الصراحه هذي يمكن ثاني مشكله انزلها بمنتداي الغالي و قلت مالي الا اخواني و اخواتي

يساعدوني السالفه و ما فيها الله يسلمكم ان من كم يوم بيت خالتي قررو يروحون العمره فقالت خالتي

انا راح آخذ بنتكم (فلانه) معانـا و الصراحه ف البدايه كنت راضيه انها اتروح لكن بعد كم ساعه وصلني

ان الفلوس اللي بيرحرن فيها العمره مش فلوس حلال و السبب ان خالتي عندها سوالف دجل و سحر

و تدعي انها اتعالج الناس بالقرآن و الادويه الشعبيه لكن انا اشوف العكس بصراحه و يوم اني قلت

لها خالتي تره الفلوس هذي افلوس حرام و ما يصح انهم يروحون بيت الله فيها و من هالكلام يعني

صارحتها و واجهتها بكل جرأه لكن اهيه امعاندتني و اتقول لا افلوسي حلال و مادري شنو

و المشكله الثانيه اهيه بنتها بعد بتروح العمره و اهيه استغفر الله منحرفه بشكل مش طبيعي

و عمرها لا يتعدى ال16 سنه اتغازل و اتكلم شباب و ما تصلي و آخر شي تبي اتروح العمره

و قبل كم شهر كانت طالعه مع رفيجها من البيت و كانت اختي قاعده معاها و قالت لها لا تطلعين

تره بيصيدونج اهلج بس ما سمعت الكلام و بعد ما صادوها قالت مش انا اللي طالعه هذي (فلانه)

تقصد اختي و اخواتها كلهم اقعدو يطلعون كلام عن اختي ان فيها و فيها..

و جوفو الطــامه الكبرى ان قبل هالمره بنت خالتي هذي كانت رايحه العمره و اخوي بعد بس كل واحد

فيهم ف حمله ثانيه و يوم اخوي عرف انهم امقررين اتروح اختي معاهم عصب و مارضه قال هذي انا

ما اعترف فيها و قال اهيه لو فيها خير ما لبست الجينز ف العمره و اقعدت اتغازل

و الله ناس ما تخاف الله لدرجة انهم يتكلمون في اعراض الناس حتى انا ما سلمت منهم

يحشون فيني حش اعوذ بالله منه حتى و حتى يعقرون ف زوجي و يقلدونا ف كل شي

لكن كل اللي يسوونه بفلوس الدجل و السحر..

و آخر شي اليوم خالتي متصله حق امي اتقول لها قولي حق بنتج اللي هي انا

من اليوم تنسى ان عندها خاله و لا ابيها اتعرفني و تنساي للأبد و بيني و بينكم يا اعضاء

الحمدلله ان جات منهم و لا جات مني لأني برتاح من الكلام و عوار الراس و العقره منها

و من بناتها...



و ألحين ابيكم اتقولون لي اللي سويته انا صح يوم اني منعت اختي من السفر معاهم و خذت جوازها

من عندهم و واجهتهم بالحقيقه؟؟

ساعدوني الله يخليكم

__________________