المقادير:

كيلو تين.
‏ كيلو سكر سنترفيش.
عصير ليمونة.
ربع معلقة صغيرة مسحوق قرنفل.

الطريقة‏:‏

1- أحضري التين واغسليه وقطعيه إلى قطع صغيرة وحطيه في طبق صيني على هيئة طبقات وبين كل طبقة وطبقة ضعي سكر.

2- اتركيه فترة تتراوح من 2 إلى 3 ساعات لغاية ما يخرج كمية المياه اللي موجودة فيه.

3- بعد كده حطيه على نار هادئة مع التقليب لغاية ما تلاقي السكر اللي فيه ذاب خالص.

4- بعد كده ضيفي إليه عصير الليمون وسيبيه على النار لغاية ما يتعقد مع إضافة القرنفل المطحون إليه. وزي ما اتفقنا إنك تشيلي الريم أولا بأول.

5- لما تلاقي المربى استوت شيليها من على النار وسيبيها لغاية ما تبرد وبعد كده عبيها في البرطمانات ودخليها التلاجة.

[line]

المقادير

كيلو جوافة.. كيلو سكر سنترفيش حوالي (3 أكواب كبيرة)
ربع كوب مياه.
2معلقة كبيرة عصير ليمون.

الطريقة

1. اغسلي الجوافة وقطعيها شرائح.

2. بعد كده حطيها على النار هادئة لغاية ما تلاقي إنها بدأت تلين، شيليها من على النار وسيبيها لغاية ما تبرد.

3. وعلشان تتخلصي من البذور اللي في الجوافة صفي الجوافة في مصفاة بس خلي بالك إن المصفاة تكون ذات ثقوب ضيقة.


4. ضيفي السكر إلى ماء السلق والجوافة وحطيها على النار هادئة مع التقليب المستمر لغاية ما يذوب السكر.


5. ضيفي إليها عصير الليمون مع استمرار التقليب لمدة 5 دقائق ونزع الريم اللي بيتكون أولا باول.

6. لما تلاقيها استوت شيلها من على النار وسيبيها لغاية ما تبرد وحطيها في البرطمان اللي إنت مجهزاه زي ما اتفقنا واحفظيها في الثلاجة.

ملحوظة: كيلو الجوافة بعد ما يتسلق ويتصفى هيبقى ثلاثة أرباع.

[line]

المقادير

كيلو بلح سماني.
كيلو سكر سنترفيش.
عصير ليمونة كبيرة.
على حسب الطلب (قرنفل ولوز مقشر للحشو).


الطريقة

1. اسلقي البلح وقشريه وشيلي منه النوى.

2. احشي كل حبة بلح نصف لوزة مقشرة أو حبة قرنفل.

3. يضاف السكر إلى مياه السلق وسيبيه شوية على النار مع التقليب لغاية ما يدوب السكر ثم ضيفي إليها عصير الليمونة وإنت بتقلبي.. زي ما اتفقنا شيلي الريم أولا بأول.

4. عند بدء المحلول السكري السابق بالغليان حطي البلح.

5. بعد كده سيبي المربى تغلي على النار لغاية ما يتحول لون المحلول السكري إلى لون أحمر غامق ويبقى سميك القوام بس خلي بالك إنك تنزعي الريم أولا بأول.

6. لما تلاقي المربى استوت شيليها من على النار وسيبيها لغاية ما تبرد وحطيها في البرطمان اللي إنت مجهزاه زي ما اتفقنا واحفظيها في الثلاجة.

[line]

المقادير

نصف كيلو برتقال.
6 أكواب سكر.
2 عصير ليمون.


الطريقة

1. اغسلي البرتقال واسلقيه لمدة 10 دقائق. وبعد كده اتخلصي من مياه السلق علشان تتخلصي من مرارة قشر البرتقال.


2. اغلي البرتقال من جديد باستخدام مياه جديدة وسيبيه لغاية ما يستوي وبعد كده شيليه من مياه السلق بس المرة دي احتفظي بمياه السلق.

3. قطعي البرتقال إلى 4 أجزاء وإنت بتقطعيه انزعي منه البذور.


4. افرمي البرتقال بمفرمة اللحمة وبعد فرمه ضيفي إليه 4 كوبايات من مياه السلق اللي إنت محتفظة بيها.

5. ضيفي إلى الخليط السابق السكر وضعيه على نار هادئة مع التقليب المستمر لغاية ما يدوب السكر.

6. ضيفي إليه عصير الليمون وارفعي درجة حرارة النار مع التقليب المستمر ونزع الريم أولا بأول.

7. بعد ما تلاقي المربى استوت شيليها من على النار وعبيها في برطمان.

[line]


المقادير:

كيلو برتقال بسرة.
كيلو يوسفي.
كيلو سكر.
معلقة صغيرة سكر.


الطريقة:

1. اسلقي البرتقال واليوسفي لمدة 10 دقائق وبعد كده اتخلصي من مياه السلق علشان تتخلصي من مرارة قشر البرتقال واليوسفي.

2. يعاد بعد ذلك سلقه بماء جديد ثم يصفى وتنزع البذور والأعناق.

3. بعد كده افرميه بس خلّي بالك من إنك تحتفظي بالسائل الناتج عن الفرم.


4. ضيفي إلى السائل الناتج عن عملية الفرم السكر واتركيه على نار هادئة مع التقليب حتى يذوب السكر تماما.


5. بعد شوية ضيفي خليط البرتقال واليوسفي المفروم إلى السكر على النار مع التقليب المستمر ونزع الريم أولا بأول.

6. ضيفي عصير الليمون وارفعي درجة حرارة النار واتركيها لتغلي لمدة 5 دقائق.

7. شيلي المريي بعد ما تستوي من على النار وعبيها في برطمانات زي ما اتفقنا.

__________________

بالنسبة للتارت فمايتهيأليش حد بيكرهه لأنه حاجة وسط بين الكيك والبسكويت ومفيش حد مابيحبش الاتنين دول، علشان كده هنحاول نجيب ليكِ كام طريقة لعمل التارت بحشو مختلف كل مرة من فاكهة الموسم.




المقادير:

كوباية ونص تين مجفف.
كوباية ونص مية.
كوب سكر.
معلقة صغيرة بيكاربونات الصودا.
125 جرام زبدة.
كوباية سكر.
ثلاث بيضات.
كوب دقيق.
ربع كوب لوز مبشور.
كريمة (قيمر)


الطريقة:

1. ادهني الصنية بالزبدة وافرشي القاع بورق الزبدة.

2. حطي التين مع المية على النار لغاية ما يتم الغليان.

3. بعد ما تشيليهم من على النار ضيفي إليهم بيكاربونات الصودا وحطي الخليط لمدة 5 دقائق وبعد كده اضربي الخليط كله بالمضرب الكهربائي لغاية لما تلاقيه بقى لين.

4. بعد كده اخلطي الزبدة مع السكر بالمضرب الكهربائي لغاية لما تلاقيه أصبح هش، بعد كده حطي الخليط كله في صنية تكون عميقة وضيفي إليه المكسرات المبشورة والمطحونة.

5. ضيفي خليط التين إلى الخليط السابق مع التقليب المستمر، وبعد كده صبيه في صينية وحطيه في فرن متوسط الحرارة لمدة حوالي ساعة.


6. اتركي التارت بعد ما يطلع من الفرن لمدة 5 دقائق وبعد كده اقلبيه في الصنية السلك علشان يبرد.

7. ممكن بعد كده إنك تزيني وش التارت بالشيكولاتة واللوز وقليل من الكريمة.

8. بعد كده قطعي التارت على شكل مثلثات وقدميه مع صلصة الكراميل.

[line]

تارت البرتقال

المقادير:

مقادير العجين:

2 كوباية دقيق.
نصف كوب حليب بودرة.
100 جرام زبدة.
صفار بيضة.
نصف كوب سكر بودرة.

الحشو


2كوباية عصير برتقال.
برتقالة مقطعة أصابع.
معلقة كبيرة نشا.
ذرة فانيليا.

الطريقة:

1. اخلطي الدقيق مع اللبن والسكر والزبدة وضيفي إليهم صفار البيضة، واعجني هذا الخليط مع بعضه لغاية ما تحصلي على عجينة متماسكة قوي.

2. وزعي العجين في قوالب ودخليها الفرن لمدة ربع ساعة بس، خلي بالك إن النار تكون هادئة.

3. سخني عصير البرتقال مع الفانيليا ودوبي معاهم النشا مع قليل من البرتقال وضيفيه إلى العصير حتى يشتد ويتماسك.

4. بعد ما تخرجي العجين من الفرن شيليه من القوالب وضعي عليه حشو البرتقال ونضع على التارت أصابع البرتقال للتزيين.


[line]


المقادير:

2كوب دقيق.
1 كوباية زبدة سائحة.
1 بيضة.
ربع كوب سكر ناعم.
نصف ملعقة صغيرة فانيليا.

الحشو:

تمر منزوع منه نوى.
ثلثين علبة حليب مركز ومحلى.
جوز.

الطريقه:

1. اخلطي الدقيق مع السكر والزبدة واعجنيهم مع بعض وضيفي إليهم البيضة والفانيليا.
2. افردى العجينة في القالب المخصوص للتارت وبعد كده اخرميها بالشوكة.
3. بعد كده حطي القالب في فرن متوسط الحرارة لمدة ربع ساعة.
4. بعد ما تخرجيها من الفرن ضيفي إليها التمر واللبن بس بعد ما تحليه ثم الجوز.
5. دخليه بعد كده الفرن لمدة 7 دقائق كمان بعد كده أخرجيه من الفرن.

[line]

المقادير:

نصف كيلو زبدة.
كوب وربع سكر.
كوب لوز مطحون.
كيس فانيليا.
4 بيضات.
كيلو دقيق.

الطريقة:

1. اضربي الزبد مع السكر وضيفي إليهم البيض والفانيليا، ثم الدقيق واللوز المطحون، بعد كده اتركي الخليط السابق في الثلاجة لمدة 30 دقيقة.
2. اخرجي من التلاجة وحطيه في قوالب التارت المخصصة في فرن متوسط الحرارة لمدة 20 دقيقة.
3. اخرجيه من الفرن وزينيه بالكستر والفواكه الموجودة عندك والجيلاتين.
[line]


المقادير:

3 كوبايات لبن.
معلقة صغيرة فانيليا.
نصف كوب سكر.
كوب صفار بيض.
كيس كستر بودرة.

الطريقة:

يغلى الحليب ويضاف السكر ثم يخفق البيض والفانيليا والكستر ويتم إضافتها إلى اللبن ويترك في الثلاجة لغاية ما يبرد وبعدين تبدئي تشتغلي بيه.

__________________

اختى الكريمه : برنسيس

والله انك مبدعه ومتميزة طبعا المربى طعمها حلو وتعتبر من الحلويات وانا عن نفسى من عشاقها

واشكرك اختى عالكريمه على الملف الكامل عن المربى

وشكرا لمشاركتك ولكن عندنى سؤال هل يتم وضع اى ماده حافظة علىالمربى ؟ وكم المدة التى من الممكن استخدمها وبعد ذلك تنتهى او يتغير طعمها ؟؟؟

الف شكر

تحياتى وتقديرى

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

[frame="12 70"]

جزانا الله واياك
اشكرك على مشاركتك المتميزة
نعم يتم وضع بيكربونات الصوديوم على المربى لحفظها ومن الممكن الاحتفاظ بها لمدة من 6-9 شهور او حتى يتغير مذاقها وطعمها

مع تحياتى

[/frame]

__________________

يعافيك حبيبتى
نورتى الموضوع
مع تحياتى

__________________

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

شكرا لكي يا عزيزتي برنسس
ملف اكثر من رااااااائع
جزاكي الله الف خير

__________________

يعافيك ياعمرى
نورتى الموضوع واشكرك على مشاركتك التى اسعد بها كثيرا
مع تحياتى

__________________