اخواتي البنات

بأدخل في الموضوع على طول

اكيد كل وحده فينا عندها اكثر من فستان سهره ........................صح ولا.... لأ


وتلبسيه مره مرتين بالكثير وترفيعيه في الدولاب.......صح ولا ..لأ


بعضها ضيق ...صح و ..لأ

بعضها بطلت موضته....صح .ولا... لأ




احكيلكم موقف

من اكثر من 6 سنوات كان عندي فستان زواج اخوي

جات اختي الكبيره في المدرسه قالت لي ان في بنت في المتوسطه فقيره جدا ويتيمه وامها تبغا تزوجها

فقالت لي اختي عندك ملابس نجهز فيها العروس الصغيره


واعطيتها كم فستان ومن ضمنهم الفستان السهره


اليوم تمر البنت عند اختي في المدرسه ومعاها طفلين




تقولها: شكرا يامعلمه على الفستان

انت يسرتي زواجي وزوجتي اخواتي الأربعه فيه ودحين اعطينا الفستان لوحده من البنات زواجها في الحج

تصدقي يامعلمه ان كل شي هان لما شوفنا الفستان

كنت كل يوم ابكي قبل زواجي وأأجل الزواج

واقول كيف اتزوج وانا ماعندي فستان انزف فيه على زوجي وافرح مثل باقي البنات)




ماتصدقوا يابنات قديش انا فرحنا اني دخلت الفرحه في قلوب اكثر من بنت بمجرد فستان واحد


وعلى فكره الفستان اصفر يعني ماهو ابيض مثل ماكلنا نحلم بس شوفوا الفرحه كيف دخلت في قلوبهم

وخلينهم اجمل عرايس في عيون ازواجهم.





هيا يابنات كل وحده تفتح دولابها وتطلع فساتين السهره وتوزعها

حتى لو كان غالي


اصلا مارح نلبسه


انا عندي فستان عنابي له 4 سنوات مالبسته ولااقدر البسه لأنه ضيق عليه وبنفس الوقت متحسفه عليه

لكن اليوم بأطلعه



هيا يابنات خلونا نيسر زواجات البنات بفستان عسى الله ييسر زوجاتنا اجمعين



ويارب يرزقني ويرزقكم يابنات الأزواج الصالحين

ويرزق الشباب الزوجات الصالحات

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا