السلام عليكم ورحمة الله وبركاته .. والله ثم والله اني ماشتركت بهالمنتدى الاعشان ارد على هالموضوع ..
انقهرت من رد البعض.. شو يعني لو الريال صاح قدام حرمته .. ؟
مافيها شي.. بين ماجد وحرمته عشر سنين مب يوم ولا يومين .. وبعدين مافي بين الزوج والزوجة اي مجاملة ..
ولازم اتطيحون الكرامة والكبرياء .. شو فايدة الزوج او الزوجة .. اذا ما وقفوا مع بعض وكلن تفاهم مع الثاني؟ الزواج اكبر كثيييير من هالاشياء.. ولا تخلي مثل هالاشياء تخرب عليكم حياتكم ..
ماجد .. انا اشوف ان الي سويته مافيه شي.. يوم انك صحت قدامها.. ومبين على على حرمتك انها تحبك زووود بعد .. (الله يتمم عليكم)
غريب حالكم اخواني .. بعدكم ماعرفتوا الحريم ... ؟؟؟؟؟
الحرمة يوم تتضايج .. ولا يوم اتحس ان حد هانها.. اتقول اي شي واتسوي اي شي بلا تفكير.. وبعدين تراجع نفسها وتتحسر وتتندم..
الحرمة تمشي ورا عواطفها.. وصدقني ياخوي .. هي تحبك وااااايد .. ولو انها صدق ما حبتك .. جان ماتمت وياك عشر سنين .. لا وفيهم يهال بعد..
يوم انك قهرت بها .. بغت اترد عليك .. فقالت انها اتحب زوجها الاولاني وانه عزيز وغالي على قلبها .. لكن صدقني.. ماتدري شو كان حالها وهي اطرش هالمسج .. كانت تبيك اتغار عليها.. الحرمة اتحب ريلها يغار.. وتبي هالشي...
ويوم انت رحت تبكي قدامها.. حست بالغلطة الي سوتها .. وانت بهالطريقة اكدت لها حبك .. شو تبي حرمتك اكثر من جيه ..؟!
ولا تظن بان هي ردت طرشتلك مسج .. شفقة .. لا بالعكس.. هي تحبك وايد .. وتعزك وتغليك ..
زوجتك من النوع الي بي الاهتمام الزايد .. وفي حريم وايد جيه .. لا تهمل هالشي وحطه في بالك .. اهتم بها.. حسسها بانك اتغار عليها .. وانها كل حياتك .. وشوف النتيجة ..
لا اطلقها.. أبغض الحلال إلى الله الطلاق.
تحياتي..

رقيقة القلب