السلام عليكم ..

بدخل بالموضوع على طول ..
زوجي ضربني للمره الثانيه كف على وجهي ودفني من الغرفه لين باب الشقه وطيحني على السيراميك بقوه وانجرحت ركبتي جرح قوي ماتحملت كلامه اللي يقهر و ضربه لي قمت صارخت وجو اهلي وقام ينافخ على ابوي يعلي صوته ويرادده بدون اي حيا رغم انه خاله ..

انا لي شهر واسبوع عند اهلي ولا قدم اي اعتذار انا ما ابيه يعتذر لي يعتذر لابوي على الاقل والله قاهررني ..

انا مقرره الطلاق ومابعد هالقرار رجعه لكن بقلبي كلام وياليت الرجال يردون علي ..

اذا كان الرجل مو قد الزواج ولا قد المسؤليه ليييش يتزوج ايش ذنب بنت الناس تصير مطلقه عشان شخص بايع الدنيا ومافرقت معاه شخص تفكيره تعبان شخص عنصري ضد النساء ؟؟

ايش ذنبي الحين تروح مني فرصه زواج لاني ارتبطت بشخص غير سوي 💔؟

وبعدها بكل برود يروح يتزوج وماعابه شيء والله شيء يقهر حسبي الله ونعم الوكيل على كل شخص ياخذ بنت الناس اذا كان عارف نفسه كذا .


تم تعديل العنوان ليتناسب مع المضمون

الرزاق هو الله ، يعطي لمن طلب ، و لا ينظر لوجه او لون او شكل ، انما هو كريم جواد ، اما و ان كنت مظلومة ، فالعطاء اكبر ، و سوء ظنك في الله هو المشكلة العظمى اختي الكريمة ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لك مني الدعاء ياحبيبتي الله يجبرك ويعوضك ويبرد قلبك 💙👍🏼.

[align=center]السلام عليكم ,,


الأخت الكريمة ,,

لعل الخير يكمن في الشر ,, لم تذهب فرصة الزواج ,,

عوضك الله من هو خير منه ,,

ورزقك الله الصبر الجميل ,,


,,[/align]

__________________

الله يجبر بخاطرك
كثير تطلقو وتزوجو مره ثانيه وثالثه

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

تصالحي مع زوجك واصبري ترى الكل بيمشي ويتركك بعد الطلاق بيتعاطفون معاك بالبدايه وبعدها بتكونين نسياً منسيا ،..

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ياليت تشرحي سبب ضربه لك

__________________

طعنة العدو تدمي الجسد،وطعنة الحبيب تدمي القلب

كل واحد عند نفسه سوي ،، لكن انتم ليش ماسألتوا زين عنه وعن تصرفاتة واخلاقة ،، على العموم لا تستعجلي على الطلاق ،، لان العنف الي يصدر من زوجك ممكن علاجة وتقويمة لكن يحتاج صبر ،، وخبرينا عن سبب ضربة لك بحيادية ،، رغم ان الضرب ماله مبرر لكن لتتضح الصورة .

شكرا لكل من دعي لكم بمثلها يارب ❤.

المتواضع ليش كلامك كذا سلبي ؟ ماتدري قد ايش كلامك اثر فيني فوق ما انا متأثره و احزنني .. بعضكم يلقي كلام مايدري ايش ممكن يسوي بالاشخاص الله يسامحك .


اما عن سبب ضربه لي كان بدون سبب جاء اخر الليل وانا ارضع بنتي وانسدح على السرير وطول الوقت يقول اللهم اجرني في مصيبتي و اخلف لي خير منها يقول بنفاخ وصوت عالي و يتأفف ويدور مشاكل انا ما اعطيته وجه نومت البنت ورحت الصاله على اذان الفجر جاني وانا منسدحه في الصاله تعبانه مسخنه يقول تررا انا بتزوج الثانيه والله غير اتزوج اذا الله يسرها علي بدون اي سببب جاء يتكلم وينافخ طبعا كلامه عذا كله بنفخه قلت تزوج ماني سأله عنك وقام يبربر فوق راسي ويعصب وانا نفذ صبري وانا طابت نفسي وكله بعصبيه وبدون سبب جالس يتكلم وقال اذا تبغين الطلاق روحي المحكمه انا خلاص اعصابي فارت قلت تزوج ماني باكيه وراك وانا اتزوج اللي يعشني ملكه ان شاء الله واذا تبغا اروح المحكمه الحين اطلع بيت اهلي ورحت لبست عبايتي بخرج رغم انو مو اول مرا يقولي روحي المحكمه اذا تبغين الطلاق وكنت اصبر واسكت لكن هالمرا ماقدرت اهانني بزياده ولما جيت باخذ البنت سبقني واخذها وقال تحلمين ماتطولينا قلت ترا مالها ذنب قال تحلمين فيها قلت ترا انا مو مسامحتك لا دنيا ولا اخره ( لانه شك فيني كثير وظلمني كثير وانا ساكته ) قال وانا ماني راضي لو تطلعين من البيت قلت ما اجلس عندك وانت تذلني نقز من فوق السرير وضربني كف وقام يدفني كأني رجال مو انثى دفني لين طحت بقوه على السيراميك وبعدها صارخت وصار اللي صار

تبين تتطلقين ؟

__________________

حاجة الناس إليكم من نعم الله عليكم ، فـ لا تملوا النِعم ☁✨