حالتج مثل حالت زوجتي كثيرة الزعل

ولكني لا أعرف الاسباب قد تكون تفكر مثلج

أو لا ولا أعلم إن كان مرضا أو لا

روعه

__________________
[/IMG]

و الله و أنا كمان يا أختي مشكلتي نفس مشكلتك........ بزعل بسرعة ولأسباب تافهه و بندم اني زعلت ...و بعدين برضى بسرعة و بكلمتين يعني.... وكمان بندم اني رضيت...... فعلا متل ما قال الأخ كاره الرياضيات ........ هذه هي الزوجة النكدية....
وانا من تجربتي بنصحك تغيري اسلوبك... قبل ما يتعود زوجك على زعلك....... و يجي يوم (لا سمح الله) يصير في موضوع جدي بينك و بين زوجك محتاج لحل جدي ... وزعل جدي....... و وقتها ما يصدقك زوجك....... ويقول متلها مختل غيرها..................ويصير فيك متل حكاية الراعي الكذاب

__________________
أصبحت إمرأة حرة .. فقط لأنني قررت أن أكف عن الحلم..الحرية أن لا تنتظر شيئاً ..والترقب حالة عبودية..

هلا اخوي جاسم طيب ممكن لوسمحت تقولي شلون تتعامل مع زوجتك وانت عارف انها زعوله وهل هالشي متضايقك منها كثير واذا كان مضايقك ممكن تقول لي شلون تكون انت متضايق من تصرفتها ايش تحس بداخلك ونفسيتك شلون تكون وتصرفاتك معاها شلون تصير

يمكن اقدر اعرف زوجي شلون تكون حالته لما يتضايق من كثرة زعلي


شكرا

[FONT="Arial Black"][SIZE="5"][COLOR="Blue"][B][I]لالالالالا المـــــــــوضوع هذا حاصل معي بس معليك الي استنتجته من هذه الطريقه وهي ايضا في زوجتي للاسف انها الغيره بل ان حبها الزائد هو السبب في كل شي وهي تعلم اني مشغول وحتى اقول لها تدق علي ولو اطنشه اجد ها ما تكلمني واصله حدها معي بل تسالني وينك وين كنت بس عادي من ناحيتي مبسوط لانها تهتم فيني ولو ان اهتمامها يطفش شوي بس جيد وانتي يا اختي مثلها والرجل ممكن يطفش شوي بس يحب الاهتمام بس الغلط اذا جاء يرضيك وعانتي يمكن يسبك وما يصير يهمه زعلك او رضاك اتمنى تعدلي اسلوبك اختي واسف على لا طاله:14:

__________________
[

شكرا اخوي ممكن بدون احراج ممكن استفسار ابي اعرف هل الشغل يكون عندكم اهم من الزوجه ولا ايش الصراحه زوجي يشتغل في مكان واجد حساس ومشاكل شغله كثيره وغير الالتزامات الثانيه اللي عليه وانا متأكده من هالشي بس بعد اقوله لازم يهتم فيني شوي

هل التصرف هذا غلط مني ايش اسوي معاه عشان هو يرتاح وانا ارتاح وشلون اقدر اعطيه المساحه الكافيه وشلون اخليه يشتاق لي بدون ما اطلب هالشي منه يعني يشتاق من نفسه بدون حنتي

اختك محتاجه المشوره لا تبخل عليها

نصيحه مني لكي ..لا تزعلي على الاشياء اللي ماتستاهل زعل ..حتى زوجك مايمل منك لاسمح الله ..لان كثرة الزعل تجيب الملل ..


مدام له عذر لكل تأخيره ..فمافي داعي تزعلي ..

