السلام عليكم..

انا عمري 25 سنة ما تزوجت قبل, و اللي خطبني عمره تقريبا 29 ,و ابوي سال عنه و كل شي و نصحني اوافق عليه :و انا اثق براي ابوي كثير بس فيه حاجات مخليتني اتردد...

اولها: ان الولد معاه شهادة ثانوي و انا جامعية..مع انه و ظيفته و الحمدلله ممتازة و دخله تمام و مخطط ياخذ بعثة لامريكا بعد سنة.. مشكلتي هنا اني اخاف اي اختلاف في و جهات النظر بيننا مستقبلا يفسره هو اني شايفة نفسي عليه, مع انه من ناحيتي ما احكم على الشخص من خلال شهادته اطلاقا.. فاتمنى خاصة من الاخوة الرجال يعطوني و جهة نظرهم..

الشي الثاني: انه سبق له الزواج, يس كمل مع زوجته اقل من شهر بعدين طلقها, و السبب ان البنت كرهته في شهر العسل بدون سبب فجاة و طلبت الطلاق.. و انه حاول هو و اهلها مع البنت بدون فايدة فطلقها بالاخير ..و احنا سالنا اهل البنت عن هالشي و تاكدنا انه صحيح..

اللي مقلقني مو انه مطلق, لا ,لان كل شي قسمه و نصيب .انا قلقانه لاني احس انه ما اخذ و قت كافي يعني اقل من شهر اشوف انها قليله.. و الحياة الزوجية يبي لها صبر ..

ادري طولت عليكم ,بس بقى شي اخير, انا طلبت اهله يزورونا عشان اشوف طبايعهم و اقدر اقرر..هل فيه حاجات ممكن اسويها خلال هالزيارة او شغلات معينة انتبه لها ممكن تبين لي اطباع امه و خواته على وجه التقريب؟؟
اتمنى تفيدوني لاني جدا محتارة.. و اسفة على الاطالة بس اثق في ارائكم كثير و شكرا مقدما..