يبدو انك انت ساهمت و لعبت دور في ترسيخ هالشي، اجل تتحداك ولأنها لمبة انك تنفصل عنها
لو قالت تعشقنى أرحم! بس ما يردك الا اللون .
ردات فعلك معها خلاها تتمادى معك لهاللحظه ،
واذا الاسلوب قبل الدخول كذا ، كيف لو جاها ولد اسمر بلونك وش بتسوي ؟
ارجع فكر وشوف حجم الخساير قبل وبعد .

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

فعلا بدايه لاتبشر بالخير
كلنا خلق لله سبحانه
واذا صارت بيضاء مو هي اللي خالقه نفسها

اتوقع والله اعلم انها عارفه ان بدك بيضاء علشان كذا تتفضل عليك
والخطاء منك جان رديت عليها

وانا مع الاخ الرسمي اسئلها وشوف ردها
هل فعلا تبغاك وراضيه فيك او لا ؟؟

__________________

خلك حازم مع هاللمبه
لازم تكون صريح معها
قلها كل الي في خاطرك
وان هالشي مزعجك منها
واحتمال كبير يؤدي للانفصال
وانه الحب لها بدا يتحول الى نفور
ان لم تتعدل معك
تغيرت كان بها
والا تركها أولى
استغفر الله
الأخلاق والاسلوب اهم شيء
وهذي مافيها من الذوق ذره
ليتها جمره بس خلوقه
الله يعينك بس 😖

اسألها وناقشها بتعليقاتها
ممكن تكون متنرفزه من شغله عملتها فتذكرك بأنها من تكون ؟ وهذا غرور مفترض ماتجيب شيء ربي خلقه
او انها فعلا تفتقد منك المدح بمظهرها والدلال فتذكرك انها بيضاء وجميله تبيك تمدح !!
وانت تاخذها بحساسيه وترجع هي تزود الجرعه عليك وهكذا ؟؟


اما بوسه اليد فترى بنات كثير يطلبو زي كذا
بعضهم تطلب يبوس بالراس بعضهم اليد
حتى تكتمل المسرحيه امام الجميع
يعني يشوفو مو معقول يمشون مع بعض من دون حركات
لازم اكشن
وكيك واكلني واكلك ودلع وتصوير
تقدر ترفض تدخل معها اذا مستصعبها باسلوب حلو
بس بعد تسكيرتها بوجهك غلط لكن ترى ممكن انصدمت من ردك وقعدت تبكي

كان المفترض وضحت ليه هي تبي كذا وانه كلنا البنات يسووها هذه الكلمه يمكن تغير وجهه نظرك
لان رجال كثير مايعرفو حركات البنات بالزفه


احس اسلوبكم الاثنين شوي دفش على بعض
انت قلت لا طوالي من دون ماتشرح وجهه نظرك او تقنعها
وهي انفعلت وقفلت في وجهك

اللي ملاحظته انها انفعاليه وعفويه يمكن تكون وجهه نظري خطأ وغالب هذا النوع زواجهم فاشل حتى لو ماحصل طلاق ،الرجل يبي له كيد ومسايس خاصه من يجهل في تركيبه المرأه

ايضا الزواج لابد يكون في مرونه واخذ وعطاء
واذا طرف شد الاخر يلين
حتى تفهمون بعض اكثر

__________________

سكر الله يرضى عليج!

كثير بنات يطلبون إن المعرس يبوس إيدهن؟!!

المعذرة بس هذه قلة ذوق ونرجسية وتصنع مقيت!!

حتى بوسة الراس مب حلوة البنت تطلبها .. واللي أعرفه إن المعرس يسويها من نفسه أو خواته يقولون له يسويها.

لكن العروس هي اللي تطلب؟!!!!!! .... صراحة وع!




بعدين يا جماعة .. هو فعلاً تكلم معاها ولمّح لها بالانفصال .. ومع ذلك كابرت وقالت: أتحداك ومحد بياخذك!!!



شخصياً زوجي أسمر .. وأنا لمبة على قولة الأخت .. وأبداً ما عمري خطر على بالي أقول أي كلمة بهذا الخصوص لا تصريحاً ولا تلميحاً .. لأنه عيب ومب من الأخلاق ولا الأدب .. وخلاص ما دام وافقت على الريال فالمفروض راضية ومقتنعة وقابلته بكل ما فيه.

مب أقبل عيب - من وجهة نظري - وأتمنن عليه.



