ما امدانى ارد على كل شخص على حده لكن رد عام اوضح فيه اللى صار ..
انا اعتذرت منه برساله و قلت انه الصوره قديمة وماتعنى لى شيء و نسيت موضوعها
حتى ماطالعت فيها وهى معلقه ضمن صوري لان انا حاطه صورتى بعد
فما اركز بصورته < حسيت انى ماني عارفه كيف ابرر له جد
رد قال ااها قديمة واللى بالجوال طيب قديمة بعد ؟ الجوال جديد ماصار له الا سنة
كيف قديمة ؟ قلت والله ماتعنى لي شي و بالمنطق هذا شخص عام فما يعنيني بذاته .
قال ايه وااضح ..
بعدها بيوم كذا ارسلت له اصبح عليه قرا الرساله مارد ..
رجعت اساله بتمرنى اليوم مارد .. سكت و ماتواصلت معه قلت بيرحع مايصبر
العصر جاء السواق حقهم و عطانى الجوال الجديد < نفس جوالى بس اللون غير لان اصلا اخر شي نزل
ارسلت له اشكره على الجوال قرا و طنش ..
( هو لو مايقراها اهووون لكن يقرأ و يطنش يتجاهلنى يعنى كذا ماتحمل جد )
ليله العيد توقعت يجى و صرفت ميزانية بس خسارتها ^_^ كنت بعزمه انا بس كبريائي منعنى
صباح العيد قلت يمكن ربي يهديه < اول مره يسحب علي كذا
ارسلت له اعيد عليه وقراها و طنششش .. جاء اخوي الصباح و قال شفت ابراهيم
عند ابوي و يمدح فيه انا سكت بالعاده ان مان بيروح له يقولي بس هالمره لا
وتعيد ابوي وانا طيب !! متجاهلني لييش !!
كل هذا زعل ؟

نعم يا عزيزتي ،،، انه نوع من انواع زعل الرجل ،، واهلا بك في عالم الرجال

واسمحي لي اقول لك نصيحة ،، الرجال يختلفون عنا كثيرا ،، اراك تكثرين الاستغراب من تصرفات خطيبك ،، طولي بالك وتقبليه بكل حالاته حتى بحالات زعله ،، مو كل شيء يمشي مثل ما تتمنين !!

انت للحين اشوفك لا مستوعبة قد ايش فعلك يزعل زوجك ،، ولا حتى مقدره انه زعلان ،، زعلتي على جوال انكسر ،، وعلى الشخص اللي اهداك بزعل اذا شاف الجوال مكسور ،، وعلى كشخة العيد ،، وعلى انه طنشك وانت ما تحبين احد يطنشك ،، وما زعلتي على زعل زوجك ،، !!

اختى ام سهل انا مقدره زعله والله و استغرابي انه من صورره مو شي واقعي
اللى اعرفه ان الرجل عادة تفكيره منطقي بس اشوفه الان عكس .!
لو كنت حطيتها ببيته من حقه يزعل كل هذا الزعل واكثر ..
ايش المطلوب مني اسويه الان ؟ بحكم انى قدرت زعله ؟
اعتذرت و عنادت نفسي كم مره .
ايش الخطوة الثانيه الان ؟ غير الاعتذار لان مانفع .

بخصوص الجوال الهدية فعلا زعلت عليه مو لانه غالى او لانه هديه
كثير ركزتم على هذى النقطه .
زعلت لان الشخص اللى اهدانى اياها فوق ميزانيته و تكلف كثييير فيها
وجابها لي كمفاجاه .. وبكل غرور هو يكسرها ! او غيرة .

ما عندي خطة سريعة عشان تراضي زوجك ،، كل رجل له نمط في الزعل ،، ويتقبل نمط معين في الاعتذار ،، وايضا مو سهل عليك تعرفينه من اول مرة
وفيه حديث للرسول ﷺ وان كان ضعيفا عند البعض الا انه فيه توضيح اربع انماط من الزعل
(سريع الغضب سريع الفيء ، سريع الغضب بطيء الفيء ، بطيء الغضب سريع الفيء ،، وبطيء الغضب بطيء الفيء) الفيء يعني الرضا
بطيءالفيء ياخذ وقت طويل الى ما يرضى ،، وممكن عنده اعتذار مرة وحدة منك صادق يكفيه ،، لكن هو يحتاج وقت الى ما يرضى مع نفسه ،، مثل هذا الشيء تخلينه ولا تضغطين عليه ،، ومتى ما شفتيه رجع لا تلومينه ليش كذا عاملك وليش ما اعطاك وجه في العيد ،، فقط بيني له انك اشتقي له وانسي كل اللي صار

فيه رجال يحتاج اعتذار متكرر منك حتى يقتنع انه انت ندمانة

هذه مهمتك تفهمين طريقة زعل زوجك ،، ممكن تسالين اخواته بطريقة مرحة كيف زعله وايش يرضيه ،،

انا اشوف انك طالما اعتذرتي خلاص خليك طبيعي وهوا فترة وراح يرجع يكلمك بس حسسيه انك فعلاً معترفة بغلطك وماراح تكرر ويرجع يشوف صور لهذا الشخص مره ثانية ، شخصية زوجك شكلها نفس شخصية زوجي اذا غلطت واعتذرت منه مهما ارسل مهما اعتذر مايرجع يكلمني بسهووله عكسي انا بسرررعه ارضى فطولي بالك انتي ..

مشكوره ام سهل بخليه يرضى من نفسه ..

لا خلاص ماراح ارجع اعتذر عن شي ماينفع الاعتذارات الظاهر معه ..

قلب الطاولة عليكِ
و صار هو الزعلان

صح قلبها علي و سوى فيها زعلان ..!
يمكن غلطت باعتذاري له .

الاعتذار مو خطأ
لكنه غير مناسب في هذا الموقف