اقتباس مشاركه سوزانيا
عضو دائم
ما أحتاج توصيلة ، ودخل البيت وآنه كنت قاعدة مع أمي ووالدي وكان شايل باقة ورد وهدية ، وسلم عليهم وقلت له أمامهم حمدلله على السلامة بس عشان ما يحسون بالموضوع ، وقال لي خاطري أقعد معاج على أنفراد قلت له أوكي ودخلنا غرفتي وقال لي إنتي المفروض ما تقولين لي الحمدلله على السلامة عشان توهيمينهم إني راجع من السفر ، بالعكس قولي لي الحمدلله على السلامة لأني رجعت حق نفسي .... هاليومين أدبتيني ، وعرفتيني إني ما أقدر أعيش من غيرج والبيت ظلمة من دونج ومن دون بنتنا ، وآنه أحبك حب ما أنجود ولا أنولد في هالدنيا ، وحاسبت نفسي حساب عسير ماراح أقول لج إللي سويته بنفسي بس باقول لج إني رجعت لربي وعرفت إني مذنب وغلطان ومقصر في حق ربي أولاً وحقكم ثانياً وحتى في حق أهلي ... وكان يقول الكلام وهو يبكي والله إني بكيت معاه وحضنته وأنا أقول له بس خلاص لا تبكي لأني ما أحب أشوفك صغير وضعيف ، قال لي آنه ضعيف من غيرك ، وآنه كنت حيوان وحقير في تصرفاتي معاج بس أبغاك تعرفين شي واحد أن كل هالبنات إللي عرفتهم ما يسوونج ولا يسوون تراب رجولج ، لما صار لي الحادث الله عطاني عمر ثاني بس عشانج إنتي عشان نتزوج وآنه ما قدرت هبة رب العالمين إلا متأخر وقلت حق نفسي لازم ألحق قبل لا يفوت الفوت لأنج إذا تركتيني ورحتي عني صدقني بضيع ويمكن أنحرف ، إنتي ما قصرتي معاي في شي كاملة والكامل الله بس آنه إللي قصرت وبتشوفيني إنسان ثاني من اليوم وساير وإذا شفتي شي ثاني لج الحق تتصرفين مثل ما تبغين ، بس عطيني فرصة ثانية وجربيني
المهم شلت أغراضي وبنتي ورحت على بيتي وآنه شايلة في قلبي أمل أن بالفعل يكون رجع حق نفسه ، وإيماني ويقيني برب العالمين أكبر من أي شي بالدنيا ، ويمكن يكون نتيجة دعواتكم لي وله بالهداية ... والأهم أن بنتي كانت فرحانة برجعة والدها وكانت تبوس فيه كل ثانية وتقول له بابا وحشتننننننني
الله يجعله إن شاء الله في ميزان حسناتكم يوم الدين ، ولا يريكم مكروه ، إنه على كل شئ قدير وبالإجابة جدير
والله اختي دمعت عيوني وقلبي من شده الفرحه ما تتصورين عورني عليه حسيت انه ندمااااااااااااان حيل
والله العظيم وانا رجال قلبي جاته البكيه من شده فرحتي لج
الحمد لله والشكر لله أن زوجك عاد إلى رشده وهداه رب العالمين ، وهذا كله بفضل الله ثم بفضل دعواتك ودعوات محبيك ..... مبرووووووووووك أختي الكريمة
__________________
08-04-2007, 12:48 PM
ضوابط المشاركة
العرض الشجري