عزيزتي أناقليلة هي مشاركتي في مواضيع هذا المنتدى الرائع لصعوبة كتابتي بالعربية بس حسيت إني لازم أرد على موضوعك وأنصحك لأني مريت بنفس الظرف و كانت المدة 4 سنين كمان و كان هو في بلد مجاور للبلد اللي أنا ساكنة فيه. أول مرة عملها و طلع مع بنت تانية كشفته من تغير إسلوبه معي و لما حس إني راح أتركه إعتذر و رجع يراضيني و قالي إنه البعد طول وهو تعب وصار عنده ضغط نفسي و من هالحكي فأنا لأني كنت أحبه سامحته و رجعت. بعد سنة و بالتحديد بعد ما رجع من زيارتي تعرف على بنت تانية و كان مش مهتم بمشاعري بالمرة و كان يشكيلي من الضغط النفسي و يعتذر و يوعدني إنو يقطع علاقته معها و ما يفعل. إستخف كتير بمشاعري لأني سامحته على إشيا كتير كبيرة و تمادا. أنا بنصحك من قلب محب إنك ما تسامحيه و فتشي على إنسان صالح يكون قريب منك و ما يربطك و يعذبك معه وقت طويل. أنا مش عم أول إنو خطيبك إنسان مش منيح أنا ما بقدر أحكم على ناس ما بعرفهم بس هيدي هي طبيعة الراجال بحبو ا الشيء الأريب من عيونون. بيقول المثل البعيد عن العين بعيد عن القلب. أنا ندمانة على الأربع سنين و حاسة إني ضيعت إيام حلوة من عمري عالفاضي. و بدي أزكرك بشئ يمكن مش خاطر على بالك هلق إزا رجعتيلو و ضلو بعيد عنك را إتضلك قلقانة إنو يعملا مرة تانية أو إنو أي بنت تغريه و تعيشي بعزاب و يصير فيكي متلي نقص وزني 5 كيلو و صار أصغر مقاس كبير علي . إزا إنت مصرة ترجعيلو بعد كل ياللي إلتلك إياه بنصحك يكون الزواج قريب و قريب جدا و إلا فإنسي الموضوع وشوفي إنسان يستاهلك و يقدر حبك و صبرك عن جد. اللهم وفق جميع المسلمين إلى ما تحب و ترضى. أتمنى لك التوفيق.
أختك صبية.