احترت مع زوجي
السلام عليكم ورحمة الله وبركاته :
أنا عضوة جديدة وهذه أول مشاركة لي هنا وعندي مشكلة مع زوجي
وأتمنى ألاقي عندكم حللللللللللللل
أنا متزوجة من ثلاث سنوات وأحب زوجي بجنون وهو يحبني
مثل مايقول بس أنا أشوف عكس كذا وهو عصبي جداً جداً جداً
وفيه شوية غرور وبشهادة من أهله يعني مو علي بس
ومستحيل لما نتخاصم هو يراضيني أنا دايماً أراضيه حتى لو كان مزعلني
وحتى لما نطلع مع بعض مثلاً للسوق في الغالب نرجع متخاصمين وأنا أبكي
على أشياء تافهه مثلاً يقولي ليه جالسه تطالعين صاحب المحل أو فيه رجال كان بيصدم فيكِ
ويرجعني للبيت في أسوأ حاله و مره كان موديني لمستوصف وتأخرت
وكان يدق علي بس ماكنت أقدر أرد لأني الطبيبة تكشف علي
وسمعته جالس يصارخ على الممرضات والإستقبال فطلبت من الطبيبة
إني أخرج خلاص ما أبغى علاج والله استحيت كثير وقالت لي الدكتورة هذا زوجك
الله يعينك عليه
عارفه إنه ماله داعي أذكر هذا كله بس قلت بحطكم في الصورة
وبالله عليكم اللي يعمل كل هذا في حد يكون يحبه
لكن الطاااااااااااااااامة الكبرى 
لما أقوله ليتك تحبني مثل ما أنا أحبك يقولي مو لازم أتكلم هذي أمور تافهه
أنا في الدنيا مافي أغلى من أمي عندي وهي في المقدمة كلامه هذا مافيه
حد يقدر يعترض عليه وأمه اعتبرها مثل أمي
لكن يقول بعد أمي أخواتي وزوجتي بنفس درجة الحب
ومستحيل أقدم زوجتي على أخواتي بعد هذا الرد بكيت من أعماق قلبي
وأنا جالسة أكتب لكم والله ما أشوف من دموعي
سؤالي هل قدر الزوجة ومحبتها بنفس قدر ومحبة الأخوااااااااااااات ؟؟؟
بالله عليكم ردوا علي وخففوا عني
بصراحة حياتي لاتطاق
التعديل الأخير تم بواسطة أنوار** ; 14-03-2007 الساعة 01:57 PM
14-03-2007, 01:55 PM
ضوابط المشاركة
العرض الشجري