المشكلة يا اخوان و يا اخوات انو الفرق بيني و بين جوزي 14 سنة , اول مرة خطبني فيها ما وافقت بسبب انه ساكن بعيد عن اهلي و انا وحيدة اهلي و كنت ما بدي ابعد عنهم فحطيت حجة انو كبير و ابوي الله يسهل عليه راح قلو ان البنت ما بدها اياك لانك كبير , و مرت الأيام و بعد سنتين رجع وخطبني مرة تانيه و لما شفته متمسك فيني كتير و ما في شي يعيبة ولما جلست معاه قلي انو انا بعدك ما قدرت اخطب حدا تاني كل وحدة بروح اشوفها بشوف وجك و بتعرفوا احنا البنات بنضحك علينا بسرعة خطبنا و تجوزنا , و صرنا متجوزين 5 سنين و عنا ولد و بنت و مبسوطين والحمد لله و لا عمري شعرت بالفرق و لا هاممني ابدا بس هو الله يسهل عليه دايما يذكرني بكلمة ابوي و انو كبير علي بقول يا مسكينه اخذتي واحد ختيار و كل ما اشتريلوا تياب بقلوا هادا لبس ولاد زغار مع انه ما تجاوز 40 سنه مع انو لبس راكز كتير بس بدخل فيه مثلا اي لون مفرفح , يا جماعه شو اعمل كتير هادي الشغلة مأثرة فيه كلمة ابوي مش ناسيها ابدا , دايما بقلي مش رح الحق اجوز ولادي , بس اموت اعملي كذا و كذا مع انها الأعمار بيد الله و ممكن اموت قبله, و لما البس زهري ولا اورانج بقلي عامله زي البنات الزغار , كتير متعبني شو اعمل