المشاركة الأصلية كتبت بواسطة Sun_of_me

يا حبيبتي يا أم سيف
وحشتيني و الله أوي أوي أوي

- و انت كمان وحشانى و دائما لما يتيسر لى الدخول بتابع وجودك من ردودك
و فى ردك على سؤال حلة الكيك كتبتلك تقريبا امبارح اسألك عن اخبارك

إنت بس قوليلي على الأولاد اللي مدايقين سيف و سيبيهم عليّه .. إما خليتهم يحرموا يقربوله
و قولي لسيف: خالتو sun بتقولك مش تخاف من أي حد و اللي هيدايقه إنت بس قبل ما تنام قول على إسمه و هي هتروحله البيت و هتعلمه الأدب

- ضحكتينى يا شموسه ... انا كمان قلت اروح اعلمهم الادب من غيظى ... بس رجعت و قلت يا بت اعقلى ما ينفعش انزل لمستوى اولاد صغار ... لازم هو يتصرف بنفسه

عندك حق تقلقي عليه في الزمن اللي إحنا فيه ... ربنا يقويه و يجعل هدوءه ، حلم و أناة ربنا رزقهم بيه ، مش تنسي إن الرسول الكريم قال إنهم أكثر الصفات اللي بيحبها في حديث له (إن هذا الرجل فيه صفتان يحبهما الله و رسوله: الحلم و الأناة)


- ياله ربنا كريم

بارك الله لك فيه و قر عينك برؤيته رجل تعتمد عليه الرجال ، يحمل راية الإسلام و ينصر الله به الإسلام و المسلمين

- اللهم امين


أما عن أحوالي ... الله وحده أعلم باللي أنا فيه ،، لله الحمد و الفضل و المنه

عارفه العصرة اللي الواحد بيحس بيها لما بيكون مستني شئ و خايف منه جداً ... صدقيني العصرة دي مش بتروح بقالها أكتر من 10 أيام من معدتي و ربنا يستر

- عارفاها كويس و مابيريحنيش منها غير القرأن و الصلاة فى الليل

شاكرة جداً رأي زوجك <<< بصراحة جي على هوايا
- لا شكر على واجب لانه هو كمان عضو معانا و ده واجب عليه

مش هكدب عليك أنا بحب خطيبي و نفسي أمورنا تتسهل و ربنا يقسم لي بالنصيب معاه ... بس عمري ما سبت أموري للقلب بس و هو ده اللي مسببلي حالة الخوف اللي أنا فيها

- طيب كويس اوى ... و اكيد ان المشاعر بتتعمق كمان مع العشرة و القرب .. و يبقى كل مخاوفك هى مصدرها اولا البعد بما انك مسافرة لبلد تانى و الفراق عن الاهل ... و دى كلها امور رغم صعوبتها الا انها سيتم التعود عليها مع الوقت الى ان ييسر الله لكم العوده بعد كده ان شاء الله ... بس اوعى تبتعدى عنا هنا و انتى مسافرة حاولى تكونى على تواصل دائم قدر الامكان

إن شاء الله هتبع نصائحك و نصائح اخواتي في القيام و الذكر و القراءة ، بس أرجوكي مش تنسيني من دعواتك

- صدقينى مش نسياكى و ربنا يتقبل منا جميعا دعواتنا ليكى يا رب
حبيت اوى دعوات الجميله كيوت بيبى رب ربنا يجعلها من نصيبك

ربنا يكتبلك الخير و ينولك مرادك و يعزك بعزة الإسلام ثم بعز سيف و أخواته إن شاء الله
-- امين و اياكى حبيبة قلبى
و اطمنى احنا معاكى لغاية ما توصلى لبر الامان بأذن الله