السلام عليكم*

انا حزين 😔!*
لذلك ابدخل في الموضوع على طول!*

انا خطبت وحده اصغر مني ب 9 سنوات عمرها الان 18*
ملكتنا صار لها تقريبا سنه وباقي على زواجنا 4 شهور*
اذاً ماهي المشكله؟*

المشكله هي ان خطيبتي "عديمه احساس"*
اراسلها بشكل يومي واكلمها بشكل اسبوعي*
في بدايه مراسلتنا كنت اقولها كلام حب وارسلها مسجات غزل وحب وشعر *
امدحها كثير واقولها انتي حلوه*
قابلتها من بعد الملكه مرتين لانها في مدينه بعيده عني*
اهدي عليها هدايا غاليه*
اهدي عليها ورد*
اقولها احبك وابوسها*
لكن المصيبه واللي مخليتني حزين*
انها خلال سنه كامله ماقالت لي "احبك" الا مرتين او ثلاث مرات !!!*
وبالغصب بعد انا اجبرتها تقوله*
والشي الثاني انا اتعب علشانها وبعد ماراتبت سفرتنا لشهر العسل وشي ماتحلم فيه*
علمتها حتى شكرا ماقالت لي !*

هي يبدولي انها تحبني لانه توصلني اخبار عنها انها مهتمه وسوت شغلات في نفسها علشاني*

انا لمحت لها بالبدايه اني ابيها تقولي كلام حلو لكن مافيه فايده*
بعدها صرحتلها اكثر من مره*
وترد علي انها مهي مقتنعه بالحب الا بعد عشره وتقول انها ماتبيني ولا تبي تقول كلمات مثل ( احبك عمري حياتي ابوسك الخ)*

هي عنيده بشكل كبير ولا يعجبها شي*
وانا بصراحه تعبت حاولت اني ما اقولها كلام حلو لكن ما استمريت كثير وطبعا وقفت الرسايل ( الشعر والحب) *
واعتقد انها ماراح تفرق معها سوا قلت او لا !*


انا تعبت بصراحه*
لان اللي ماطاعتني وسوّت اللي انا ابي الان ماراح ترضيني بعد الزواج.*
رغم انها تقول ماعليك بعد الزواج ابرضيك.*

انا احبها .... ومدري وش اسوي .... ابي رايكم؟
افكر اني اقولها لاتكلميني ولا تراسليني الا اذا سويتي اللي انا ابي؟!*

شكرا*