بنات بدي مساعدتكون بلييييييز .... خطيبي عازمني اليوم على الغدا بمطعم .... كيف بدي إتصرف معو؟.... يعنو بقصد إنو صار لي ماشفتو من شي 3 أسابيع ميشان موضوع الامتحانات ...وآخر مرة طلعت معو كانت من شي 40 يوم .. بصراحة بحس إني اليوم بشوفو كأني بشوفو أول مرة ... فهمانين عليي ؟ ... يعني بحس إني مرتبكة وخجلانة كتييييير كأني بصير معو أول مرة .... وقاعدة عم بفكر ... ياترى أطلع معو ولا أرفض ... هوي لما عزمني ..ارتبكت وقلت لا ما بدي ... قال لي شو ما بدك تطلعي معي .. قلت لو ما بعرف بعدين لقلك .. وبعدين دغري حاكيت الماما وقلت لها ..... قامت قالت ... أي طلعي معو شو فيها ... روحوا المطعم ... روحوا السوق ... بس أنا كتيييير خجلانة منو ... وهوي بيعرف كمان أني خجولة كتيير ... أساساً هاي شهرتي بالعيلة وبين رفقاتي ... فالله يخليكون قولوا لي كيف بدي أتصرف معو لما بنكون لحالنا بالمطعم ... كيف يعني ؟ ... بقصد أنو الشي الوحيد اللي أنا كتييير بتفنو وشاطرة فيه هوي الخجل ... غير هيك ما بعرف ... يعني أنا من خجلي ما برفع سماعة التليفون لما بيرن ... وإذا رفعتها بالصدفة .. وسمعت صوت رجال .. دغري بسكر الخط ... ومين من كان يكون على الخط .... بليييز قولوا لي كيف بدي أتصرف معو لما بنطلع مع بعض ... بحاكيه كلام حلووو؟ ... وشو هوي هاد الكلام؟ ولا بصفن واضل ساكتة لوقت رجوعي على البيت ... بلييييز ردوا عليي كيف بدي إتصر معو ؟