نحن ما قلنا إنها ما أغوته ، لكن 50 بالمية الغلط عليه هو كمان ، تعرفي ليييه ؟؟؟؟
مو مجرد مكالمة و انتهت و لا مقابلة و انتهت
مطلع رقم تاني ، و محدد المكان و الزمان ، يعني مع سبق الإصرار و الترصد

أفتكر وحدة من الأخوات كانت تشتكي إنه زوجها جاب زوجته التانية في بيتها ليلة وحدة
و البعض عاتبه و لامه
و هذا جاب بنت شوارع في بيتها و شقتها و نقول بعدين ، الشيطان أغواه ؟

و مو بس كذا ، هو انسان ( محصصصصصن ) و عقوبة المحصن أكبر من عقوبة الغير محصنة
عرفتوا الفرق ؟؟؟؟؟
و عنده زوجة تحبه و الحمد لله و هو يموت فيها ، إيش عذره ؟؟؟؟؟؟؟؟؟؟؟


أتمنى للأخت كل سعادة ، و زوجها لازم يتعاقب و لسى ما أخد عقابه
و الكم دمعة اللي نزلها ، هذه صايرة سهلة عند أغلب الرجال


أنا ما أبغى إنها تهدم بيتها ، لكن ما أبغى بنفس الوقت إنه الغلط ينشال عن زوجها و يتحط على هذيك و بس
و هذيك أخذت عقوبتها

بس واضح إنه شخص عنده خبرة بالأمور هذه و لا ما كان بكل سهولة طلع له رقم تاني و أخدها لشقته ووو إلخ
علشان كذا ، لو إنها أختي ، و لو ( نفسي ) اللي هي أعز شئ أملكه ما أرضى لها اللي ما أرضاه للأخت صاحبة الموضوع


عالعموم الناس معادن و طاقات و أنا طاقتي هذه ، يمكن هي طاقتها أكبر من طاقتي
و هي في الأخير تعرف نفسها و طاقتها و قدرتها على الإستمرار


و الحمد لله إنه عندها أهل يشيلوها فوق راسهم
و الولد ما راح يموت لو عاش بعيد عن أبوه و باين عليها إنها قوية و ما ينخاف عليها إن شاء الله

خليها تفكر في مصلحتها و هي إيش تبغى بالضببببط