مرحبا يا شباب ويا بنات


ابيكم كلكم تدخلون وتقولون رايكم بصراحه سواء بنات او شباب

بنت اختي عمرها 23 تقدم لها واحد عمره 25 متعلم مستواه الاخلاقي ممتاز المادي ممتاز الديني وهو الاهم مستقيم جدا
ماعنده لف ولا دوران يعني الرجال ماشي سيده لاعنده خرابيط ولا شي وهذا الرجل انا اعرف اخوه الكبير كلهم من عائله محترمه والكل يشهد بذالك حتى اهلي وهم يعرفون هذه العائله


المشكله مو هنا المشكله في عمره

تقول صغير توه ابي واحد من الثلاثين وفوق

قلت ليش مادام الرجال ممتاز جدا من كل النواحي تقول لا بزر قلت ليش بزر رجل متعلم مثابر ماشاء الله عليه رجال شغال بالسوق ومعروف انه كون نفسه بنفسه يعني طلع نفسه من الصفر شلون بزر


طبعا صار النقاش يدور حول موضوع العمر تقول المفروض الشباب ما يتزوج الاعمره فوق الثلاثين تحت لا

طبعا اختي وصل عمرها 30 وهي على ها المنطق الا الحين ماتزوجت مع ان الناس كسرو الباب

ولله انا صراحه احترت


شلون تقولون عنوسه ونتم السبب

وش فيه ابو 25 او 26 مادام انه رجال

طبعا انامتزوج ومخلص ونا صغير والحمد لله الحياة ماشيه من احسن مايكون كبرنا والحمد لله تمتعت بمراحل عمري انا وزجتي ولله الحمد


طبعا الفئه العضمى انا مادري ليش عندهم ها المنطق

ابي كل بنت تدخل وتقول رايها بصراحه ولا ابي احد يدخل ويطلع ارجوكم

تحياتي لكم

فعلا اخي الفاضل ..نايف
لدي اخوات في سن الزواج ..ومن شروطهم عدم قبول خاطب اصغر من 30..
وحسب كلامهم ان الي في سن الثلاثين يكون اكثر نضوج واكثر استقرار..
اما الي اقل ..فاهو غير راكز ومتقلب ..وينخاف من عدم اسقراره...
وجهه نظر ..

اما انا فعن نفسي فعندما تزوجت زوجي كان 28 وكان يكبرني 10 سنوات ..وماتذكر كان عندي شروط بالنسبه للعمر ..والحمد لله



وتقبل تحيااااتي

__________________

مرحبا اختي شجر الدرررر

ولله شي مؤسف يكون هذا تفكير البنات اختي وصلت الثلاثين وهي تتشرط ترفس النعمه برجولها

مب شرط ابو الثلاثين سنه راكز ابدا

أخي الفاضل..نايف..

سأكتب رأيي ..أنا أفضل الزواج من رجل يقاربني في العمر حتى نتقارب فكريا حتى في لحظات الطيش..

لذا محظوظة هي ابنة أختك ..واخبرها على لساني كلمة ..أن الزواج فرص..ولربما لايتوفر هذه المميزات في رجل

أخر ..ولتنظر إلى دينه وتغض البصر عن عمره..ولاتفعل كما فعل غيرها وعض أصابعه ندما على فرص ذهبت ولن تعود

لأسباب غير حقيقة للرفض ومنها السن..

دعائي لها بالسعادة وبشرنا عنها..

أختك

حائزة الأمل

__________________

مرحبا اختي حائزة الامل


أنا أفضل الزواج من رجل يقاربني في العمر حتى نتقارب فكريا حتى في لحظات الطيش..


بوركتي اختي هذا هو رائيي من تجربه خاصه زوجتي اصغر مني بسنتين المستوى الفكري متقارب جدا حتى في لحظات الطيش كما ذكرتي والحمد لله على النعمه

اصلا الزواج حلاته بالصغر يعني سن 22 لين 28 هذي احسن مرحله بلزواج بعدين الواحد يصير يتزوج بس

عشان يقال انه متزوج او عشان يخلف عيال وبس مايكون همه الاستقرار بعدين ترى العقليه مايخصها بلعمر ابدا

في ناس بال30 وفيهم سخافه وبزرنه .............

صادق اخوي ضاحي بس من يفهم صراحه انا مدري وش ها المنطق

صحيح ان عمر زوجي 33

والفرق بيني وبينه 9 سنوات


بس والله

لما كنت بنت

كان اهم شي عندي الدين والاخلاق

وكنت اتمنى يكون اكبر مني في العمر بس بدون تحديد

والحمد لله

الزواج قسمة ونصيب

بس نصيحه مني لبنت اختك


لا تفرط فيه

والله الحب في فتوة الشباب

له طعم ولون ثاااااني


الله يهدديها

وتقبل تحياااااااتي ..........

أضم صوتي مع صوت الأخت حائرة الأمل

مرحبا اختي حنونه

هذا الي اقوله لايكون اصغر منك اكبر بس بكم عادي ماتفرق

يعني عمره مناسب الولد بس في بعض البنات الطمع والغرور يلعب دور مهم في حياتهم بعدين بتتحسف انا قلتلها ها الكلام صراحه انا متحسف عليه