السلام عليكم اعضاء المنتدى وبالأخص هذا القسم ..


تتذكرو موضوعي ( شوفو كيف صار حال طليقي) .. وكيف رديتو علي .. وارتحت كثير بالردود وجزاكم الله كل خير ..

اللي يقول لي لا تخلي الحقد يعمي قلبك ..واللي يقول سامحيه واحتسبي الاجر .. واللي يقول وكلي امرك لله .. وبالفعل

سويت مثل ماقلتو ..


لكن اللي صار اني صرت افكر فيه كثير .. واتخيل حاله .. واني انا السبب .. ولدرجة وصلت بالتفكير اني ندمت على طلب

الخلع بالرغم من الاهانات والظلم اللي شفته منه ومن اهله .. واني ممكن ارجع له لو طلب ذلك .. وصرت احلم فيه كثير .. واحلم اننا نرجع نتزوج من جديد..واحلم انه يشتكي لي من زوجته الجديده ..


واخر حلم كان عباره عن رساله عنوانها ( انا ميت فيكي او بدونك ) ...بصراحه انا تأثرت جدا جدا جدا بهذه الكلمه .. لأن اغلب احلامي تتحقق بالواقع ...


مدري ايش اسوي عشان ابعده عن تفكيري ... لانه بعض الاحيان يغلب الحنين علي وتجيني افكار مجنونه ( اني اتصل عليه واسمع صوته فقط ) << ترا كلها وساويس شياطين ومستحيل اسويها..


بعض الاحيان اقول السبب منكم ..لانكم نصحتوني بنزع الحقد من قلبي ..

ها ايش رايكم ؟؟ وكيف اتخطى هذه المرحله.؟؟؟... للعلم اني بقرب للسنتين لطلاقي

__________________


اللهم فرج كربتي ويسر امري واكتب لي الخير يارب