اليوم جيت بفتح الماسنجر حقي ولقيت زوجي كان فاتح الماسنجر حقه وناسي يقفلة..وهو الاحظه دائمآ حريص انه ما يخليه مفتوح..ولما لقيته مفتوح جلست اقرأاسماء المتصلون اللي عنده ولقيت من ضمن المتصلون يجي أكثر من 20 ايميل بأسم بنت (أدري بتقولون انه فيه شباب يسمون انفسهم بأسماء بنات بس الطامه الكبرى انه كان حاط اوف لاين وانا حطيته اون لاين وبدوا البنات يفتحون معي محادثه اللي تقول هلا بالحبيب الغالي اللي احبه وما أدري وش سر هالحب اللي من 4سنوات ونص....واللي تقول ..........ياحياتي وينك من زمان عنك...؟؟؟؟؟؟؟؟؟؟ وش رايكم انا يوم قريت هالبلاوي بديت انتفض وما أدري وش اسوي ابغى حل تكفون ساعدوني والله اني اكتب لكم هالحين وانا منهارة ومصدومه فيه مررره..وعلى فكره قبل فترة تقريبآ6 شهور لقيته مسوي مع وحده محادثه وناسي يقفلها وتكلمت معها على اساس اني هو وجلست تسولف معي سواليف كأنها سواليف وحده تمون او وحده راعية محل..فاهمين علي؟؟ويوم وريته المحادثه جلس يضحك ويقول اصلآ هذي وحده مضيفتني عندها عن طريق المنتديات وما اعرف ايش وجلس يخربط علي ويهاوش ويتكلم بالثقه قصده لاتبدين تشكين لأن هذي كلها خرابيط ولو بديتي تشكين هذي نهاية علاقتنا الزوجيه ومن هالكلام لحد ما سكت وعديتها.....لكن الحين وش السالفه؟ابغى افهم؟ وش اسوي؟؟ الله يوفقكم ويستر عليكم ساعدوني تكفووووووووووووون..





عفوا تم تغير العنوان ليكون بالفصحى



عفوا :يرجى الابتعاد عن اللهجات المحلية قدر الامكان ..ولكم جزيل الشكر