السلام عليكم ورحمة الله وبركاته
والله جيتكم يا أعضاء المنتدى بعد ما ضاقت بي الدنيا ولا لقيت حل لمشكلتي اللي لازمتني طوال هالسنين...
يمكن الكثير منكم يرى مشكلتي تافهه بعد ما تقرونها بس والله متعبتني حيل...
أنا انسانه من وعيت على هذي الدنيا والوسواس يلازمني في كل شي...

في كل صغيره وكبيره ما تتصورون اشكثر... أيام الدراسه كنت ما ابات باليومين والله من التفكير... واذا واجهتني مشكله... ما اعرف احلها من كثر الوسواس لو كان حلها بايدي... والله انه مرت علي ايام ما انام فيها واقعد ارتجف اذا كنت افكر فشي مهما كان بسيط... باختصار اسوي من الحبه قبه على قولتهم... دائما متشائمه ودائما انظر للشي من الناحيه الشينه... تعبت من هالوسواس ومن التفكير... والله بدون مبالغه 24 ساعه وانا أفكر فكل شي! تعبت أبغي يمر علي يوم بدون وساوس وبدون تفكير.... ابغي يوم واحد انام وانا مرتاحه...
نصحوني وايدين اني اتقرب من الله وأكثر من قراءة القرآن وقول الأذكار ولله الحمد واظبت وتحسن الحال شوي... بس ماني عارفه شو اسوي عشان اتغلب على هذي المشكله من الأساس
الله يخليكم اللي عنده راي ولا شي يقدر يساعدني فيه يقول... الله يجزيكم كل خير يا رب ويوفقكم دنيا وآخره
أنتظر ردودكم