرام لو كان بدون اسباب
اما لو كان بوجود اسباب فطبيعي يصبح حاجة و مطلب عدا ذلك يخالف العقل
بالتالي كان من حقي ان اتجسس عليها
اواجها فتنكر ببساطة اسمعا تسجيل تخترق عذر او حتى تعتذر كل ذلك لا ينفعني
التجسس بمثل هذه المواقف عين العقل
اطلقها بهدوء!
انا أحمد الله اني طلقتها بقسوة و ساكون سعيد لو تسببت لها بمرض نفسي

تتكلم علي و تجعل مني اضحوكة و ينتشر ذلك بين الناس و تقول حتركه و ان ما رضي اخلعه
لم اذيها بشيء لم اغصبها على الزواج و لم اجبرها على الاستمرار
مثل هذه كيف اتركها بلا عقاب قاسي!
اخبارها تصلني محبوسه في البيت و اهلها و اخوتها الكل يعاملوها بشكل سيء يقولوا تسببت لنا بفضيحة
و الله انا متاكد بانها تتوسل العودة و لكن تعرف اني مستحيل اعيدها

كان هدفك من الموضوع هو فقط لمعرفة إن كان اللي سويته كافي لحرق قلبها؟!!
إذن أسحب نفسي من النقاش

من يخطأ (بشكل متعمد و متكرر) يجب ان يستعد لينال العقوبة
امثال هؤلاء يستحقون العقاب و العفو عنهم اكبر خطأ و يجب ان لا نشفق او تاخذنا بهم رحمة

لاحول ولاقوة إلا بالله

يارب وش صاير بالدنيا ووش صار بقلوب الناس

ليش كذا

اذا رب العالمين يغفر ويسامح

فما بالك احنا البشر اللي مانسوى شي أمام رب العباد

انا ماألومك من حقك تنقهر وتزعل على فعلتها
ومهما كان انت زوجها واحترامك من احترامها
ولكن بتبقى انسانه ومن الطبيعي بتغلط

وهي فعلا غلطت يوم عيبت عليك وتكلمت امام صديقاتها
وفي رب بيحاسبها
بس تذكر انها ماخانتك او غدرت فيك

عموما قدر الله وماشاء فعل
ولكن فعلا كانت ردت فعلك قاسيه جدا
وخاصه انه الغلط كان ممكن تناقشها فيه وتزعل عليها
وتعرف سوء فعلتها وتستسمح منك
وكل شي يتصلح بينكم
قهر غلطه مثل هذي توصل معكم للطلاق
ولكن هذا المكتوب

ونصيحه لو هي فعلا عرفت غلطها وندمانه وتبي ترجع
رجعها ترا احنا بشر ومو معصومين عن الخطأ
وخير الخطائين التوابين

وصديقتها ماادري بعد اللي سوته
كيف بتقدر تنام بالليل وهي مرتاحة الضمير

نسأل الله العفو والعافيه

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

اقتباس:

المشاركة الأصلية كتبت بواسطة الحزين 2023 تتكلم علي و تجعل مني اضحوكة و ينتشر ذلك بين الناس و تقول حتركه و ان ما رضي اخلعه لم اذيها بشيء لم اغصبها على الزواج و لم اجبرها على الاستمرار مثل هذه كيف اتركها بلا عقاب قاسي! اخبارها تصلني محبوسه في البيت و اهلها و اخوتها الكل يعاملوها بشكل سيء يقولوا تسببت لنا بفضيحة و الله انا متاكد بانها تتوسل العودة و لكن تعرف اني مستحيل اعيدها

وانت كيف تصدق بسرعه معقوله هالشيء
وحتى لو كان فيه دليل وتسجيل انت ماتدري شنو كان الموضوع بالضبط
ربما كانت تتكلم عن شيء اخر مثلاً لو زوجي جذي جان فعلت وفعلت وهي اقتبست اللي تبي
وسجلته لك او سمعته لك

عموما فعلاً اللي سويته غلط واكبر غلط وماراح ترضاها على اختك مهما فعلت
الصراحه مطلوبه مهما كان
وهذا درس لك ولغيرك الدنيا مو فوضى علشان نسمع لناس

اعكس الوضع لو كانت هي اللي عملت وسمعت لزملائك بالعمل وصدقت جان كيف ردة فعلك
مااعتقد ترجع لك إلا اذا اجبرت لان الشخص اللي يصدق كل هب ودب لايستحق ان يكون شريك
مهما كانت صفاته

الله لايكسر قلوبنا بس
جان طلاقتها وانتهى الوضع ياليتها بس تسامحك ولاتشيل بخاطرها عليك
نصيحه لله انتبه تسمع لااحد مادمت ماشفت بعيونك واعترف الشخص لااتسمع لــ احد ابداً



والله يهديك ويهدينا ويهدي كل مسلم
وحسبي الله على كل من يتدخل بين زوجيين لــ افساد حياتهما



ــ

__________________