ياجماعة في موضوع محيرني من فترة ..ومو قادرة أتخذ في قرار ..وأحاول اتنساه لكن ساعات يجي ويطري على بالي ..

لما تملكت ماكنت ناوية اسوي عرس ..بس بعدين فجأة قررنا نسوي عرس ..

أول شي فكرت فيه ..بطبيعة الحال اني أشتري فستان عرس ..

ولقيت بسرعة فستااااااان رووعة روعة روعة ..

مقاسي بالضبط وستايله يناسبني ..يناسب شخصيتي ..

والحلو فيه انه محتشم ....وانتو عارفين صعب الاقي محتشم هالأيام ..

أذكر الوالدة الله يحفظها كثييييييييير حبت الفستان ..

المهم شريه وظل عندي ..

ثم

انفصلت ..

المهم
وظل الفستان عندي ..الأغلبية العظمى قالوا احتفظي فيه لا تبيعينه ..

وأنا صراحة الفستان حااااااااااااااااااابة ألبسه

بس انتوا عارفين ..

احنا ماندري شمكتوب لنا ..

أنا فكرت أخليه من باب التفاؤل ..

وحدة من صديقاتي شارت علي ..اني احتفظ فيه لأنها عرست قريب وعاااااااااااانت معاناة لحد مالقت فستان يناسبها والأسعار هالفترة ..فووووووووق ..

ألحين الفستان بيت صديقتي ((أنا أمون عليها كثير ))

وما حاولت أعرضه للبيع ..

وناوية إن إذا ربي تكرم علي وتزوجت ولبسته ..فوووووووورا بوديه مؤسسه خيرية وبتبرع فيه ..

على فكرة هو كلفني ..ومثل ماقلت لكم ..يناسيبني كثير ..

أنا ناوية اليوم بإذن الله أستخير قبل ماأنام بخصوص الفستان لأن صار له فترة ..في بيت صديقتي ..وربي ماأذن ..بزواج ..

وقلت بالمرة أستشيركم ..

من باب أنه

ماخاب من استخار ..وماندم من استشار ..