حبيبتي ريم لا اقصد ان اتهمك بتقصير لكن انت قلتيها ان زوجك يعتقد انه اذا اكلتي وشربتي ولبستي يعني انتي تمام


لان هذي طبيعة الرجل



تفكيره بالماديات لانه هو المسؤل عن اكلك ومصاريفك


والرجل الان في مرحلة تغير لان نحن النساء نفكر انه ياسلام انا حامل وناسه نونو وملابس وهاالخرابيط


لكن الرجال يفكر من اين سيوفر المال للولاده كيف اصرف على مولود جديد كيف اتحمل مسؤليه



صعب جدا



حبيبتي الرجال لا يعرف كيف يعبر عن حبه باكلام




دورك




ابغى اسالك


متى اخر مره دخل البيت لقاكي كاشخه



متى اخر مره دخل البيت لقاه مرتب ونضيف كأنه جايكم ضيوف




متى اخر مره كان لك خلق ونفسيتك عدله ماشتكيتي طفشانه او تخانقتك مع فلانه او بغى شئ الفلاني


متى دخل البيت ولقاكي تستني عند الباب مبتسمه




حبيبتي زوجك روتين الدوام قاتل حياته والرجال عادي الروتين بحياته



لذا لا تتوقعي الافضل من زوجك الا ان كنت افضل

تعرفين أنا زوجي تقريباً مثل زوجك . ما أنكر ان الشي يضيق الصدر وتعب كثير ولكن دائماً اجدد في حياتنا وانا ابادر بكل شي .تعرفي ليش ؟ لأن حاط في بالي أن أنا ادي واجب . وما انتظر أن هو يرد لي أي شي .

اختي رعاك اللّه

طوللى بلك وليس من المعقوال ان تغيري فيه في يوم وليله اختي الفاضله ان اي رجل في العالم قبل الزوج يكون قد تعود علي اشياء وافكاروقناعات معينه وليس من السهل ان يتغير لذلك سوف اضرب لك مثل من حياتك القادمه ان شاء الله كي تاحاولى ان تقتبسي من هذا الدرس اختي الفاضله انتي قلتي انه سوف يكون عندك طفل بعد عده اشهران شاء الله الا يحتاج هذا الطفل الى رعايه واهتمام وتوجيه الى ان يبلغ ؟؟؟سوف يخطى وسوف تاخذكي الرحمه به احيانا واحيان تقسين عليه وتعقبيه وعندما يكبر ويكون صالح سوف تشعري انه نعمه واذا فسد لا سمح الله سوف تشعرين انه نقمه وسوف اسئلك سؤال هل هذا الطفل تربي في يوم وليله ؟؟؟
الم ياخذ من عمرك وجهدك الكثير ؟؟؟؟؟؟؟؟؟؟؟؟؟؟؟؟؟؟؟؟؟؟
الم يمرعليك ايام تشعرين فيها انكي فخوره بيهذا الابن؟؟؟؟؟؟؟؟؟؟؟
الم تمر عليك ايام لم تنامي الليل من الخوف عليه ؟؟؟؟؟؟؟؟؟؟؟؟
الن تمر عليك ايام تتعبي في تعليمه؟؟؟؟؟؟؟؟؟؟؟؟؟؟
الن تمر عليك الايام تتخيلى فيها طوال عمره ونفعه وبره ؟؟؟؟؟؟؟؟
اعلمي اختي في الّله ان زوجك ماهو الاطفل كبير يحتاج منك الا جهد طويل ليس سنه وانما سنوات انتي يااختي الفاضله
تربي ابنك لانه طفل جديد في هذ العالم وهذا سهل ام زوجك فهو قد تربى ولكن يحتاج الي تعديل الى الافضل وهذا هو الاصعب .

