للبنوتات والمخطوبات والمتزوجات فقط <<< - منتدى عالم الأسرة والمجتمع

03-01-2007, 05:28 PM

~-^دلوعة خطيبها

عضو جديد

تاريخ التسجيل: Sep 2006

المشاركات: 38

للبنوتات والمخطوبات والمتزوجات فقط <<<

هلا بكل خواتي فهذا المنتدى الأكثر من رائع ..

حبيت اطرح موضوع بمناسبة العيد .. عيدكم مبارك مؤخرا

شو عايدج خطيبج وزوجج؟؟

انا ببدأ وبقولكم قصه صغيرة استفدت منها معلومه اتمنى انها تفيدكم ..
العيد الي طاف قبل العيد بأسبوع كنت احن وأرن على خطيبي ياترا شو بتكون عيديتي ؟؟

تعرفون شو رد؟؟ قالي مو لازم حبيبتي اعايدج لأن العيديه حق الصغار

انا طبعا عصبت وقلت هذا يبي يقص علي

<<<< مسويه نفسها ذكيه وطلعت غبيه

المهم اتهاوشت معاه ليش ما تعايدني ولازم تعايدني <<<< وللأمانه هوا طول السنه مغرقني هدايا وفلوس ومايقصر
بس انا الي ما عرفت اتصرف ... المهم مر العيد ولا جابلي شي وطبعا كنت زعلانه وهو كانت معصب مني
لأنه يا بنات الرجال ما يحب الوحده منه تفرض رايها خليه يجيبلج كلشي من نفسه وعن طيب خاطر ..

وخليج ضعيفه قدامه لا تبيني نفسج قوية الشخصية ترا ولله انهم يحبون القطه المغمضة الي تقولهم حاضر..

صدقوني نحن المستفيدات .. وعشان أأكد على كلامي هالعيد سكت ولا جبت له طاري العيديه

تعرفون امس شو قالي ؟؟

قالي انا مجهزلج هديه بسيطه قبل العيد بأسبوع شريتها واتمنى انها تعجبج ....<<

شفتو كيف بالسياسه كلشي يصير
وانا صرت اتعامل معاه بهالاسلوب اذا بغيت اروح السوق اقوله ممكن اروح السوق

واذا انت مو راضي انا ما بطلع مكان<<< وايد مؤدبه

تصدقون يقولي طلعي حبيبتي واستانسي ويعطيني فلوس لا ويقولي اخافهم ما يكفوج <<<

عاد انا كل اسبوع اطلع

المهم خلاصة كلامي انه الاسلوب له دور كبير يخلي زوجج يوافق ويعطي كلشي وهو راضي وانتو لا تقصرون بحركات الدلع

والرقه

والانوثه

تراها تلعب دور كبير

تحياتي لكم بحياة سعيده

ويالله خبرونا تجاربكم عشان نستفيد من بعض

__________________


	حب الكلام يموت لو عاش أعوام ؟؟؟؟ بس حب القلوب يعيش لو كان مدفون!!!!!

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 12:09 PM.

روابط سريعه