السلام عليكم ورحمة الله وبركاته

اخواني واخواتي اعضاء المنتدى..أنا في حيرة من أمري ولا أدري ماذا أفعل

ليس عندي من أشكي له همي بعد الله سواكم مشكلتي في زوجي أنه إنسان غريب

زوجي بعيد عني بحكم عمله ولايريدني أن انتقل للعيش معه في مكان عمله بحجة انه يحاول ان ينقل هو

لمكان سنكي لانه اساسا من هذي المنطقه ..المشكله انه برغم بعده عني فهو لايتصل علي في اليوم الا مره او مرتين

وبمجرد ان يتصل يسأل عن الأولاد وماذا عملوا والاشياء الخاصه بالمنزل ولا يسأل عني حتى أنه حيانا يسافر

,انا تعبانه أو عندي مشكله ولا يتذكر يسألأني عنها الا بعد مايرجع واتكلم انا عنها تخيلو؟؟انا آخر اهتماماته

عندما يأتي اشعور بفتور منه حتى في استقبالي له أضمه واكون في غاية السعاده لاكن هو اشعر ببرود شديد منه

فهو حتى لايضمني بيده ولو ضمني فلا اشعر بها يدوب كانه يمسح علي؟؟ ويجلس مباشرة أمام التلفزيون

والجرايد ..قليل الكلام جدا ولايمزح معي ابدا !! عندما يطلب مني شي واريد اتدلع عليه اقوله لا مثلا بدلع وضحك يغضب

ويتركني ولا في امل يرجع لي مره ثانيه....لا يرفض لي طلب ولا يضربني او يهينني لكنه مجمدني احس اعصابي تتعب

اتكلم معاه يقول انا طبعي كذا انا استحي من الحريم ..يعني كويس الحين اطالع فيك وانا اتكلم انا بطبعي خجول

ومااعرف اتعامل مع الحريم؟؟؟بس انا مو مصدقه هذا الكلام احس انه بس يسكتني...لمن يجي يكلم زملائه في العمل

ويسأل عنهم ويضحك بصوت عالي ويبان على وجهه الفرح والسعاده وانا لا؟؟؟لا تقولو انتي مهمله وماتهتمي بحالك

بالعكس انامحافظه على رشاقتي ومهتمه بحالي دايم وبشهادته وبيتي وطبيخي وعيالي دايم في احسن حال وبشهادته

مهتمه فيه وبكل شي يخصه دايم اذكره باشيائه المهمه وبأهله وعلاقتي مع اهله ممتازه جدا وخاصة امه وابوه

دايم اشتري له الهديا في المناسبات بس هو ولا على باله ولا حتى ورده مع اني تكلمت معاه اكثر من مرهولمحت له

لاكن لاحياة لمن تنادي...اريد اشعر بانوثتي وبقيمتي في حياته ...احب اوضح اني قبل كفشته يطالع اشرطه اباحيه

فيديو ودي في دي وتخاصمت معاه وووعدني يبط يشوفها وبعدها بفتره صار يطلع برا ويكلم تلفون ولمن اخذت

اخر رقم دقيت عليه طلعت لي وحده انا وقتها تجننت وواجهته واعترف وقال انه جره واحد من أخوياه ولا هو

مايفكر ووعدني مايكررها ...الحين الاحظ عليه لمن يجي كثرة الخروج من المنزل لوحده ولمن ادق عليه

الاقي جواله مقفل وادق على جواله الثاني بطاقة الاقيه مشغول ؟؟؟يجلس احيانا نص ساعه او اكثر مشغول

وبعد مايقفل يرجع للبيت مباشرة؟؟؟هذا لشي مشككني الحين وماني عارفه ايش اسوي لاني تعبت معاه

طبعا هذا غيض من فيض حبيت افضفض شوي واطلع اللي بقلبي وان شاءالله اجد لديكم الحلول اللي

تساعدني بإذن الله اعذروني على الإطاله