نصيحتي الصغيره لك........عن تجربه.......شاركيه الأسهم وقولي له فهمني ايش قصدهم كذا ؟ وايش يعني كذا

واهلكيه اسئله وقولي له ودي اشاركك واساعدك في الأسهم

اطلبي منه يعطيكي كم سهم صغير ويعلمكي كيف تتصرفي بالشراء والبيع


بس اهم شي لازم تكوني محتسبة العمل لوجه الله ثم لأرضاء زوجك

وتأكدي حبيبتي انو بينبسط معاكي وويصير يحكي معاكِ

وشوي شوي يعطيكي اللي تتمنيه



من تجاربي

تثقفت في الكوره

في السيارات
في الحروب والتاريخ

وفي السياسه

وحاليا في الأسهم

وابشرك صايره ابيع واشتري في الأسهم على خفيف

اللي يسمعني يقول رجل اعمال وسياسي

وفي الحقيقه انا انثى وبكامل اُنُثتي

وهذي السواليف ما اتكلم فيها الا لكل واحد واهتماماته

يعني لايمكن اتكلم بهذه المواضيع مع اشخاص ماتهمهم

وبكذا كسبت جميع الأشخاص

من كبار وصغار _رجال ونساء _وجميع الثقافات

رغم اني افضل الصمت دائما



ان شاء الله اكون افدتك

ربي يسعدك ويفرج همك وينولك مرادك ويحنن قلب زوجك عليكِ ويجعلكِ قرة عين له ولباسا له وسكنا له

ويجعل بينكم موده ورحمه

اختك في الله

اختي الفاضلة الأماني الكبيرة :
شكرا على مداخلتك وفعلا هذا الي باسويه لانه انا شغلي كله على النت فاجلس في اوقات الفراغ ابحثه عن التوصيات



الاخت الفاضلة زوجة رجل مميز :
امس وغيرت تسريحة شعري كمان بس ما اظنه انتبه او انتبه بس ما همه ما ادري ليه احس انه زوجي ما يهمه المظهر كثير


امس لاني معتاده انه اول ما يجي اكون معطرة البيت بفواحه وتكون الإضاءه خافته والتكسيف عالي وكمان اسويله عصير بنفسي

الاسبوع اللي فات

امس واغلب الايام لانه انا الي افتحله الباب


طيب كيف اقدر اصير افضل قولووولي والله لو ادري انه اذا تغيرت بيتعدل حالي مستعدة اتغير




الاخت الفاضلة حنين الشوق :
كنت مثلك بالاول اعطي وما انتظر حتى كلمة شكر واخر مرة عملت له حفلة وحطيت له شهادة افضل زوج بالعالم شكرني على الحفلة وبدون اي تعليق على الحركات والشهادة حتى من مكانها ما شالها وجلست في مكانها اسبوعين من قهري رجعت شقيتها ورميتها ولا حتى سأل او حس انها فُقدت ما ادري ليه احس انه زوجي عمره خمسين سنة



الاخ الكريم Denver :
شكرا على كلامك الجميل وفعلا اقنعتني فيه الله يعيني الظاهر الشغلة محتاااااجة صبر اكثر مما اطيق الله يعطيني صبر ايووب ويزيل الرتابة والملل من حياتنا


الاخت الغالية روح الغالي :
شكرا على مرورك الكريم ويبغالي اكثف من دراسة الاسهم والتوصيات

واكثر شيء مخفف علي اني مو الوحيدة اللي اعاني شكرا لكم للمرة المليوووون على دعمكم لي فردا فردا واخص بالشكر جميع الاخوة اللي ردو على وحاولو انه يساعدوني جزاهم الله خيرر

الله يكون في عونك اغلب الرجال اذا انشغل في شي قل اهتمامه في شي يمكن تكون فتره وتعدي لاتجلسين تكتمين خذيه في جو حلو ومكان حلو وكلميه عن احاسيسك وحاجتك له قولي له انك تحتاجينه تحبين تناقشينه في مواضيع كثيره لا تعودين نفسك انك ماتصارحين زوجك عن بعض تصرفاته اللي تضايقك قربي منه اكثر اعرفي وش شاغله وساعديه وترى اغلب الرجال كلامهم قليل يميلون للصمت اللي يذبح الزوجه المتلهفه لسوالفه بذات اذا كاان مشغول في شي معين