وبخصوص الأخت اللمبة فبصراحة المسألة واضحة.

__________________


اللهم طِيبَ الأثر .. وحُسْنَ الرحيل.

كل ها الجرأه وبعدكم على البر ..
بصراحه شي غريب .. ولازم تتريث قليلا وتفكر الف مره قبل يتم الزواج ..
انت كيف مكالماتكم مع بعض .. يعني هل تبين لها انه مسالة لون البشره شي اساسي بالنسبه لك .. ؟؟
هل بينت لها انك مو حاب انه بشرتك سمره وخايف خلفتك يكونون سمر .. ؟؟
أما مسالة انها تطلبك تبوس ايدها .. هذه جريئه جدا جدا .. وبصراحه ما اتخيل وحده تطلب هذا الطلب من خطيبها وقت الملكه .. !!

ياخي (نصيحة (1)) تزوج كراميل اخلاق واحترام وذوق ولون.. نسبه العنوسه كبيرة ..قاعدات مسكينات بلاذنب ولاخطيئة ..كل هذا عشنهم مولمبات :/ .. طيب اكيد ام لمبه بيضاء عندها ادراك مسبق انك ماتبغى تخطبها الا عشنها بيضاء .. وبرضوا مش محصل اخلاق حلووه ..بوس يدي قدام الخلق ! نصيحة (2) رويس لوراء وراجع حساباتك من جديد .. ! لي تسمعه دحين راح تسمعه مرار ومرار وكانها متفضله عليك بلون ..

احسنتُ مهرة معك بكل كلمة ..
احنا بعد عايلتنا لمبات لكن شبابنا ونسايبنا سمر وفي منهم الاسمر جداً وفخورين فيهم والنعم
منهم ،،

__________________

يامهره
انا ذكرت بكلامي انه البنت ربما تكون عفويه وانفعاليه= ترمي كلام وبعدها اكيد بتندم عليه
هذا معناه
كلامها انا لمبه وغيرها ذكرت الاسباب بالرد الاول
احنا مانعرف ايش اللي وصلها تقول كذا

بعدين هو بعد جرحها وقال عمرك كبير وغير ناضجه
( الشخصيه الانفعاليه غالبا غير ناضجه حتى لو عمرها خمسين ) متسرعه واندفاعيه
وهي ردت مابتلقى زيي ، مااعرف هل هو يسب لونه عندها او اذا مدح ركز بلونها ؟
احنا دايم نقول للرجل اشبع زوجتك وامدحها لكن لايركز بصفات معينه
يعني مثلا طالعه حلوه اليوم ، شكلك حلو ، افضل من قولته انا اخذتك عشانك لمبه !!
او اللي عاجبني بياضك مثلا ،، لان الشخصيه هذي مندفعه وتخرب كل شيء وقت الزعل .
كل كلامي احتمالات مانعرف حواراتهم كيف بالضبط

ومن ناحيه البوس لو طلبت يبوسها ، كان رد عليها بكلمتين حلوين اننا خايفين من العين وكذا او حاول يتفهم ليه تبي البوس

مع انه اللي اشوفهم يبوسون زي ماقلت مسرحيه
ممكن المجتمعات تختلف وهي مجتمعها كذا بالاعراس
او صديقاتها تبي تقلدهم

وحده من صديقات اختي تو ملكت وسوت حفله كبيره عقدت قبل الحفله باسبوع وكلمته بالجوال وعلمته اش بيسون ، وفعلا باسها ورقصو كأن لهم سنه يعرفون بعض ، الله يهنيهم
اي نعم البنت كانت جرئيه ، بس اعرفها لما تجي عند اختي جدا طيبه وعفويه

اما كذا نقول قليله ادب وانفصل مرا صعب ؟؟
على الاقل كلمها اتفاهم معها ، خلها تشرح لك
وبعدها ضع حدود ماتتخطاها

من ناحيه لمبه الصدق بحياتي ماسمعت احد يقول انا بيضاء وانت اسمر
بس ارجع لحواراتكم متأكده فيه خلل ..

فتحتي باب وان كان من غير قصد .. الحين كل وحده بتدخل تقول لونها اللهم صلي على محمد
ناقشو بالموضوع واتركو لونكم
وانت يامهره عاقله وراكده مو الكل زيك ..

__________________

اذا هي اخلاقها وهي توها متملكه فالقادم ادهى واقوى
لا حياء ولا ادب ولا خلق
اعوذ بالله