قال تعالى : (( الصلح خير ))

استخيري
لكن انتي واجهتيه وركبتي سيارته
ورش الي صار
هل تتوقعين رساله وحده بتاثر عليه

اختي الكريمه
لازم تعرفين شي
ان درجة القبول والتسامح مختلفه من انسان عن انسان اخر
يعني ممكن انتي تقدرين تسامحين وتعيشين سعيده وتنسين اللي حصل بعد تعديل اخطاءك وطليقك يعدل من نفسه ويتوب
والاخوان والاخوات اللي نصحوك انك ماترجعين برضو معهم حق لانهم يشوفون ان الخيانه ماتغتفر
يعني لاتحددين رجوعك من عدمه بكلام احد انتي شوفي نفسك
اذا عندك استعداد تنسين وهذا شرط مهم وتبدين صفحه جديده معه جميل اقولك ارسلي له وتوكلي على الله
واذا انتي تشوفين انك ماتقدرين تنسين اللي حصل فـ ريحي نفسك وريحي طليقك وولدك من المشاكل ومصير الايام تنسيك حبه
بس انا من وجهة نظري
انك تعطين نفسك الفرصه الكافيه عشان تقررين بشكل صحيح وبدون اي تأثير من اي احد

هذا ما كنت اود قوله ....استخيري الله سبحانه.

__________________
أشهد أن لا إله إلا الله و أشهد أن محمدا رسول الله صلى الله عليه و سلم

اذا عندك استعداد وقبول انك تتعايشين وتشوفيه انك يخونك
ارسلي له...

__________________
(سيدة الموقف)
لم ننساك ونسأل الله ان تكوني أنتي وأولادك بخير

ام الغالي الله يخليه لك يارب

كنت مثلك اقول والله مستحيل اعيش مع غيره
ماتعرفي وشلون كنت اعشق هالانسان والى اي درجه وصلت من حبي له
كان يرجع اول سنوات زواجي من عشيقته قبل مايتزوج الثانيه كان يرجع من عند عشيقته ويتحمم عندي وعليه علامات برقبته وصدره كان هالشي اشوفة قدامي وكنت ساكته اقول يمكن يتعدل بيوم ولا اخسره
وش صار بعدها
تزوج وسكت
وظلم عيالي وسكت
تزوج الثالثه وحاولت اتعايش
وبالنهايه صار يهددني اخذ قرض يسدد ديونه اللي ع طليقته..
قمة الاستهتار فيني لانو انا رضيت ع نفسي فشي طبيعي هو بيعمل فيني كذا...
وشو استفدت من حبي
الا ضياع شبابي واثنين انا اللحين الام والاب لهم....


ليه بترجعي لحياه باهته
شو بيحدك؟؟

لاتقولي عشان ولدك
ولدك حيعيش ان شالله وبيجي يوم ينساه

مو اكثر من اولادي اللي كانوا يبكوا ويسألوا عنه وهلكوني اسأله ليه وليه؟؟ ...
مع الايام نسيوه والله ماصاروا حتى يذكروه
واذا جاء واخذهم.يروحواا ويرجعوا عادي جدا
الحمدلله عايشين...


ولد واحد والحياه قدامك...
تفائلي بالخير بيعوضك ربي ..


لاتهيني حالك وارضي بمكتوبك
واذا ربي اراد رجوعك وكان رجوعك فيه خير حيجيك بإذن لله من نفسو وكله ندم وشوق لك...

الصبر يااختي والدعاء وبإذن لله ربي ماراح يخيبك...

__________________
(سيدة الموقف)
لم ننساك ونسأل الله ان تكوني أنتي وأولادك بخير

رد في الصميم

............

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ام الغالي وجهه نظرها واضحه من زمان
تريد الصلح والعوده ومتعايشه مع الوضع
لكن هو هل يرغب باصلاح الامور
كذا مره يردها
هل نفستها ستتحمل صده من جديد
الله يكتب لك الخيره

ياليت كان سبب انفصالي خيانة و فقط

لكن اللي اقدر انصحك فيه استخيري قبل كل شي و خذي وقتك
وانتِ ادرى بمقدرتك على العفو

__________________

اول شي استخيري

وبعدين اتصلي

لاتدزين رساله

الصوت افضل مليون مره من الرساله المكتوبه

اذا رد معناته عنده قبول وتدربي على ماترغبين بقوله

اذا ما رد على الاتصال ، ممكن تعتذرين بعدين (برساله) ان الاطفال يلعبون بالهاتف والاتصال خطأ، وحفظتي كرامتكِ

__________________
اللهم ألهمني الرشد