عن الجمال سألونى (1) - منتدى عالم الأسرة والمجتمع

24-09-2005, 07:09 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

عن الجمال سألونى (1)

عن الجمال سألوني، قلت ده صنع حَلَواني

و عن بنت بلدي سألوني، قلت لأ دي جمالها رباني

بنت بلدي العربية جميله بطبيعتها، بسّ احنا عارفين كويّس إنه فيه أسباب دَخِيله بتأثّر على الجمال ده، يعني زيّ التلوث، خنقة المواصلات والحاجات دي اللى بتعمل من فينوس شيتا. لكن رغم كل ده بنت بلدي الجميلة لا يمكن تتخلّى عن إصرارها على الحفاظ على جمالها، وعلشان كده هاعمل حلقات أحاول أساعدِك على الحفاظ على جمالك.
كنت عايزة تعرفي طبيعة ونوع بشرتك، أو لو كنت عايزة تعرفي انت مهتمه بها أساساً ولاّ لأ، جاوبي على الاختبار الذّكي لبشرتك...

الاختبار الذكي للبشرة

• إِيه لون وطبيعة بشرتك؟

• أ‌- بشرتي لونها وملمسها واحد.

• ب‌- بشرتي فيها بُقَع وملمسها بيختلف من مكان لمكان.

• ج‌- بشرتي صافية وملمسها ناعم.

• على بعد قد إيه من المراية بتشوفي مسامّ وشّك بوضوح؟

• أ‌- باشوف مسامّ وشّي بوضوح والمراية على بعد 15 سم.

• ب‌- باشوف مسامّ وشّي بوضوح لما باقرّب المراية جداً من وِشّي.

• ج‌- باشوف مسامّ وشّي بوضوح لمّا أبعد المراية نُصّ متر عن وشّي.

• بشرتك بتُصاب بالبقع كتير؟

• أ‌- بشرتي بتصاب بالبقع أحيانا.

• ب‌- بشرتي مش بتُصاب بالبقع خالص.

• ج‌- بشرتي بتصاب بالبقع كتير.

• عندك كام سنة؟

• أ‌- سنّي من 15-20 سنة.

• ب‌- سنّي من 20-25 سنة.

• ج‌- سنّي 25 سنة أو أكثر.

• بتقابلي مشاكل في الماكياج؟

• أ‌- باقابل مشاكل في الماكياج أحياناً في الصيف، بس ما فيش مشاكل في الشّتا.

• ب‌- مش باقابل مشاكل في المكياج.

• ج‌- باقابل مشاكل في المكياج كتير.

• لما تتعرّضي للشمس...:

• أ‌- أبعد الشمس عن وشّي بأيّ شكل.

• ب‌- أستعمل نفس السائل إللي باستخدمه لجسمي.

• ج‌- أسيب وشّي مُعرَّض للشمس لأنها مفيدة.

• أوصفي برنامجك اليومي لبشرتك؟

• أ‌- برنامجي منتظم: أنظّف وشّي وأحطّ كريمات الأساس والترطيب مرتين في اليوم.

• ب‌- برنامجي يتلخّص في أنّي أعمل ماكياج كامل كل يوم.

• ج‌- معنديش برنامج أساساً.

• حسيتي من إمتى إن طبيعة بشرتك بتتغير؟

• أ‌- من شهر.

• ب‌- من سنة .

• ج‌- بشرتي ما اتغيّرتش.

• كام مرّة بتستعملي الماسك الْمُزيل للجلد الميّت؟

• أ‌- مره أو مرتين في الأسبوع.

• ب‌- كل ما جلدي لونه يتغير.

• ج‌- مش باستعمله
.
في الأسئلة من 1 – 6:

• لو كانت أغلب إجاباتك بـ (أ) تبقى بشرتك عادية.

• لو كانت أغلب إجاباتك بـ (ب) تبقى بشرتك جافّه.

• لو كانت أغلب إجاباتك بـ (ج) تبقى بشرتك دهنية.

• لو كانت إجاباتك بتختلف بين (أ)، (ب) و(ج) تبقى بشرتك مركَّبة.

في الأسئلة من 7 - 9

• لو كانت أغلب إجاباتك بـ (أ) تبقي بتهتمّي ببشرتك.

• لو كانت أغلب إجاباتك بـ (ب) و(ج) تبقي مش بتهتمي ببشرتك بشكل كويّس

__________________

التعديل الأخير تم بواسطة princees ; 24-09-2005 الساعة 07:19 PM

24-09-2005, 07:12 PM

احلى غرام

قلب المنتدى النابض

تاريخ التسجيل: Aug 2005

المشاركات: 1,979

مشكور اخي الفاضل على الافاده
جزاك الله الف خير

الأخت الكريمة،
الصورة المرفقة مخالفة و تكرارها يسبب وقف العضوية

__________________

التعديل الأخير تم بواسطة Reemona ; 24-09-2005 الساعة 10:04 PM

24-09-2005, 07:23 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

بعد ما تعرفت على نوع ومدى اهتمامك ببشرتك، تعالي نتعرّف على وصف بشرتك وإيه اللي ممكن تعمليه علشان تفضل بشرتك نضره وجميلة!

البشرة وأنواعها

• البشرة الدهنية :

عارفة إنها معاناة إن بشرتك تكون دهنيّة؛ بتحسّي إن على وشّك برطمان سمن بلدي، ويا سلام في الصيف والشمس طالعه ومركَّزه عليكي كأنها طالعالك مخصوص! واللا حَبّ الشباب والرؤوس السوداء واللا... واللا...! حاقولّك إيه ولاّ إيه؟! فعلاً معاناة... كفايه اكتئاب بقى لأن فيه حلّ لده، كلّه فْ خطوات بسيطة:

• اغسلي وشك على الأقل 3 مرات يومياً بماء دافىء وصابون.

• حمام بخار مهم جداّ والمداومة عليه شيء أهمّ لأنه حيساعدك تتخلصي من الرؤوس السوداء.

• عصير اللّيمون له تأثير رائع لقبض مسام الجلد ومنع تراكم الدهون الزائدة، وده معناه إنك تحطى القليل من عصير الليمون علي وشّك مرة كل يومين.

• البشرة الجافة:

برضُه مُعاناة !!! تلاقي وشّك خشن وبيحرقك، وساعات يقشّف وحاجة تخنق. والمشكلة الأكبر كمان إن البشرة دي مرعبة! بمعنى إنك لو استخدمت مكياج مش مناسب جلدك ح يلتهب وممكن ندخل في علاج ومستشفيات وقلق! إيه الأخبار ؟ أخدتي جرعة الكآبة؟ برضه ماتقلقيش؛ فيه حل:

• اغسلي وشّك بماء بارد ، وبلاش الماء الدافىء.

• استخدمي صابون فيه زيوت طبيعية زيّ زيت الزيتون، والمنظفات والكريمات والسوائل اللي بيدخل اللبن في تركيبها.

• اشربي أكبر قدر ممكن من الماء طول اليوم

البشرة العادية:

يا سعدها يا هناها اللي بشرتها عاديّة! اللهم لا حسد ولا قَرّ ! (دا بَسّ حِقْد) !!! صاحبة البشرة العادية مش بتحتاج تعمل حاجات كتير لبشرتها، بس لازم تأخد بالها إن بشرتها دايماً مهدَّدة بالتحول لبشرة جافة في حالة تكرار غسل البشرة بالماء والصابون.

• كفاية تغسلي بشرتك بالماء والصابون مرتين يومياً، الصبح وبالليل

البشرة المركَّبة:

النوع ده من البشرة مش معاناة بس، ده مأساة! لأنك بتلاقي أجزاء من بشرتك جافة و أجزاء تانية دهنيّة ، وبالتالي بيبقى اهتمامك بدل الاهتمام اتنين، يعني صراحة ربّنا يعينك... على فكرة ، برضه عندي حلّ:

• لما تيجي تغسلي بشرتك ركّزي على المناطق الدهنيّة أكثر من المناطق الجافة.

• ممكن تحطّي القليل من عصير الليمون على المناطق الدهنيّة.

• وعلي العكس ممكن تستخدمي المرطّبات علي المناطق الجافة.

__________________

24-09-2005, 07:34 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

الف وصفة ووصفة

[mark="0000FF"]الليلة الاولى[/mark]

على شطّ البحر الهادي، وفي يوم كان القمر بدر شادي، كانت عبير زيّ كل يوم قاعدة لوحدها، هيمانه وزعلانة !!!

بعد شوية وقف جنبها طير جميل، اللي بتسميه زائر الليل. بصت له عبير وقالت له: "آه يا طير البراري، يا موضع أسراري... يا ترى معندكش حلّ لمشكلتي؟"، وفجأة لقت الطير الصغيّر بيتحوّل لشيء كبير، ولقت الطير بقى حُورِيّة جميلة، الليل لشعرها امتداد، ولما شاف القمر عيونها أعلن الحداد.
عبير كانت مذهولة، من الحسناء صاحبة الرموش المهولة. بصت ناحيتها الحورية وقالت: "تعالي يا عبير ، ماتخافيش، أنا فينوس ملكة الجمال، أنا هنا علشان أخلّي أحلامك كلها حقيقة."

عبير: "الحقيقة الوحيده اللي نفسي فيها إني أكون أجمل بكتير علشان ألفت نظر سمير! تقدري تخلّي حلمي ده حقيقة ؟!
شعري، ضعيف وبيتقصّف، وبييجي عليه أوقات بيُقع ويتكسّر، وجرّبت كل الأدوية والعلاجات الطبّيّة، لكن مافيش فايدة، .آآآه لو... لو شعري كان زيّ شعرِك!"
فينوس: لو عايزة شعرك يكون حرير، مع نسمات الهوا يطير، نفّذي اللي هاقولّك عليه. في أول ليلة هاوصف لك وصف يخلّي شعرك كثيف وناعم
وطويييييييييل. أنا عندي ثلاث وصفات لك!

الوصفة الأولى:
بعد ما تغسلي شعرك بالشامبو اخلطي 3 ملاعق كبيرة زبادي مع بيضة واحدة وحطّيه على شعرك بدءاً من الجذور لغاية الأطراف، وسيبيه 5 أو 10 دقائق، وبعدين اشطفيه بماء بارد ، كويّس قوي.

الوصفة الثاني
حُطّي ملعقة كبيرة من خَلّ التفاح على كُوبين ماء دافىء وْحُطّيهم على شعرك بعد ما تغسليه. كرري العملية دي مرّة كل أسبوع.

أمّا الوصفة الثالثة:
امزجي بيضة أو بيضتين مضروبين كويّس وملعقة كبيرة من الجلسرين وملعقة صغيرة من زيت الخروع، وأخيرا ملعقة صغيّرة من اللوز الحلو. اخلطي المقادير دي مع بعضها ودلّكي بيهم شعرك وسيبيه لمدة 10 دقائق. بعد كده اغسلي شعرك بنص فنجان من خلّ التفاح لكل لتر ماء.

عبير: " أنا شعري خفيف ونفسي يتقل ويبقى كثيف!"

فينوس: "عندي أربع طرق مختلفة تخلي شعرك أتقل منّه مافيش.

الطريقه الأولى:
حطي مقدار ملعقة خلّ مع 7 ملاعق من الماء في زجاجة وْرُجّيها كويس، وبعد ما تغسلي شعرك بالشامبو والبلسم حُطّي الخليط ده على رأسك وسيبيه من 3 لـ 5 دقايق، بعد كده اشطفيه كويّس.

الطريقه الثانية:
اخلطي ملعقة عسل أبيض مع بياض بيضة (لو شعرك دهني) أو صفار بيضة (لو شعرك جافّ أو عادي) مع ملعقة كبيرة من زيت الزيتون، ودلّكي بيهم شعرك لمدة نُصّ ساعة، وبعدين اشطفيه. كرري العملية دي مرة كل أسبوع، هتْحِسّي بالفرق...

الطريقه الثالثة:
ادهني شعرك من الجذور بزيت الخروع (ده مفيد جدّاً للشَّعر)، وبعد كده لفّيه بفوطه مبلولة بْمَاء ساخن وْسِيبِيه لمدة ساعة، وبعدها اغسلي شعرك. كرري العملية دي قبل كل حمام...

الطريقة الرابعة:
اخلطي 3 ملاعق خميرة فورية مع كُوب من زيت جوز الهند وسيبيه على شعرك مدة ساعتين، وبعدين اغسليه."

عبير: طب لو أنا عايزه........"

فينوس: عبير، لقد أدركَنا الصباح... وبدأ الديك في الصياح... ولنا لقاء في الغد إن شاء الفتاح." وسكتت فينوس عن الوصف المباح...

إلــى اللقـــاء فـــي الليلـــة القادمـــة.

__________________

24-09-2005, 07:38 PM

ملاااك

كبار شخصيات المنتدى

تاريخ التسجيل: Mar 2005

المشاركات: 3,176

موضوع رائع
شكرا لك
الله يعطيك العافية

24-09-2005, 10:21 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة ملاااك

موضوع رائع
شكرا لك
الله يعطيك العافية

يعافيك
اشكرك على مرورك الكريم
مع تحياتى

__________________

26-09-2005, 12:53 AM

همسـ

عضو المنتدى الفخري

تاريخ التسجيل: May 2004

المشاركات: 8,902

موضوع رااااااائع

ويستحق التثبيت

الف شكر

__________________

•(≈• سُبْحَانَڪِِ اللَّهُمَّ وَبِحَمْدِڪِِ.أَشْهَدُأَن ْلاَإِلَهَ إِلاَّأَنْتَ.أَسْتَغْفِرُڪِِ وَأَتُو بُ إِلَيْڪِِ •≈)•

26-09-2005, 01:17 AM

*جواهر اللؤلؤ*

عضو مميز ومثالي

تاريخ التسجيل: Aug 2005

المشاركات: 232

[grade="FF4500 4B0082 0000FF 000000 F4A460"] جزاك الله خيرا على هذه المعلومات

ونحن في انتظار المزيد

جواهراللؤلؤ[/B][/grade]

26-09-2005, 10:38 PM

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة مسموسي

موضوع رااااااائع

ويستحق التثبيت

الف شكر

اشكرك مشرفتنا الفاضلة على تثبيت الموضوع وعلى مجهودك فى المنتدى
مع تحياتى

__________________

26-09-2005, 10:39 PM

#10

princees

من كبار شخصيات المنتدى

تاريخ التسجيل: Mar 2005

المشاركات: 2,815

اقتباس:

المشاركة الأصلية كتبت بواسطة *جواهر اللؤلؤ*

[grade="FF4500 4B0082 0000FF 000000 F4A460"] جزاك الله خيرا على هذه المعلومات

ونحن في انتظار المزيد

جواهراللؤلؤ[/B][/grade]

جزانا الله واياك
اشكرك على مرورك الكريم
مع تحياتى

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه