السلام عليكم ورحمهـ اللهـ
أخباركم ياحلوين مع البرد
نجيب لكم من الاخر
أنا بنت عمري 17 سنه
مشكلتي زي مشكلات ناس كثيره هنا (الثقه بالنفس)
كنت قبل سنهـ ثقتي معدومهـ
بس ولله الحمد أزدادت شوي
بعد مارحت للآخصائيه نفسيه
لكن ماآزال غير راضيه عن نفسي
وهنا المشكله
الدكتوره ماتقدر تشوفني الاما بين فترات طويلهـ
ولمدهـ قصيرهـ
يعني ماأقدر أقولها اللي بداخلي خلال الجلسهـ
وهذا يصيبني بالاحباط ومن بعدها نرجع مكان مابدينا
( تيتي تيتي مثل مارحتي جيتي )
والحين أنا معتمده عليكم من بعد الله سبحانهـ
مشكلتي أذا بغيت أختلط مع الناس
أتصنع بكلمتي واراقب ضحكتي واراقب رده أفعالهم ووش قالوا عني يمكن ماعجبهم كلامي أجل أنا مكروهه أوووووه ليه محد يحبني أنا أكره نفسي وأكرهم بعد .. > هواجسي توصلني لين هنا
غير أني إذا هاتفت واحده من قرايبيني أو زميلاتي بالتليفون
أهتم لتخيل طريقه جلوسها ورده أفعالها أكثر من الكلام اللي تقوله
وهذا اللي خلاني أتهرب من أني أكلم بواسطهـ التليفون
لاني أتعب نفسيا بعد كل مكالمه أدقق فيها
غير أني بليدهـ إحساس
يعني لمن أتشجع و أختلط بالناس .. ( أفهي )
ماقدر أنطق بكلمهـ
وإذا تكلمت يكون عقلي موب معي
ولا أحس باللي قلتهـ الا لما أرجع للبيت واقعد لحالي > زي المخدرهـ بالظبط
هالحين يأخواني رجيتكم تساعدوني
زهقت وأنا أحاول أغيير بنفسي مانيب قادره
لاتقولون لي أسامي كتب
قريت المكتبات اللي في السعوديهـ كلها
ماستفدت
أعرف كيف المفروض أني أتصرف
بس مادري ليش ماأقدر أتصرف
إيه نسيت أقولكم ملاحظهـ
أنا من ورى جهاز الكمبيوتر (شخصيهـ ماحصلتش )
بس الواقع أصعب من أنه يكون مجرد كيبورد وشاشهـ
الله يسعدكم يارب ويوفقكم
سلامي لكم ، .
وحدهـ من البنات
21-01-2007, 02:57 PM
ضوابط المشاركة
العرض الشجري