^
ماشاء الله تبارك الله
الله يزيدكم من فضله
ويحميكم

هذا اللي اقوله
اذن مسبق مو طالعين مستأذن داخلين نستأذن كأننا في شقة مفروشه

اخشى ان كثرة مواضيع الاستئذان
وتشديد الاعضاء عليه
ومبالغه البعض برده فعلهم

دفعتك لاعادة حساباتك مع زوجتك

الاستئذان مطلوب حتى على الاقل يعرف زوجته وين ومتى ترجع
كذلك الزوج اذا بيروح مشوار يعلم زوجته ولا مانع ان يستأذن منها بالخروج ويسالها اذا محتاجه شي
الحياه الزوجيه اخذ وعطا ..
يعني ما نكون متشددين ولا نكون مرخين الحبل ع الاخر .. الوسطيه مطلوبه ..
والزوجه المفروض تراعي هذا الشي وما تطلع من بيتها لا بعلم زوجها مهمى كان المشوار بسيط ..
وله كامل الاحقيه بمنعها عن الخروج .. وهكذا تمشي الحياه ..
فــ من البدايه يا اخوي فهمها هذا الشي ... ان مالك طلعه بدون شوري وموافقتي ..

كانت الحرمه زمان ما تقدر تطلع شبر من البيت بدون زوجها ما يدري وكانت حياتهم تمام والكل عارف ان الرجال سيد البيت ونادرا لو تسمع حريم يروحو لاهلهم زعلانين او يطلقوا

اما دحين صارو يشوفو ان الحياة تغيرت وانتهى زمان سي السيد وصارت الحرمه تحط راسها براس زوجها ولو شد عليها شويه وفي حاجات ماهي عاجبته وتناسبه قالو متشدد وكتم حريتها ومتسلط
وشيل بعد كده حالات الزعل ووديني بيت اهلي وتبغى الطلاق
وللاسف قليل تلاقي الاهل يعلمو بنتهم قبل الزواج إيش يعني زواج وإيش حقوق الزوج وكيف تمسك بيتها
وفي المقابل برضه قليل تلاقي الأهل يعلمو ولدهم إيش يعني زواج وكيف يمسك بيته ويعرف حقوقه وحقوق زوجته وانه رجال البيت وقائد السفينة اللي يقود البيت كله ويحميهم ويحافظ عليهم ويكون اسرة ناجحة لانه كل واحد فيهم عرف قدره وحق الثاني عليه

حسافة راح زمن سي السيد مو؟؟
كانو مبسوطات الحريم😪لا حول و لا قوة الا بالله

انتو ليش ماخدين وضعية الاستاذ
أستاذ لو سمحت ابغى اشرب موية. أستاذ ممكن سؤال أستاذ ممكن اشوف ماما
اعطيها اذن مسبق للذهاب بيت اَهلها مع إرسال مسج بذلك
غيرها نعم مع حق عشان تتطمن
بس خف عليها ترى حق الاستئذان مو عشان حفظ هيبة الرجل او التسلط او كذا لازم و فرض يكون الرجل متعنت فيه
خلوكم مرنين. تراكم متزوجات بنساء بالغات فاهمات. طبعا الا اذا واحد متزوج سفيهة و خايف تهيم بالشوارع نقول معاه حق
غير كذا تراها شريكة حياة.مو طالبة سنة ثالث ابتدائي ج

__________________

الحرمه قبل ما تحترم زوجها المفروض تحترم نفسها وتعرف إيش الصح وإيش الغلط وإيش حقها وإيش حق زوجها عليها

لمن كانت في بيت ابوها ما تقدر تطلع الا بإذن ابوها ولو قالها لا يعني لا الا انها تحاول الين يأذن لها لانها تعيش في كنفه ولمن تروح بيت زوجها نفس الحال وهذا حقه لو قال لا يعني لا لانها تعيش في كنفه الا انها تحاول ويأذن لها
وحكاية شريكة حياته ماهي حجة عشان تسلبه حقوقه وقوامته عليها
لو كانت عايشه لوحدها ومسؤله عن نفسها هي حره تخرج تدخل زي ما تبغا لكن طالما في زوج معاها لازم تحترمه وما تخرج البقالة اللي جنبها الا لمن تقوله
لكن لو كان زوجها متساهل ومعطيها اذن عام وما عنده مشكله فهو حر وماصارت فيه مشكله

ونحن مانقول للازواج خليكم عنيفين ومتشددين واكتمو انفاس زواجتكم واحبسوهم في البيت هذا غلط لان المرونة مطلوبة واعطاءها مساحة من الحرية مطلوبة
لكن نقول كل واحد يعرف قدره ويحترم نفسه والحرمه العاقلة اللي بتحافظ على بيتها حتى لو زوجها مرة من المرات منعها وتعنت معها ومسكة في راسه تعديها له وما تخالفه عشان مصلحتها وبقائها في بيتها وبعدين بالسياسة تاخذ اللي تبغاه

اما دحين صارو بعض الحريم إذا ازواجهم قالو لهم لا يعتبروه يتحكم فيهم وانك انت ما اشتريتني والحياة شراكه وغيره من الشعارات اللي قاعده تهدم بيوت المتزوجين وتسمعو كل يوم حالات طلاق بالهبل لانه مافي رجال عارف كيف يمشي بيته ولا في حرمه عارفه كيف تصون بيتها

أنا اشوف تشدد الزوج في موضوع الاستئذان خطأ ونفس الشيء ترك الاستئذان من قبل الزوجة خطأ
خير الامور الوسط
وعندما تستأذن الزوجة من الزوج هو ليس اهانه لها بل يدل على الاحترام والتقدير الذي تكنه لزوجها وعندما يوافق الزوج ايضاً يدل الاحترام والتقدير والثقة بزوجته

معليش بس لحد يقارن الزوج بالأب !

اذا صرت بتنظر لها زي ماينظر لها ابوها بعين الرحمة والأبوة والمعزه والدلال والشفقة "والوفاااء بالغلا والمحبة" وركزوا عاللي بين قوسين ذاك الوقت تعالوا قارنوا ،،

انتوا تنظرون لها انها ندّ للأسف هي حاجة يابتشبعني وتناسبني ياببحث عن بديل يكملها يا بستغني عنها اصلاً وابحث عن بديل
وبعدين ترى رجال العصور السالفة أغلبهم سببوا لحريمهم عقد نفسية وطلعت عقد الحريم على عيالهم في المستقبل!

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

ولو احد قارن الزوجة بالام غضبوا !
الوالدين خط احمر يا جماعه