عودي نفسك على عدم الزعل لصالحك قبل صالح زوجك .. ومثلا اقلبي زعلك لدلع وادلعي على زوجك ..مثلا قولي انا نخاصمتك اليوم لانك مااتصلت علي او لانك اتأخرت وابغاك تجيب شي معاك بالطريق .<<< يعني تدربي نفسك على عدم الزعل وتدلعي على زوجك

الله يوفقك

__________________


اللهم فرج كربتي ويسر امري واكتب لي الخير يارب

والله بكل صراحه مرات ودي من القهر اقتلها أو أقتل نفسي في نفس الوقت طبعا لان المشاكل الكثيره وعلي اتفه الاسباب تملل وتزهق ولا تنسين الواحد يشتغل وهم وغم بره يبي الراحه بالبيت
وما يحصلها مشكله كبيره
ولكن اطلع من البيت وأذكر الله
ولكن انا الحمد لله صبور وصبري طويل وكبير ماله حدود
أروح وبعد فتره أجي أراضيها وإذا مازالت أروح وعلي نفس المحاولات
ولكن انا ماشي علي اللي انا ابيه قبل كنت أداري زعلها وأتجنبه وبعدين لقيت علي كل شي زعل ما أقدر اصير ملاك طبعا ما أعاند ولكن ابي أعيش مثل ما أبي
لست رجلا اليا مبرمجا علي الطاعه
انا إنسان
تعرفين قصة جاكم الذيب أهتموا في أول الامر وبعدين زهقوا وطنشوا
أرجوا أن أكون قد وصلت الرساله والمشاعر بوضوح
ومبارك عليج الشهر

شوفي لأنك قاعدة في البيت وماعندك شي تسويه هذا حالك.. إذا زوجك يرضى تعملين في مدرسة أو أي مكان فاعملي.. وإذا ما يرضى مالك حل غير إنك تعدلي أسلوبك..

لو فكرتي ملياً بنتيجة تغيرك راح تتغيري.. حطي الهدف أمامك وتخيلي زوجك عاد لك كما كان.. لمن تجي تدقي عليه إخزي الشيطان وعانديه.. ولا تتصلي.. إشغلي نفسك بأي شي.. حتى لو تدعكي القدور.. تدعكي البلاط.. تلمعي الأواني.. تصرفي.. إقري كتب.. حركي أثاث البيت.. طلعي طبخات واخترعي.. كلمي أمك أو صديقاتك بدل من زوجك.. إثقلي الرجال يعشقوا الثقل.. على الأقل خفي عنه شوي..

الحل هو أن تنشغلي أنت أيضاً.. وإلا دمرتي زيجتك.. سويلك تجمعات ظهرية.. خلي أهلك يجوكِ أو تروحيلهم.. روحي معهد.. ما قلتي عندك أطفال ؟

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

السلام عليكم

شكرا اخوي jassem_9
وشكرا اختي Miss Hawaii

الحقيقه كلامك اثر فيني اخوي جاسم وزعلني من نفسي كثير الله يعين واتخلص من هالمصيبه


حبيبتي مس هاواي مشكوره على ردك الحلو بس حبيت اقولج اني مو فاضيه انا اشتغل وماسكه منصب واجد كبير الحمدلله بس دايما القى نفسي اشتاق له حتى وانا ف الدوام تلقيني على طول امسك السماعه واتصل اسأل عنه ويذبحني اذا مارد علي وهنا تبدأ المشكله اقعد اقوله ليش انا اسأل عنك والقى لك وقت وانت مطنش عاد تقولين بيرد علي الا يطنش وبس كل اللي يقوله انا مشغول وتدرين بظروف شغلي


وبالنسبه لي ثرا انا ما عندي اطفال نحن تونا متزوجين مع ان نحن مش صغار بس النصيب جا نتأخر بس الحمدلله

تبين الصج هامله كل شي ومركزه كل اهتمامي عليه صرت ما احب اطلع الا معاه ولا اكلم الا هو ما اعرف ايش اسوي واجد متعلقه فيه تقولين جاهل انا ما كنت كذا هالشي صار بعد الزواج

ان شاءالله القى في خبراتكم اللي يفيدني