العباءه المخصره ... حطمتني من جد
السلام عليكم ورحمة الله وبركاته
مساء الخير للجميع
ما أدري من وين أبدا ... لاني من جد متحطم .. الله يعين على هالحظ
انا خطبت قبل فتره خطبه رسميه راحت انا والوالد وأخوي وخطبنا ..وافقو وكنت مبسوووووط لدرجه ماتتصورن فرحت فرحه غير طبيعيه
لاني أخيراً راح أستقر وأكون أسره ويجيني بزارين أدلعهم وأدلع أمهم
جلست أفكر وين القصر ونوعية الاثاث وكنت ناوي .. أملك بسرع وقت ..
بصراحه عشت أيام حلوه كنت أقوم لدوام بدري دوامي 8 انا اصحى من الفجر .. وكنت مرتاح نفسياً
حتى الدوام صار كله ضحك بضحك ويمر بسرعه .
اكيد بتتسألون وين المشكله الحين ..؟؟
طيب
طبعاً اهل البنت نعرفهم ولكن مب ذيك المعرفه الشامله .. قبل لانخطب منهم سألنا عنهم طلعوا اجواد وناس محترمين وسألنا عن الاشياء الظاهره عن البنت طلع مافيها كلام
بس بعد الخطبه بفتره .. جانا خبر أكيد ان البنت تلبس العباءه المخصره .. وانا من قبل لاخطب حتى وانا في ايام سن المراهقه أكره اللي تلبس هالعباءه وكنت من النوع اللي ينقد على البنت اللي تلبس هالعباءه ..
يمكن البعض يقول انك متشدد وحالتك حاله .. بالعكس انا مب متشددد بس ماعتقد فيه رجال يرضى ان شريكة حياته تلبس مخصرررر
بصراحه ضاق صدري .. وتحطمت من قلب حتى أني كرهت الزواج .. ولعنة هالحظ اللي مب راضي يقوم لو مره ..
بصراحه انا الحين محتار ؟؟ كيف أرفضهم بعد ماعطوني البنت ؟
وكيف أتعذر لهم .. من جد موقف صعب وشايل همه .. انا حياتي أغلبها شقا .. بس مثل صعوبة هالموقف ماقد مر علي
محتار من جد محتار ..
محتار بين كرهي للعباءه المخصره .. ومحتار كيف أرد بكلمتي بعد ماعطوني ؟؟
أدري أنها غلطتي .. لاني تسرعت وخطبت .. بس ماتوقعت هالشي راح يصير ويمكن لاني حاجتي لزواج جعلتني متسرع
أخواني أخواتي الاعضااااااااااااااااااااااء .. محتاج رأي كل واحد فيكم الله يجزاكم الف الف خير
وش الحل بالضبط ..
أنتظركم
رجل
__________________
يالله يا كريم أنك توفقني
التعديل الأخير تم بواسطة رجل طيب ومتسامح ; 10-01-2007 الساعة 10:44 PM
10-01-2007, 10:41 PM
ضوابط المشاركة
العرض الشجري