السلام عليكم


يا اخوان و يا اخوات انا تطلقت من زوجي
مرتين لاسباب من يذكر منكم مواضيعي يعرفها
اسباب قوية جدا ماحد يلومني عليها
مشكلتي اني احبه والله من قلب
و مو هاينه علي الشهور اللي عشتها معه بتفاصيلها
كانت فيه لحظات حلوة
مافيه شي يخليني اتمسك فيه هالقد الا انه فعلا يحبني
انا متاكدة من مشاعره اتجاهي
لكن فيه تصرفات صدرت منه خلتنا ننفصل
انا لما اجي اعدد عيوبه كثيرة تطلع و ما تنطاق
لما اعدد محاسنه ماذكر شي غير اني كنت ارتاح نفسيا لما يلمني
مادري وش اسوي انا عاطفية جدا جدا كأي انثى و اكثر
تصرفاته اللي كرهتها فيه ما كرهتني فيه ك شخص
مادري وش اسوي بعمري
ارجع له و اشترط عليه النقل حتى اضمن حياة افضل
او ايش بالضبط مشاعري مو مخليتني اسوي شي
افكر فيه ليل و نهار وهو كذلك لاني تواصلت معه و قال ابغى ارجعك و رفضت من المهزلة اللي صارت قبل
هل هالشي يحصل مع كل الناس و الا قلة قليلة بسبب الحب

__________________

والله ما يمر ليلي الا و انا ميتة من الصياح

و امي تجي و تهديني و تقول ما يستاهلك ما يستاهل تبكين
وش يعرف قلبي هالكلام

__________________

انا ما اعرف تفاصيل قصتك ، لاكن هل عندك اطفال منه
وهو متزوج غيرك وانتي الثانيه ولا بس انتي ع ذمته
وكم لك مطلقه

ماعندي اطفال ما مضى على زواجنا غير 6 شهور
انا زوجته الوحيدة و فارق العمر بيني و بينه سنتين
تطلقت مرتين بين الطلقة الاولى و الثانية اسبوعين
الاولى بسبب تعاطيه للمخدرات و مشاهدة الاباحيات
رجعت له بموجب شروط تنفذ
نفذ شرط وهو مباغ مالي
و الثاني طلبت منه ينقل لانه البيئة اللي هو فيها تساعده على التعاطي و هالشي لا يستنكر عندهم كثير
او بالاصح اقاربه تتوفر عندهم المخدرات بكثرة
و يسهل حصوله عليه
كنت ابغاه ينقل عشان يبطل يحتك فيهم و يقدر يسيطر على نفسه يتركها
وافق و بعد ما رجعت له اكتشفت عن طريق الواتس انه يكذب
مراح ينقل بس ختى يضمن رجعتي
مع تفاصيل اخرى بعدها انا طلبت الطلاق وطلق

زوجي رجل كاذب ثقتي فيه معدومة بالعربي

__________________

انتي نبصره رجعتي له ل المره الثانيه لاكن هو ، ماوفى ب شروطك معاك ياحبيبة قلبي الحياه مع مدمن ما تنطاق
الحين تتالمي ولا بعدين الحين تتعبي ولا بعدين ، معليش اصبري
دامه طلق ولا حاول يغير من نفسه ماراح تضامني تعيشي مرتاحه معاه

ارى انك طبيعيه جدااا .. فانا احس بما تحسين ..

لان اي امرأه .. شريفه عفيفه ما عرفت غير زوجها رجل غريب .. اكيد تحبه .. لانه هو اللي رأت منه العاطفه والمشاعر .. والمعامله ..

لكن طنشي شعوورك .. اسباابك قويه .. احمدي ربك كثثثثثير تطلقتي بدون اطفال .. وربي من تتزوجين غيره تنسينه وتنسين اسمه ..

__________________
أعلل النفس بالآمال ارقبها .. ما أضيق العيش لولا فسحة الأمل

حبيبة قلبي تذكرت قصتك
شعورك اللي تمرين فيه طبيعي وصدقيني راح يخف مع الوقت
ضعي عيوب زوجك والأسباب اللي أدت إلى الطلاق نصب عينيك عشان لا تضعفي وتلومي نفسك
وأنا عندي احساس ان الله عزوجل راح يعوضك باللي يستاهلك واللي يعزك ويقدرك

تجربتك مؤلمة والحمدلله انك طلعتي من زواجك الفاشل بأقل الخسائر

كوني إيجابية وقوية ولا تستسلمي للأفكار السلبية

ركزي على ماذا كسبت من الطلاق ( كرامتك راحة بالك وفرصة الحصول على زوج أفضل وحياة أفضل ) وليس على ماذا خسرت

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

تعلقك فيه لأنك ماقضيتي معه فترة كافية عشان تلحقي تكرهيه وتكرهي الحياة معه..

الشهور الاولى بتكون العواطف قوية ولسه معميين بالحب.. مع الوقت بتهدأ المشاعر وتخمد نار الشوق..

انتي لساتك في البداية في مرحلة العواطف الجياشة.. فالطلاق جاء في فترة صعبة.. صعب تشطبيه من قلبك .. بس بتمر فترة ان شاء الله راح تهدي وتنسييييه خاصة اذا تقدم لك ابن الحلال.. زوجك ماينفع.

ممكن تتخيلي خياتك معاه بعد 5 سنوات كيف بتكون في حال رجعتو؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

يسلم قلبك دانة

بالضبط هالنقطة ما غابت عن بالي ابد
واني اتحمل هالعذاب العاطفي و لا اني اتورط اكثر معه خصوصا لو انجبت له
ساعدتيني بردك شكراً لك حبيبتي

__________________

الله يجبر بخاطرك على هالكلمات

ساعدتيني بردك شُكرا لك حبيبتي

__________________