__________________
... ( بالحب نعيش أجمل حياة ) ...

الاخت الكريمة حبيبت مودي :

شكرا على مداخلتك .. ويا كثر ما قلتلته وصارحته عن الاشياء الي مضايقتني ثم تنقلب المصارحة دفاع ومن ثم نقار وخطام



الاخ الفاضل النور والحنان :

شكرا على مرورك الكريم واصبحت على يقين اني بحاااجة ماسة إلى الصبر ثم صبر ثم الصبر اضعااف الصبر اللي كنت اصبره وربي يسهلها علي ان شاء الله


اما بالنسبة لاقتراحك لا اخفيك سرا باني قمت بتجاهل الموضوع وبدأت اشغل نفسي باعمال البيت حتى اني تعمدت في احد الايام في القيام بالكثير من الاعمال بحيث لا اجلس معه في الصالة وكان ذلك يوم الخميس على ما اعتقد وعندما استيقظ جهزت له الغذاء وبعدها اشغلت نفسي بتنظيف المطبخ ومن ثم كوي الثياب لكنه وللأسف
ما حسيت انه انتبه لاختفائي وعدم تواجدي

جيتكم انقل لكم الي صار معااااااايا امس وان شاء الله تكون فاتحه خير وطبعا ما نستغني عن دعواتكم

امس جاتني الخدامة هيا نجيني كم يوم في الاسبوع المهم بعد الغدا وطبعا بعد اقفال سوق تداول ا لاسهم ( مع ملاحظة اني بدأت اسأله عن الاسهم وعن التوصيات ووو وهو استغرب سؤالي )وبسبب وجود الخادمة طوااال الوقت في المطبخ فضلنا عدم الجلوس في الصالة والي هي مقابلة للمطبخ وبالتالي ما كان في تلفزيون يشغله

يعني انا ووهو فقط في الغرفة استغليتها فرصة وطلبت منه انه نتصارح هو يقولي اللي مضايقه مني وانا اقوله الي مضايقني بس بشرط كل واحد فينا يسمع بدون ان يدافع او حتى يعلق فقط يسمع عشان يكون على علم باللي يضايق الاخر ووافق على الشرط على ان يتم النقاش والدفاع اليوم التالي بعد ما ناخذ يوم كامل للتفكير في وجة نظر الاخر

المهم قلتله انه حياتنا روتين وماانعدم النقاش بيننا وانه كل ما نحاول انه نتصارح تنقلب المصارحة مضاربة وصارت عندي بروودة من كل شيء في الحياة وملل

لذلك قررت اني كل ما حسيت اني مضايقة او ابغى اتكلم راح افتح موضوع في المنتدى وافضفض فيه وقلتله انه جاتني حاله الملل ((( الوقت الللي كتبت فيه الموضوع ))) واني كتبت موضوع في المنتدى ووصل لثلاث صفحات وانه اعضاء المنتدى هما اللي خففوا علي

وبكذا اضمن انه ما تصير في مشاكل او خصااام وفي نفس الوقت ارتاااااح باني الاقي مين يسمعني ويخفف علي


طبعا هو تفاجأ من الموضوع وطلب مني انقله اللي كتبته في المنتدى فلقيتها فرصة اني اقوله بعض مافي قلبي


حسيت انه ضميره انبه شوي وقالي انا مقدر انك حامل وهذا اكتئاب الحمل ودايم اعذرك بهذا العذر


وان شاء الله تكوون فاتحه خير لنااااااااا وتتغير اوضاعنا ونقدر نتناقش بدون ما نتناقر قولوا امييييين



وشكرا شششكرا لكم جميعا لا عدمنا مشاركاتكم ان شاء الله ومساندتكم


كل الاحترام والتقدير لكم جميعا فردا فردا

__________________
... ( بالحب نعيش أجمل حياة ) ...