اخي المترو ..اللي اعتز والله بوجودك في هالمنتدى ويسعدني مرورك ..بالرغم من ان الجميع الله يحفظهم ويسعدهم ما قصروا ونصحوني لوجه الله لكن بالعكس يشرفني واحترم رأيك جدا وغيرتك الشديده ..بس والله لا تضايق في نفسك في ناس شفتهم في هالدنيا وقابلتهم سبحان الله كلمة ذئب شويه عليهم ..منتهى المكر والدهاء واللف والدوران والكذب لا غير هذا وذاك بستار الدين والفضيله يظهرون انفسهم كأنهم قمه في الاخلاق والمعامله وطيبة القلب وهم قمه في النذاله والحقد والمكر لاخوف من الله ولا حشيمة حتى لشواربه اللي على وجهه (الله يكرم السامعين ) بصراحه ما اقول غير لا حول ولا قوة الا بالله ...ساعات صرت اشك في اقرب الناس لي من كثر ما ظهرت لي حقيقة عينات من البشر سبحان الله اقرب ما يكونوا للشياطين والله اني ما ابالغ وهذا كله حقيقه .

اخي المترو في مجال العمل المختلط ..بس الوحده ان تكلمت او اشتكت على احد من الموظفين او المسؤول راح يصدقونها وممكن يتفنش الموظف لكن اصابع الاتهام من جميع الرجال الموظفين ستتجه نحو فلااانه يمكن وضعها يكون اسوأ وأسوأ ..واغلب الاحيان محد يصدق اي موظفه او اي امرأة بشكل عام في مكان فيه رجل ...في حادث سيارة بسيط الشرطي من يشوف حرمه ..يسلم على الرجل المتسبب في الحادث مثلا ..ويخطط ولا كأنه فلانه موجوده ..أو اول ما يشوف الحرمه يقول الله يهديك ما عرفت تتفادين الحادث وتتصرفين بذكاء حتى لو كان المخطىء سائق باص هندي ؟؟؟؟ تخيل لأي درجه وصل الحال ..! الله يستر علينا ويرأف بحالنا في الدنيا والآخره.

ان شاء الله طالعه طالعه من هالجو وهالعالم بعد ! والله اني اتمنى بس كم شهر اعيش في جزيرة بعيده اعيش فيهالوحدي بدون ضغوط ولا هموم وابعد عن الناس وذكرياتي وكل شي !

شكلي بعد بتخذ قرار اني ما اتزوج بعد لا بومتعب ولا غيره ..بصرااحه الدنيا اشوفها هالأيام سوووووده في ويهي ...ما عرف ليش ..اللي يشوفني والله يحسدني على جمالي ومالي وسيارتي الفخمه وسفراتي وابتسامتي اللي ما تغيب عن وجهي ومرحي للحظه وما يدرون انه قلبي من الهم قرب يوقف ..سبحان الله لا يعلم ما في قلوب البشر الا اللي خلقهم ..الحمدالله على كل حال...

جزاك الله خيرا اخي المترو ..كلامك فعلا لامس جرحي الأليم؟؟ الله يبعد عنك كل هم وغم وما تشوف الا كل الخير في حياتك يااارب .