الم يفترض ان تضع هذا الامر في الحسبان ؟

موضوعي السابق ..

http://www.66n.com/forums/showthread.php?t=268612

نعم من المفترض ان تنتقل الحضانة لوالدتها ..

لكن لا ادري عن ظروف والدتها ولا عن حكم القاضي ولماذا حكم بهذا ..
بإختصار مالي شغل ..

صاحب الموضوع كان الله في عونك

لكن إرفق بها مسكينه

ممكن تعاونها و تساعدها إن أمكن ما تتخلا عنها كذا و ترفع يدك

أرأيت لو كان العكس أنت لديك أطفال من زوجة أخرى ألن تعد تعاونها معك في الحفاظ على أبناءك عندك من مكارم أخلاقها و حسن عشرتها وفقك الله ، ممكن تشوفومومن يتوصل للصلح

و لا تكبرون الموضوع بإذن الله ستتيسر

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

عليكم السلام ورحمة الله

حياك الله أخوي
في موضوعك السابق اغلب الاعضاء اسهبوا جداً في احتمالية اللي صار والآن فعلاً صار !
كلكم انت وهي كنتوا عارفين ان هالشي وارد جدا يصير لكن رغبتكم ثنينكم في الرجعه لبعض خلتكم تستبعدونه ! الآن واجبكم ثنينكم تتساعدون وتتجاوزون هالمشكلة

مافيه شي اسمه مالي دخل وهي واخوانها يتصرفون ؟
انت زوجها انت رجالها الآن تعرف يعني ايش رجالها اضعف الإيمان تواسيها نفسياً وتعطيها دفعات وامل !

اذكر اني سألتك بعد مارجعتها هل انت سامحتها وراضي تماما قلتلي المهم اني مو ندمان !؟
انت في داخلك لازلت زعلان منها شوي عشان كذا جرحتها بالكلام لما سمحت الفرصة ؟


انت تحبها وهي تحبك والظروف أجبرتها قبل انها تقسى عليك والظروف اجبرتك الآن تقسى عليها بس لازم تتصافون وتساعدون بعض


طيب بسألك : قد ذكرت ان طليقها يشتغل معك وانت أعلى منه رتبه ؟
هل تتواجهون ؟ وهل تحس انه يهابك ويحترمك ؟ مافي مجال ابد انك تكلمه وتتواصل معه يمكن ينحرج او يخاف منك !!

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

حياك اختي ..

بالطبع واسيتها يا اختي ..
لم استبعد هذه النقطة بل كنت متوقع من حدوثها ولهذا كنت متردد في مسألة ارجاعها لا اريد ان ادخل نفسي في هذه الدوامة ...

دعنا نتكلم بالعقل وليس بالعاطفة فعلا مالي دخل اخوانها ربما يتوصلون معه لحل يرضي الطرفين ..

اعلى منه رتبة هذا في العمل سلمكي الله وربما يخافني ويهابني هناك هل تريدين ان اظلمه واضغط عليه في العمل والوي ذراعه وربما افصله حتى يرجع اطفاله لامهم ؟

لماذا اضع نفسي في هذا الموقف المحرج قد اسمع منه رد لا يعجبني ويحصل مالا يحمد عقباه..
المشكلة فيها هي تبغى الزوج الي في راسها وتبغى العيال يجلسون معها وتبغى كل شيء لصالحها الدنيا مو على كيفها هداها الله ..

متى اتدخل ؟ في حال حرمها من رؤيتهم هنا راح يكون لي رد قوي ولا اظنه يستطيع ..

قولها تردد لاحول و لا قوة الله بالله
و راح تفرج ان شاء الله

فهمت الموضوع الان ...

والله اقولك هي من قلبي كنصيحه لا تجرحها ابدا في حاجات زي كدا والله الجرح الي مثل هدا مايروح ولا يتنسي حتى لو كان بلحظة غضب ..
الشي الثاني لاتقول مالي دخل .. صدقني لو وقفت معاها وخففت عنها وساعدتها ماراح تنسالك هيا طوول عمرها وانا اقولك طول عمرها ..
انت زوجها يعني انت شريكها في دي الحياه شاركها في همومها ومشاكلها مهما تعبت معاها لانك شريكها مو بس بالجسد ..

انا عندي ولد من طليقي وبعد زواجي من رجل اخر حصلت مشاكل وتعبت نفسيا وكنت بس ابكي لما افتكر ولدي وكانت نفسيتي جدا سيئه واشتاقله والله احساس الام صعب .. وكنت اتنرفز وابكي واخذت بعض الملابس القديمه له عندي وصوره كانت ايام سيئه ..

كانت حياتي مع زوجي حلوه بس هدا الشي كان معكرها
لكن والله وقف معايا وقفه ما انساها طول عمري ماقال مالي دخل وهذي مشاكلكم .. رحت لعدة محامين ورفعت قضيه على طليقي عشان اخذ زيارة ولدي وكان هو معايا من محامي لمحامي ويوم الجلسه في المحكمه هو الي راح معايا وتكلم مع القاضي وكان واقف معايا لاخر لحظه الين استلمت الصك .. وولا مرا حسسني انه متضايق مع اني كنت خجلانه واقوله ادري دخلتك في مشاكلي الخاصه ..
لكن كان رده ليا : لو ماتزوجتك ماكنت مريتي بهذه المشاكل ولاكنتي انحرمتي من ولدك ولازم اكون معاكي ..
حتى مبلغ المحامي اقترح انو هو الي يدفعها لكن انا رفضت ..

والان طليقي يجي بيتي بنفسه ويجيب الولد ويسلم على زوجي ويديه الولد واي شي جديد الاتفاق والتفاهم بينهم .. >> طول ما انت راضي ومقتنع وتحب زوجتك راح تشوف ان الي تسويه لها شي تستاهله

لكن الى الان ما انساها كل ما اشوف ولدي افتكر انه هو الي وقف معايا وادعيله ..

كل ما تضايقت كلمه حلوه منك تصبرها وحضن يحسسها بالأمان راح ترتاح وقتها وتهدأ
وتصبر ..
واقترح عليها موضوع الزياره اذا ماكانت تشوفهم .. وممكن تسعى للحضانه الان المحاكم صارو مع الام اكثر .. اوقف معاها وقفففة تخليها ماتنساها لك طول عمرها ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

لا ابد حاش لله اني أقصد انك تظلمه ومعاذ الله اني ادعو للإفتراء والظلم
بس دائماً مديري اللي أعلى مني منصب بحكم السلطة بحترمه وبخاف منه وبتحاشاه هذا اللي اقصده ..
لو كلمته بإسلوب رسمي وكلام مقتضب يمكن يخاف منك ويتساهل في الموضوع بس فعلاً ماتنضمن ردة فعله الخوف انه يتجاوز عليك وما اعتقد وقتها انك بتسكت ..


ترى انا افكر معك بصوت عالي واغلب اللي اقوله احتمالات وحلول ومو شرط كلها قد تكون مجدية
هي مسكينة وتكسر الخاطر وأنت بعد أُقحمت في هالمعمعه بس لازم تبذل جهدك وتحتوي المشكلة معها حتى لو من باب المروءه والشهامه


طيب سؤال بأمانه .. هل حبيت عيالها ؟

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

‎‏ اي استفسار عن حذف او تعديل يكون في اقسام المراسلة الخاصة بالمنتدى

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي