أخي elprnc777 إن شاءالله والله يقدرني وشكرا ً لمرورك الكريم..

اختي J_N اعذريني النكنيم مو واضح وماشفت توقيعك ..الآن شفته والله يخلصك بالسلامة إنتي ومولودك إن شاءالله ..تحياتي لك ِ

هلا أختي دوت ((لانها مهما كانت هذي امه و مو معقوله يزعلها عشانك....ومهما حماتك سوت شي غلط زوجك راح يشوف انه عادي لانها امه.....))
أختي الكريمة أنا لاأريده أن يغضب والدته لأجلي..إنما كل ما أريده أن تتكرني في حال سبيلي فقط والله ِ لاأريد أكثر من هذا!!! أما بالنسبة أنه مارح يعترف بغلط امه فهذا شيء طبيعي ولأني أعرف هالشي خليته يعترف بدون مايحس فقبل ما اخبره بهذا الموضوع قلتله الموقف إني قريته بالمنتدى وفي زوجة تشتكي من حماتها انها تنبش بزبالتها (كرمكم الله) ..وطلبت رأيه علشان أكتبه بالمنتدى ..فهل تعرفي ماذا قال ..قال هذهِ مجنونة(يقصد الحمايه) ثم سكت فتره وحس أنه هذا تصرف أمه لانه يعرفها جيدا فضحك وقالي عادي وإذا .. وبدت الترقيعات المهم بداخله يعرف وأعترف بكل راحة
وصدقتي اني تاعبه نفسي على الفاضي ..وهذا مادعاني لطرح مشكلتي هنا لأني ماقدرت أسيطر على نفسي لانه مواقفها استفزازيه .. وشكرا ً لمرورك الكريم.. وبالفعل حلول الاخ أبو عبدالله موتتني ضحك لانها كانت غريبه وماخطرت على بالي نهائيا .

ابنتي silver sea بصراحة انا عشت هذي المشاكل مع حماتي وبدعت في حماتي وللحين احنا معروفين بالمقالب بس مو معنى هذا اني خسرتها
بالعكس
في هذي الصيفية سفرتها معاي مرتين ، المرة الاولى كانت سياحة وفي المرة الثانية وديتها علاج بالخارج(طبعا على حسابها) تعالج نفسها من المقالب اللي سويتها فيها بس طبعا لما رجعنا من السفر دارت على ام عبدالله وهات ياحش فيني
حسبالكم تأثرت
أبدا
اخذت الموضوع بصدر رحب وللحين اضحك ( انا وكل العائلة )
طنش تعش تنتعش
حولي الموضوع الى فكاهه واذا شفتيها تعلب بالزبالة خليها تسمع صوتج من داخل البيت بأن القطط تلعب بالزبالة وان القاذورات تسبب الامراض ولا زم اربعين ابرة في البطن خوفا من الامراض
لازم تصيرين كاتبة ومخرجة مسلسلات فكاهية وبتشوفين حماتك تتحرص انها ماتعرض نفسها لمواقف تكونين طرف فيها

بالنسبة لقناة الجزيرة ( تعلمي تغيرين برمجة الرسيفر وامحي قناة الجزيرة وخلي مكانها قناة الموسيقى او طرب )
والسلام ختام

الله يعينك