بما انك من الرياض اذن بساعدك لأني عايشة بنفس مجتمعك
الرجال وش يعرفه انك حاطة اسمك عند خطابة؟
ترى الخطابات يروحون لمدارس لجامعات لزواجات وياخذون ارقام البنات يعني ماهو شرط انت دقيتي عليها
وبعدين الخطابة ماتمدح الرجال ولو فرضا مدحته لاتاخذين بكلامها
خذي اسمه ومن وين وش اصله حتى شغله لاتسألينها ماعندها علم من كثر الرجال اللي عندها
وهي تاخذ اسمك ومواصفاتك الشكلية ومن وين
واذا كلمت اهل الخاطب وانت ناسبتيهم يدقون عليكم عادي وخذو المعلومات من بعض وابدأو أسألو انتم هنا ينتهي دور الخطابة الا ان كان تعطينها مبلغ بس!
والله اخوي متزوج عن طريق خطابة وامورهم ماشاءالله تمام التمام
انا مثلك مااحبهم أحس اني استعرض نفسي لكن لابد أن تبذل الأسباب
موفقة يالغالية
__________________
اللهم لك الحمد والشكر
"ولئن شكرتم لأزيدنكم"
24-12-2006, 09:36 PM
ضوابط المشاركة
العرض الشجري